الموضوع: لو حد يعرف الدغيدى ابو ايناس، يقوله حسام حسن بيقولك .........................

حسبي الله ونعم الوكيل بجد الحاجات اللي بيقولوها دي مش بتتقال اعتباطاً كده ولا مجرد افكار مجنونة من بعض الفئات المقززة اللي زي دي.
الموضوع وراه حاجات تانية خالص واهداف متنظمة ومتخططلها من زمان وللأسف احنا عندنا في كل مراكز اتخاذ القرارات مجموعة من السفهاء تنفذ الهبل ده وهي مقتنعة انها بتعمل الصح وبتسعى لمصلحة المجتمع والكلام الفارغ ده والغريب انهم بيبقوا مصدقين نفسهم بجد وحاسين انهم بيعملوا خير وياعيني ليه الناس بتهاجمهم كده مع انهم قصدهم الخير للكل.
بجد حسبي الله ونعم الوكيل فيها هي وامثالها اللي عايزين يقضوا علي الاجيال اللي جاية بعد كده.
علي فكرة اللي هما بيعملوه ده مش احنا المقصودين بيه اولادنا واحفادنا والاجيال اللي بعد كده هي اللي هاتتعك فيه ربنا يستر علينا بجد من اللي جاي
انا مش عارفة الناس اللي عمالة تبدع في عاداتنا وتقولك الاحتفال بالمولد النبوي بدعة والاحتفال بالاسراء والمعراج بدعة ويترجموا كل تصرفات المسلمين علي انها بدعة وضلالة تايهين عن الست دي فين؟ ليه مبيهدروش دمها ويخلصونا منها يعني بدل ماهم جايين في التافهة وبيتصدروا يعني وسايبين الافعي دي تنفخ سمها في المراهقين وضعاف النفوس بالشكل ده :angelsad2:

وكمان مرة حسبي الله ونعم الوكييييييييييييييييييل :angelsad2:

المشاركة الأصلية كتبت بواسطة Dr Ahmed

لا يا بيردى
إوعى تخلطى الصالح بالطالح وتقولى على حاجات إنها تافهة لأنك مش عارفة هم قالوا انها بدعة ليه وبعدين تطالبيهم بالدعوة لقتلها !!!
خللى اللى بيحاول ينقى الدين من البدع يعمل اللى يقدر عليه ، واللى يقدر يقف فى وش المفسدين يعمل اللى يقدر عليه من غير ما نستهين بدا ولا بدا

بس معلش اسمحلي برده منجيش نقعد نمسك في بعض (كعلماء) على امور اصلا خلافية وكبار االأئمة اختلفوا في اباحتها من عدمها.
يعني انا اللي اعرفه ان الاحتفال بالمولد النبوي في حد ذاته مباح بالعكس ده مطلوب كمان عشان تذكير الناس اللي نسيت دينها ورسولها لكن طريقة الاحتفال هي اللي عليها الكلام والاختلاف في اباحتها من عدمها فميبقاش الحل اننا نقعد نبدعهم ونقول عنهم مذنبين وحرام وانتوا بوظتوا الدين باللي بتعملوه
طب ماهي واحد زي دي مش بس بتبوظ الدين دي بتبوظ المجتمع كله بكل دياناته وعاداته وتقاليده
قبل مانطهر الدين من البدع نطهر الدين من اعداءه والكلام ده علي مستوي كل الديانات يعني.
منجيش مثلا على الناس الكبار الجد والجدة مثلا متعودين يحتفلوا بالمولد النبوي بإنهم يعملوا اكلة حلوة ويعزموا فيها ولادهم واحفادهم كلهم ويعملوا صنف معين من الحلويات ولا يشتروا حتى حلاوة المولد (مع انها مبقتش حلوة يعني ) وينبسطوا في اليوم ده ويقولوا لبعض كل سنة وانت طيب النهاردة مولد اكرم الخلق رسولنا عليه الصلاة والسلام
حتى عشان الاطفال نفسهم يفتكروا والطلبة اللي بتعتبر مادة الدين مجرد مادة تنجح وتعدي فيها بس ومهياش مادة مجموع ومبيهتموش بيها، يفتكروا اليوم ده ويذكروا بيه بعض ، يبقي ايه الحرام في كده وايه البدعة في كده طالما مأغضبوش ربنا ولا عملوا ذنب؟
ولو تفتكر سيدنا عمر قال على موقف كانوا المسلمين بيعملوه بس للأسف مش متذكراه دلوقتي (نعم البدعة هي) يعني هي بدعة اينعم لكن بدعة حسنة
يعني منجيش نقفش علي دول ونسيب الهبل اللي حاصل ده من اعداء الدين زي ايناس الدغيدي وامثالها يقعدوا يبوزوا عقول شبابنا بأفكارهم.
وانا فعلا اسفة على لفظ (تافهة) لإني عمري ماتفهت امر من امور الدين ولا تفهت دور القائمين علي الدين مهما كانت ارائهم مش بتقنعني
بس اقصد اني دي امور صغيرة وخلافية مش هو ده بس يعني اللي هاينقي الدين خلونا ندور علي الدين بس الاول وبعدين نبقي ننقيه براحتنا.
وعذرا علي خروجي بره الموضوع وشرفتني يادكتور احمد بمداخلتك وتعليقك علي كلامي.
وعذرا لو كان اسلوبي حاد بس ده لإني كل يوم اسمع عن حاجات مستفزة من الست دي والتانية اللي اسمها نوال السعداوي دي وغيرها وغيرها من اللي بيطلعوا في برامج ربحية بيسترزقوا منها على حساب المشاهد الغلبان اللي ممكن يكون ضعيف النفس او مش متعلم كويس امور دينه ويسيطروا علي تفكيره بسهولة.
وحسبي الله ونعم الوكيل
ربنا يطلف بينا كلنا يارب.