السلام عليكم ورحمة الله وبركاته

السادة المخترمين خبراء اللوجان برجاء الأفادة فى كم من الملاحظات الموجوده فى سيارتى اللوجان ( مانويل فول أبوشن ) موديل 2013 ترخيص منذ عشرة ايام كيلو متر 320 كيلو فقط وهذة هى الملاحظات :


1. عند أستلام العربية من المعرض واثناء ذهابى للمنزل تلاحظ وجود صوت للعجل من الأمام ذى ماتكون ماشى على اسفلت محبحب ، قلت يمكن عشان العربية مش ماشية ولكن هذا الصوت مستمر حتى الأن وعلى الصوت عالى جدا وينرفذ .
2. الدركسيون تقيل جدا كأن مافيش بور .
3. محور الدركسيون عند المناورة على البطئ لتفادى (مثلا مطب ) الطارة تأخذ نصف دايرة ولكن لا يوجد أستجابة للسيارة بالتحرك نحو الأتجاة المحدد الا أذا ذودت أتجاه الطارة .
4. عند تعدى سرعة 100 كيلو السيارة بتعوم كأنك ماشى على صبون وتحس أن العجل الأمامى بيرقص ( على فكرة ظابط الكوتش ) .
5. فى حالة أذا كنت على سرعة 100 وفكرت أنك تحرك الطارة شعرة صغيرة عشان تعدى عربية أو تفادى مطب ، تلاقى العربية بتعوم والعجل الأمامى كأنه بيرقص ايضا .
6. الغريب الباور تقيل جدا زى مقلت وده باين على السرعات البطيئة والتحرك من الثبات ولكن على سرعة عالية يعنى عند 100 تحس أنه خفيف جدا ( وده طبعا نصيبة لوحدها ) .
7. فى حالة تشغيل التكيف والعربية واقفة كأنك مدور عربية جاز صوت رهيب جدا .
8. عصاية الفتيس مش ثابتة أثناء الثبات وكمان يتحس بأنها بتتحرك اثناء زيادة السرعة .
9. دواسة الفرامل مفيش أحساس بوجدها غير لما تجيب الدواسة على الأرض .
10. أستهلاك البنزين غريب جدا وده غير الكلام الواحد قرأه بالمنتدى ( 225 كيلو خدو 32 لتر ) .
11. باب السائق غير مظبوط فى الغلق ولكن أكيد ده حله سهل .

ملحوظة : [justify]أنا كلمت خدمة ما بعد البيع وعرفتهم بهذة المشاكل وتم حجز يوم الخميس القادم لعرض السيارة فى التوكيل ( على أنا طلبت أروح توكيل القطامية نظرا لأن السادة الأعضاء بتشكر فيه ولكن افاد المسئول أن أى أصلاحات لا تتم ألا فى المقطم ) .[/justify]
برجاء المشورة وهل فيه أحد المهندسين بالتوكيل يجب أن أتعامل معه ( العربية لسه فلوسها مبردتش ) .