ربنا يوفقكالسلام عليكم ورحمة الله وبركاته
السادة المحترمين خبراء اللوجان برجاء الأفادة فى كم من الملاحظات الموجوده فى سيارتى اللوجان ( مانويل فول أبوشن ) موديل 2013 ترخيص منذ عشرة ايام كيلو متر 320 كيلو فقط وهذة هى الملاحظات :
1. عند أستلام العربية من المعرض واثناء ذهابى للمنزل تلاحظ وجود صوت للعجل من الأمام ذى ماتكون ماشى على اسفلت محبحب ، قلت يمكن عشان العربية مش ماشية ولكن هذا الصوت مستمر حتى الأن وعلى الصوت عالى جدا وينرفذ .
حضرتك قبل ما تتحرك بالعربية بص عالكاوتشات هتلاقيها مجمعة زلط صغير. شيله كله واحدة واحدة ودور العربية وامشي بيها وفي الغالب مش هتسمع الصوت المزعج تاني
2. الدركسيون تقيل جدا كأن مافيش بور .
عندي برضه كان كده بس بعد كذا 100 كيلو هتلاقي سلس لدرجة إنه خفيف بزيادة شوية
3. محور الدركسيون عند المناورة على البطئ لتفادى (مثلا مطب ) الطارة تأخذ نصف دايرة ولكن لا يوجد أستجابة للسيارة بالتحرك نحو الأتجاة المحدد الا أذا ذودت أتجاه الطارة .
روح التوكيل
4. عند تعدى سرعة 100 كيلو السيارة بتعوم كأنك ماشى على صبون وتحس أن العجل الأمامى بيرقص ( على فكرة ظابط الكوتش ) .
التوكيل
5. فى حالة أذا كنت على سرعة 100 وفكرت أنك تحرك الطارة شعرة صغيرة عشان تعدى عربية أو تفادى مطب ، تلاقى العربية بتعوم والعجل الأمامى كأنه بيرقص ايضا .
التوكيل
6. الغريب الباور تقيل جدا زى مقلت وده باين على السرعات البطيئة والتحرك من الثبات ولكن على سرعة عالية يعنى عند 100 تحس أنه خفيف جدا ( وده طبعا نصيبة لوحدها ) .
الله أعلم
7. فى حالة تشغيل التكيف والعربية واقفة كأنك مدور عربية جاز صوت رهيب جدا .
الأوتوماتيك برضه صوت تكييفه مزعج شوية بس الحمد لله
8. عصاية الفتيس مش ثابتة أثناء الثبات وكمان يتحس بأنها بتتحرك اثناء زيادة السرعة .
الله أعلم
9. دواسة الفرامل مفيش أحساس بوجدها غير لما تجيب الدواسة على الأرض .
التوكيل وفورا. الفرامل مفيهاش هزار
10. أستهلاك البنزين غريب جدا وده غير الكلام الواحد قرأه بالمنتدى ( 225 كيلو خدو 32 لتر ) .
مش هتتزبط إلا لو سواقتك هادية وماشي في طرق مفتوحة
النهاردة صفرت العدادات قبل ماأتحرك والقراية وأنا راجع 14.2 لكل 100 كيلو :(
ليه؟ عشان المشوار رايح جاي كله انتظار وزحمة
11. باب السائق غير مظبوط فى الغلق ولكن أكيد ده حله سهل .
التوكيل
ملحوظة : [justify]أنا كلمت خدمة ما بعد البيع وعرفتهم بهذة المشاكل وتم حجز يوم الخميس القادم لعرض السيارة فى التوكيل ( على أنا طلبت أروح توكيل القطامية نظرا لأن السادة الأعضاء بتشكر فيه ولكن افاد المسئول أن أى أصلاحات لا تتم ألا فى المقطم ) .[/justify]
برجاء المشورة وهل فيه أحد المهندسين بالتوكيل يجب أن أتعامل معه ( العربية لسه فلوسها مبردتش )
يعني هتكشف في مكان وإن تطلب الأمر تصليح هتضطر تاخد إجازة تاني عشان تصلح في فرع آخر؟ لو فهمي مزبوط يبقى بلاش الكلام ده وروح فرع تعمل كله مرة واحدة. فيه توكيل العبور أو أبو رواش ولو إن أبو رواش لسه جديد ومفيهوش كل حاجة
ومعلومة صغيرة بلاش يوم الخميس. في الغالب هتلاقي الدنيا مزحومة وكل متأخرات الأسبوع بيحاولو يلمهوها يوميها
.
المفضلات