ما شاء الله تسلم ايديك ع التقريرشايفين يا نسور التقارير مش ناس تغير العربية كلها و ميعبروناش بتقرير
مبتدئ مين يا باشا خلاص انت بقيت محترف تقارير من اولها :)
بص هنتكلم عن النيتروجين و سيبك من كل الهجس اللي انت سمعته بيريح و بيطري الكاوتش و الكلام الفاضي ده
النيتروجين ميزته انه مش بيتأثر بدرجات الحرارة زي الهوا العادي اللي بيتمدد مع السخونية و ينكمش بالبرودة و اساسا ع حد علمي مش نيتروجين بيور هو هوا لكن نسبة النيتروجين فيه عالية شوية فمش بيتأثر بسهولة
انا عملت تجارب كتييير عشان اثبت فشل الكلام اللي بيقولوه بتاع بيريح و يطري و يهوي و كأننا قاعدين ع البحر
بيقولك بيريح العجلة في المطبات القصة انك لو جيت نفخت الكاوتش بهوا عادي و بتاع الكاوتش بيستخدم مقياس ضغط من ابو 7 ج اللي هو المدور المشهور فبدل ما بيظبط ع 30 هتلاقي القراية الحقيقة 32-34 لكن ع العداد قاري معاه 30 و بالتالي العجلة بتبقي كأنها حجر و تلاقيها ناشفة و طبعا هياثر ع العفشة شوية عشان كده لو حبيت تظبط هوا يكون من مكان عنده مقياس ديجيتال
انما النيتروجين العداد بتاعه بيبقي مظبوط 30 يبقي هم 30 و بالتالي الكاوتش بيكون ضغطه مظبوط فتلاقيه مريح معاك و ده طبيعي لو الكاوتش خليت ضغطه 28-30 هتلاقيه ناعم في النقر و المطبات لأنه مش مشدود انما لو زودت عن 30 هتحس بكل نقرة في الارض
نيجي لنقطة بيخلي الكاوتش طري ديه اعجوبة فعلا و كأن النيتروجين بيغير خواص الكاوتش او بيشتغل كسوستة جوة الكاوتش خواصه ثابتة سواء الكاوتش ناعم او ناشف بطبيعته و بتفرق حسب خامات التصنيع و النوعية و النقشة
طبعا لما الكاوتش يبقي مظبوط ع الشعرة النتيجة العربية بتجري و الثبات كويس و استهلاك البنزين مظبوط و المطبات و النقر هتبقي حلاوة
لو الفردة نايمة شوية او الفردة مش مظبوطة العربية هتزحف او ماشية مش مظبوطة و استهلاك البنزين هيعلي لأن بقي فيه حمل ع الموتور
اما الضغط زيادة اوي العربية هتجري لكن بتتنطط و مفيش ثبات كويس
و جرب في مكان زي بنزينات موبيل فيها عداد ديجيتال قوله ظبط ع 29 مثلا في العربية عندك و شوف العربية و جرب في مكان تاني من عند بتوع الكاوتش و شوف الفرق
بس طبعا لانك خلاص استخدمت نيتروجين مش هقولك اعمل التجربة ديه دلوقتي
للأسف فيه ناس كتيير بتردد و هم مش عارفين و مجرد شافوا النتيجة بدون ما يعرفوا السبب يقولوا امين عالطول او صنايعية عايزين يكسبوا فبيحاولوا يقولوا اسباب سمعوها و رددوها عشان الزبون يعملها بالعكس ده لو قاله الحقيقة هيكون احسن و الزبون هيستخدم انا كشخص مثلا عايز افضل ماشي فترة طويلة مريح نفسي من النفخ كل شوية يبقي هستخدمه و الواحد بيفكر يبقي يسلح الكاوتش كمان عشان يكبر دماغه من المسامير و البلاوي اللي في الشارع
و نصيحة بعد نيتروجين لو هتستمر عليه متنفخش هوا خالص كل فترة تروح تزود نيتروجين بس و متقلقش هيعيش معاك فترة طويلة اخر مرة مليت نيتروجين ما شاء الله قعد حوالي 4 شهور قبل ما ازوده
و في انتظار تقاريرك يا باشا :)
المفضلات