الموضوع: طلب من قام بتجربه السيراتو

المشاركة الأصلية كتبت بواسطة spidars

الا بدلات الشفت الي في الطاره موجوده من بدايه اي مودل واي سنه

أنا معايا 2013 الشيب القديم وكيل الفئة قبل الهاي لاين علي طول
جنط 16 و مفتاح عادي بس فيها ايموبليز الفتيس 6 سرعات 2 ايرباج و abs و فيها بدلات شيفت و بصرااحة عملي جدا جدا في الطرق السريعة لما تكون مكربسة شوية أو لو انت بتحب تجري حبتين
العزل فيها ممتاز مش بسمع حاجة برا و مافيش هوا بيصفر و الكلام الي كان في الفيرنا ده
الثبات معقول لكن مش قد كده لما كان في هوا شديد الايام الي فاتت العربية كانت بترقص علي طريق السويس
بس في العادي معقول جدا ( لا تقارن ب فانتازيا مثلا )
العفشة زي الفل و مفيش أي دب و لا ترزيع بس في الغالب عشان جنط 16
محاكتش مني في أي مطب بس أنا ماحملتهاش غير مرة واحدة
لكن في العادي بمشي خفيف لوحدي أو أنا و مراتي بس

العيب الأساسي بالنسبالي حاسس أنها بلاعة بنزين شوية و تانك البنزين مستفز( حاجة و اربعين لتر ) في حين الاوبترا مثلا 60 لتر
بتعمل 200 في الصفيحة لو ماشي محسس و ما بجريش
كان معايا فيرنا مانوال 1600 برده و كانت أحسن من الرقم ده بشوية حلويين
أنا شايف انها جميلة جدا جدا علي سعرها و ممتازة ك overall package

Sent from my Galaxy S3 using Forum Runner

المشاركة الأصلية كتبت بواسطة mhf_77

السيراتو التنك حاجه وخمسين لتر مش حاجه واربعين
واحييك على موضوعية وواقعية رأيك لان فى الفتره الاخيره بعض الاعضاء كانو مبالغين فى رايهم سواء بالسلب الهدمى او بالايجاب الخيالى

أشكرك يا باشا علي طريقة كلامك الجميلة و المحترمة
بس موضوع التانك ده أنا شبه متأكد منه هراجع الكتالوج و قاقولك تاني و برده اديها تفويلة من اللمبة و نتأكد
بس لو طلعت كده تبقي بلاعة بجد
نسيت أزود إن اللي معايا فيها كمبيوتر رحلات و بلوتوث و الفوج لايتس فيها ليدات نهار مش بتقفل و مصر كلها قالتلي النور مفتوح لما خلاص جاننوني
و طارة ملتي جلد عشان لو حد مهتم مش أكتر

للموضوعية بجد السيراتو عربية اوبشنز ممتازة لكن أداءاً متواضعة و معقولة جدا
يعني محدش يقارن ثبات و قوة بالالماني و لا قوة تحمل الياباني بس هو ده حال الكوري كله
أنا طول عمري معيش غير كوري ( بس أنا لسه 26 سنه و ان شاء الله ربنا يكرم )
بس ركبت و سوقت عربيات كتير مختلفة

ياعني بالاسعار الخرافية الي وصل ليها السوق
انا من رابع المستحيلات أجيب سيراتو ب 170 ألف مثلا عشان يبقي فيها و متبقاش متنفضة

أنا لما اشتريت الفئة الي معايا كانت ب 129 في حين أول حاجة بعد كده كانت الاوبل استرا ب 169 تقريبا
ياعني كان في فروقات كبيرة بين السيراتو و أي حاجة ياباني أو أوروبي( محدش يقولي لانسر بومة )

للعلم السيراتو الجديدة غالية في العالم كله مش مصر بس
معلش في نقطة فارساني أوي
هما مش عرفوا ان أم الجنط ال17 بيدب و يجيب بقاليل و مش مريح يقوموا برده منزلينوا تاني مش عارف قاقول ايه
و كمان 17 علي 1600 عربية compact sedan لييييه
كتير و تقيل جدا
اومال يحطوا كام علي نيسان ماكسيما و لا شيفروليه لومينا
و عربيات 3000 سي سي و انت طالع
بجد في هطي السنين و هيضحكوا الاوروبي علينا

Sent from my Galaxy S3 using Forum Runner