الموضوع: أعراض تلف كاوتشه تراب المساعدين

نفس اللي حصللي بالمللي . الاعراض ظهرت برضه بعد تركيب البار و هو مكنش لو دعوه لان الكاوتشه الشمال فقط هي اللي كان فيها قطع صغير. بالنسبه للأعراض بقي كانت صوت تزييقه مزعجه بتظهر مع النقر و مش علي طول و لو روحت عند الكبوت و هزيت العربيه هتسمعها بوضوح و في الاول مش هتسمع التزييق إلا مع النقر و الطرق المكسره قوي بس بعد كده كل ما القطع يزيد هتبقي بتزيق طول ما حضرتك ماشي. علشان تعرف اي واحده فيهم اللي بايظه زي ما قلتلك هز العربيه من ناحيه كل مساعد و شوف هتزيق من اي ناحيه و طبعا حاول تغيرها لانها لاقدر الله ممكن تأثر علي المساعد و خللي بالك هي خارج الضمان فهتغيرها علي حسابك . يعني مش زي المساعدين اللي جوه الضمان و مش شرط تلاقي الكاوتشتين بايظين ممكن قوي تكون واحده فقط و انا كنت مغيرها كاوتشه التراب الشمال من ٣ شهور في السبع ب ١٨٦ جنيه

المشاركة الأصلية كتبت بواسطة m.nabeeh

ياوليد حجرب الصبح موضوع هز العربيه وأشوف
بس المشكله في التزييق بيظهر الصبح بس مع مطبين بس في طريقي وانا راجع الساعه 5 مفيش حاجه خالص وحتي لو نزلت بالليل مفيش

ايوه انا فاهم. هي بتبدأ كده في الاول و خللي بالك ان في حاجات تانيه بتأثر علي سماعك للصوت زي فاتح الزجاج و لا لأ و الشارع دوشه و لا فاضي و كمان هل مشغل الكاسيت و لا بتتكلم في التليفون مثلا و لذلك احسن حاجه ان و العربيه واقفه تهزها و تضغط من عند المساعد اليمين مره و الشمال مره و بكده هتعرف المشكله من مين فيهم و علي فكره بالنسبه للصوت هو بيبقي مختلف حسب حجم القطع في كاوتشه التراب فلو تزييق هتلاقيه قطع كبير شويه و مع الوقت القطع بيزيد و بتبتدي تلاحظ ان التزييق زاد و مع النقر الأصغر من الاول . الكشف بيبقي سهل بالنسبه للفني لانه بيفك العجله و المساعد و الكاوتشه و بيشوفها مقطوعه و لا لأ أما بالنسبه للمساعد فهو بيبان بالنظر لو كان جايب زيت او فيه آثار لخبطه او عوجه نتيجه مطب جامد و بعدين بتلاقي العربيه واطيه من قدام بزياده او مايله ناحيه المساعد اللي فيه المشكله و لما تضغط علي العربيه من ناحيه المساعد البايظ هتسمع تزييق و كمان هتلاقي المساعد مش بيطلع و ينزل معاك لان الغاز او الزيت طلع منه و بالتالي بقي عباره عن قطعه حديد ملهاش لزمه

كاوتش التراب اكيد هو السبب