ازاي ازود مياه الراديتر ارجو المساعده

**احمد فرجاني** · 21-03-2013 05:31 AM

يا جماعه لو سمحتم عايز اعرف طريقه تزويد مياه الراديتير بالبظبط؟؟؟
سمعت كلام كتير
قالولي ان لازم الصبح بدري اول حاجه تطلع جركن المياه في ايدك وتدور العربيه وبعدين تزود مياه وتسيب غطاء القربه مفتوح لمده دقيقه واحده وبعد كده تقفل الغطاء ولو معملتش كده الهواء هايدخل في دايره المياه

سمعت برضه انه غلط تفتح غطاء القربه والعربيه سخنه لحسن هواء يدخل؟؟

ياريت يا جماعه تفيدوني عن طريقه تزويد المياه الحضراء و ما معدل تزويدها؟؟
واذا في نصايح او احطياطات؟؟

اشكركم شكرا جزيلا

**adel_edrees** · 21-03-2013 07:03 AM

تصدق ان أنا عامل 5700 كيلو و العربية عندى بقالها سنة و المية ما نقصتش خالص لحد دلوقتى

**ahmed76** · 21-03-2013 08:58 AM

المشاركة الأصلية كتبت بواسطة ahmed_hanafi

حضرتك عايز تزود الميه ليه ؟ العربية لسه جديدة لو الميه بتنقص يبقي روح للتوكيل علطول

وانصح حضرتك انك متفتحش الكبوت طول ما انت في الضمان

+1

**gebreel** · 21-03-2013 11:18 AM

و اهم من كدة متحطش مياه عادية من الحنفيه

**mahraan** · 24-03-2013 03:24 PM

طيب حد يجاوبه علشان انا كمان عايز اعرف بتتزود ازاي .... علي فكره انا ضد موضوع انك طول ما انت ف الضمان متفتحش الكبوت . لا افتح الكبوت واعرف ايه اللي فيه بس متلعبش ف حاجه بايدك بس لازم تفهم عربيتك محتوياتها ايه وشغاله ازاي علشان بعد الضمان تلعب فيها براحتك

**gabrel** · 24-03-2013 03:41 PM

المشاركة الأصلية كتبت بواسطة احمد فرجاني

يا جماعه لو سمحتم عايز اعرف طريقه تزويد مياه الراديتير بالبظبط؟؟؟
سمعت كلام كتير
قالولي ان لازم الصبح بدري اول حاجه تطلع جركن المياه في ايدك وتدور العربيه وبعدين تزود مياه وتسيب غطاء القربه مفتوح لمده دقيقه واحده وبعد كده تقفل الغطاء ولو معملتش كده الهواء هايدخل في دايره المياه

سمعت برضه انه غلط تفتح غطاء القربه والعربيه سخنه لحسن هواء يدخل؟؟

ياريت يا جماعه تفيدوني عن طريقه تزويد المياه الحضراء و ما معدل تزويدها؟؟
واذا في نصايح او احطياطات؟؟

اشكركم شكرا جزيلا

حضرتك استنى لما العربية تكون باردة وتفتح اربة المياه وتدور العربية وتزود المياه والعربية دايره وتستنى دقيقة زي ماقلولك بالظبط وبعد كده تقفل بس لازم تروح على التوكيل وتشرح مشكلة المياه دي لأن كده أكيد في حاجة غلط عند حضرتك في الريداتير .

**ahmedeg1** · 28-03-2013 09:53 AM

انتا الميه عندك بتنقص اصلا ليه
و بالنيبه لطريقة التزويد فى حالتيين لو العربيه بارده و لسه مادرتش افتح القربه و زود ميه حمرا بتاعة توتال تركيز من 30 الى 33 فى الميه سعر اللتر 16 جنيه من اى بنزينة توتال او لو حبيت تجيب الجركن 4 لتر ب 54 جنيه
الحاله التانيه لو العربيه سخنة و دايره هتلاقى مسمار هوا فى الخراطيم اللى جنب القربه هتفتحه بشويش و خاللى بالك لان الميه بتبقى سخنه جدا جدا و هتفتح معاها القربه كمان و طبعا الميه هتبقى فى ايدك هتزود المياه فى القربه و تستنى شويه لحد ما الميه طلع من مكان المسمار بانتظام مش هتاخد اكتر من ثوانى و توصل لعلامة الماكس و تقفل بعد كده مسمار الهوا و تزود برضه لحد علامة الماكس فوقيها شويه و تقفل الاربه و طبعا كل ده و العربيه دايره بس كده الموضوع بسيط

**احمد فرجاني** · 28-03-2013 10:21 AM

يا جماعه الميه مش بتنقص ولا حاجه
انا من ساعه ما استلمتها وهي فوق علامه المينيموم بحوالى واحد سنتيمتر

كده طبيعي ولا ازود؟

الموضوع: ازاي ازود مياه الراديتر ارجو المساعده

LinkBack

أدوات الموضوع

عرض

-

-

-

المواضيع المتشابهه

ازاي ازود top speed بتاع العربية من غير أي تعديلات مكلفة !!!!!!

ازود مياه ازاي

انا مش عارف ازود الهوندا مياه تبريد

عند نقصان مستوى الماء في الراديتر ماذا اضيف(ماء او مانع الانجماد الاخضر)

ينفع ازود البطارية مياه نار

الكلمات الدلالية لهذا الموضوع

المفضلات

المفضلات

ضوابط المشاركة