انا مش عارف ازود الهوندا مياه تبريد

**eng_maged** · 15-12-2010 09:30 AM

السلام عليكم
انا معايا هوندا سيتي 2009 وزي ما انتو عارفين ان قربه المياه بتاعتها موجوده ورا الرادياتير علطول تحت الفبره اللي في صدر العربيه.

انا لقيت المياه ناقصه شويه عن ال Minimum وحبيت ازودها وصراحه معنديش خبره.

والمفاجاه اني معرفتش - اولا لان القربه مكانها مستخبي تحت الفبره - قلت بس ازود في الرادياتير علطول بس المشكله انها مش بتسحب مياه - يعني والعربيه دايره وانا فاتح غطا الرادياتير وبزود مياه - المياه ده مش بتخش جوه

حد يعرف ؟؟

سؤال كمان ازود مياه خضرا ولا حمرا؟؟

**SAMEH_FOUAD** · 15-12-2010 08:11 PM

انت بتتكلم على سيتى الشكل الجديد
يبقى لو عايز تزود من الردياتير يبقى حضرتك والعربية باردة خالص تنفخ فى الردياتير بنفسك انت هتلاقى المياة اتنقلت الى القربة دة لو انت مش عارف تفتح القربة او توصلها وبعد كدة تزود من الردياتير عادى جدا ( والمياة المستخدمة مياة خضراء )

وفية حل اسهل انك تفك الفبرة البلاستيك فكها سهل جدا

**SAMEH_FOUAD** · 15-12-2010 11:24 PM

المشاركة الأصلية كتبت بواسطة eng_maged

ايوه فعلا انا بتكلم عن الشكل الجديد
ياريت تقولي هل انت متاكد من معلومه مياه خضراء ده فعلا

ايوة طبعا

حضرتك معاك الكتالوج افتح الصفحة الخاصة بالتبريد وهتلاقى التعليمات بنفسك

وشوف انت عندك اللون اية وزود علية او روح التوكيل

**eng_maged** · 17-12-2010 01:08 PM

انا لسه مش عارف ازود سائل تبريد برده - والمشكله اني مش معايا الكتالوج اصل

لما بفتح الرادياتير والعربيه بارده بتكون المياه على الاخر يعني مينفعش ازود مع ان القربه الاحتياطي فاضيه على الاخر
والمشكله ان القربه الاحتياطي مكانها تحت الفبر بتاع صدر العربيه ومينفعش تزود فيها علطول

ياجماعه هو مفيش حد هنا بيزود الهوندا سائل تبريد ولا ايه ؟؟؟؟؟؟؟؟؟؟

**tarekzein** · 18-12-2010 12:30 AM

المشاركة الأصلية كتبت بواسطة eng_maged

انا لسه مش عارف ازود سائل تبريد برده - والمشكله اني مش معايا الكتالوج اصل

لما بفتح الرادياتير والعربيه بارده بتكون المياه على الاخر يعني مينفعش ازود مع ان القربه الاحتياطي فاضيه على الاخر
والمشكله ان القربه الاحتياطي مكانها تحت الفبر بتاع صدر العربيه ومينفعش تزود فيها علطول

ياجماعه هو مفيش حد هنا بيزود الهوندا سائل تبريد ولا ايه ؟؟؟؟؟؟؟؟؟؟

طيب اللى هأقوله ده ممكن يكون إفتكاسه (عشان معرفش شكل القربه )

بس حصلت معايا

لو القربه فيها خرطومين

(للفايظ وللردياتير )

جرب تبدلهم مع بعض

لأن المفروض الميه تتسحب من القربه للردياتير

وفـــ عربيه تويوتا كانت معايا لقيتهم معكوسين

من صنايعى تيييييييييت

ده طبعا بعد مالفيت حوالين نفسى شهر

**eng_maged** · 18-12-2010 10:58 AM

هي القربه فيها خرطوم واحد وحتى لو 2 اكيد مش هجرب اعمل الاختراع ده

**yahiahelaly** · 18-12-2010 11:07 AM

انا حصل معايا موضوع تبديل الخراطيم دي والسبب ان الي قبلي اصل غير الخراطيم بس بالنسبة لحضرتك اطل على مركز خدمة كويس وخلاص مش مستهلة بدل متكسر فبرة وبعد كدة تلاقيها ب1000 جنية ولا حاجة مش كدة برضة

**eng_maged** · 18-12-2010 11:11 AM

انا كان بقالي فتره بحاول اكلم التوكيل واخيرا وصلت وسألته

هو بيقول ازود المياه في القربه الاحتياطي مش في الرادياتير ولازم الصبح بدري والعربية بارده ومطفيه
وموضوع انها تحت الفبره ده - فانت تحاول توصلها بقمع او حاجه او لو جركن سائل التبريد صغير ممكن يخش تحت الفبره وتصب في القربه

انا جربتها بازازه صغيره وفعلا نفعت

-

-

الموضوع: انا مش عارف ازود الهوندا مياه تبريد

LinkBack

أدوات الموضوع

عرض

انا مش عارف ازود الهوندا مياه تبريد - انشر الموضوع فى :

-

-

-

-

-

-

-

المواضيع المتشابهه

افضل مياه تبريد coolant

كارثه في مياه تبريد الفيرنا

نوع مياه تبريد اللانوس

ازود مياه ازاي

ينفع ازود البطارية مياه نار

الكلمات الدلالية لهذا الموضوع

المفضلات

المفضلات

ضوابط المشاركة