مروحة تكييف الفيوانس ضعيفه

**Tarek1** · 21-03-2013 04:09 PM

يا جماعة أنا معايا فلوانس 2013 تاني فئة أوتوماتك. و مروحة التكييف ضعيفة خصوصا من ناحية السواق ده غير ان صوت المروحه عالي اوي من اول السرعة ال6. يا تري ده طبيعي في العربية دي؟؟ حد عنده نفس الشعور ده؟ أنا عربيتى فيها التكييف ديجيتال.

شكرا جزيلا.

**exact** · 21-03-2013 05:40 PM

سؤال واعذرني في سذاجته... هل انت متأكد ان الهوايات مفتوحة وعالوضع بتاع الهوايات الأمامية فقط من غير التحتانية؟؟

**Tarek1** · 21-03-2013 07:58 PM

متاكد.
انا جربت كل حاجه. و كمان قفلت الهوايات اللى ورا علشان ضغت الهوا يزيد قدام. بس بردو وحش.

انا ملاحظ ان الهوا من فاتحت الراكب الامامى اكتر من بتاعة السواق.. ده طبيعى؟

شكرا على مرورك

**dedo_ryo** · 21-03-2013 09:17 PM

لو عربيه حضرتك في الضمان ممكن تروح التوكيل هيظبط الموضوع ده
غير كده هتضطر حضرتك تحاول تفك الهوايات و تنضفهم و تنضف مساراتهم
و ان شاء الله خير و بسيطه

**Abo_Lina** · 22-03-2013 09:49 AM

شوف فلتر التكييف احتمال يكون مسدود
و لو انه احتمال ضعيف لكون العربية ٢٠١٣
تحت الهواية فيه مؤشر بيتحرك يمين و شمال تأكد انه واصل للاخر على وضعية خروج الهواء

**Tarek1** · 22-03-2013 06:11 PM

المشاركة الأصلية كتبت بواسطة abo_lina

شوف فلتر التكييف احتمال يكون مسدود
و لو انه احتمال ضعيف لكون العربية ٢٠١٣
تحت الهواية فيه مؤشر بيتحرك يمين و شمال تأكد انه واصل للاخر على وضعية خروج الهواء

هو مكان الفلتر فين فى الفىوانس؟ مع انه فعلا احتمال ضعيف لان العربية عامل 1500 كم.

بالنسبة للمؤشر، جه موجود للفتحات اللى على الاجناب بس،يعنى مش موجود للفتحه اللى فى النص!

مشكور،،،

**Tarek1** · 22-03-2013 06:14 PM

افهم من كده ان المروحه المفروض تكون اقوى من كده؟

انا شايف كده ان مفيش حد عنده نفس الشكوه بتاعتى

يا ريت كل الناس تفيدنا بخبرتها،

و لكم جزيل الشكر،،،

**ahmed_hanafi** · 24-03-2013 07:29 AM

اتأكد ان انت مش مختار وضع الاوتو واختار ان الهواء يخرج من الامام فقط

**wael-mohamed** · 24-03-2013 08:07 AM

اخي الفاضل
انا معايا فلوانس 2012 وحصل معايا نفس الموضوع وعملت كل الي الاخوة قالوا عليه ومفيش فايدة والحل ان حضرتك تروح التوكيل علشان كده الفلتر مسدود والموضوع ده ملوش دعوة العربية مشيت قد ايه ( ده الي قالوه في التوكيل ) بس صمم تاخد حقك ويغيروا الفلتر وربنا ييسرلك ان شاء الله

**Tarek1** · 24-03-2013 09:15 AM

المشاركة الأصلية كتبت بواسطة wael-mohamed

اخي الفاضل
انا معايا فلوانس 2012 وحصل معايا نفس الموضوع وعملت كل الي الاخوة قالوا عليه ومفيش فايدة والحل ان حضرتك تروح التوكيل علشان كده الفلتر مسدود والموضوع ده ملوش دعوة العربية مشيت قد ايه ( ده الي قالوه في التوكيل ) بس صمم تاخد حقك ويغيروا الفلتر وربنا ييسرلك ان شاء الله

شكرا جزيلا لمشاركتك. دي حاجه تطمن ان المشكله حصلت مع حد تاني و اتحلت. أنا اكتر حاجه كنت خايف منها ان العربية تكون كده أخرها.

أن شاء الله أروح و تتحل باذن لله

و متشكر جدا مره تانيه علي الأفاده, و متشكر جدا جدا لكل الأخوة اللي شاركو في الموضوع,