تغيير فلتر تكييف النترا hd 2007 - 2011

**mahmoud_afifi** · 22-03-2013 07:40 PM

مواضيعك هايله تسلم ايدك
انا عاوز اغير فلتر التكييف اساسا عشان ريحته بقت عامله زي ريحة الدوا

**mahmoud_afifi** · 23-03-2013 07:51 PM

المشاركة الأصلية كتبت بواسطة yasserasha

قبل ما تحط الفلتر رش عليه شوية من برفيوم نوعة نضيف ...و مش حتشم ريحة الدوا تاني ان شاء الله

فكره حلوه. وممكن احط جليد فوق الفلتر واركبه

**Walid_M** · 24-03-2013 06:57 PM

المشاركة الأصلية كتبت بواسطة mahmoud_afifi

مواضيعك هايله تسلم ايدك
انا عاوز اغير فلتر التكييف اساسا عشان ريحته بقت عامله زي ريحة الدوا

تسلم ياأستاذ محمود

بالنسبة للريحه جرب تغير الفلتر الأول , لو استمرت الريحه هناك عدة حلول ممكن اللجوء لها في حينه

تحياتي

**mahmoud_afifi** · 24-03-2013 08:37 PM

المشاركة الأصلية كتبت بواسطة walid_m

تسلم ياأستاذ محمود

بالنسبة للريحه جرب تغير الفلتر الأول , لو استمرت الريحه هناك عدة حلول ممكن اللجوء لها في حينه

تحياتي

متشكر جدا يا باشا.
انا ناوي ان شاء الله اجيب فلتر التكييف من غبور واركبه بنفسي واشوف الفرق
تحياتي :)

**mahmoud_afifi** · 24-03-2013 09:09 PM

المشاركة الأصلية كتبت بواسطة walid_m

جبت لنا موضوع هام جداً يا أستاذ محمود

أجيب فلتر نوعه إيه ؟ أصلي ولا ممكن موبيس ولا أي نوع أخر ؟ !!!!!!

بصراحه الاصلي مختلف كلياً عن الموبيس والأخرين ..... لكن سعره مبالغ فيه جداً

ده حتى الموبيس سعره حوالي 50 جنيه !!!

مع إنك لما تمسك الفلتر في إيدك وتقيمه ما تديهوش اكثر من 10 جنيه كقيمه وتحسه كده كأنه نوع من الورق المقوى

عموماً فلتر التكييف ممكن نتنازل ونركب الموبيس ... ولكن ينصح بالتغيير بحد اقصى سنه

يعني كل دخلة صيف ......

انما اوعى تتنازل عن الأصلي في فلتر الهواء الخاص بالموتور

مع خالص شكري وتقديري

في الاجزاء الميكانيكيه والحاجات الي بتخص سلامة الموتور بجيب دايما الاصلي سواء بوجيهات او فلاتر او سيور.

نيجي بقى لسلامتنا احنا d:
انا غيرت فلتر التكييف مره واحده وجبت الموبيس ساعتها. طبعا فرق شاسع بين الفلتر الاصلي بتاع العربيه والموبيس. سواء الفريم بتاعه او الورق بتاع الفلتر نفسه او حتى الكفاءه !
الاول كنت اشغل التكييف وامشي في اي مكان من غير ما أشم اي ريحة عادم اما بعد ماركبت الموبيس بقيت بشم اي حاجه بره العربيه. لذلك مضطر اجيب الاصلي على دخلة الصيف عشان هيريح التكييف كمان

ربنا يسهل لما افضى شوية وانزل شارع دمشق اجيب الفلتر وأعمل تقرير عنه