الموضوع: شاهد بالفيديو تثبيت سياره على كورنيش شبرا

المشاركة الأصلية كتبت بواسطة wael30003

ليه

هو كان قبل الثورة اللى بيتسرق عربيته الشرطة كانت بترجع له حاجه ؟

لو انت سمعت او شفت حد رجعت له عربيته قبل الثورة قل لى كام واحد رجعت له عربيته من كام عربية اتسرقت

احال زى ما هو بس الفرق ان الشرطة هى دلوقتى اللى بتسلط البلطجية على الفوضى والسرقة والبلطجة والسطو وخلافه

اللى لازم يتغير جهاز الشرطة مش مرسى

لأن لو جه الف رئيس غير مرسى وجهاز الشرطة القذر ده موجود

يبقى مفيش حاجة اتغيرت

طبعا جهاز الشرطة فاسد وطبعا كان في سرقات قبل الثورة لكن بعد الثورة زادت أضعاف أضعاف وعز الضهر زي ماحضرتك شايف
وأنا معاك إن جهاز الشرطة كله لازم يتغير ودي المفروض إنها من صلاحيات الرئيس إللي ملوش أي تلاتين لازمة

بجد مش متخيل اللي بيحصل ربع المنتدى تقريبا اتعرض للتثبيت و كل يوم الوضع أسوأ من اللي قبله

لا أرى حل سريع غير انقلاب عسكري و مسك البلد بالحديد والنار

و الاخوان ومرسي يرجعوا السجون تاني ده الحل الوحيد لانقاذ ما بقى من البلد ديه

حسبنا الله ونعم الوكيل
انا ببقى مرعوبة وانا نازلة بالعربية والله مع انها يعنى بونتو بس بردو ببقى قلقانة

المشاركة الأصلية كتبت بواسطة gebreel

انا بعد ما شفت الفيديو ده الصبح كنت عمال افكر فعلا شرعا لو قاومتهم و قتلوني هبقى شهيد ولا لأ و لو قاومتهم و قتلت حد فيهم هيبقى حرام عليا ولا لأ و جنائيا هيبقى عامل ازاي؟

شهيد بأمر الله يا فندم
شرعا
حضرتك لا قدر الله لو قُتلت فى موقف زى ده تدخل فى حديث الرسول صلى الله عليه وسلم من قُتل دون ماله فهو شهيد
واكيد لو قتلتهم يبقى بتاخد اجر على تخليص نفسك وغيرك من شرور واذى الناس دى
ورد في عدد من الأحاديث أن من قتل دون ماله فهو شهيد بل ورد في الحديث الآخر, أن النبي صلى الله عليه وسلم : سئل الرجل يأتي ليأخذ مالي ؟ قال : لا تعطه. قال : أريت إن قاتلني ؟ قال : قاتله . قال : أريت إن قتلته ؟ قال : هو في النار . قال : أريت إن قتلني ؟ قال : أنت شهيد .

اما جنائيا ف معنديش فكرة للاسف بس احنا لو فى بلد ماشية صح يدولك وسام على اللى عملتهو حسبنا الله ونعم الوكيل وللامانة الموضوع بيتوقف حسب الحالة يعنى لو تيقنت ان لا قدر الله انك لو قاومت هاتتقتل يبقى حفظ النفس اولى واديهم العربية او الفلوس اما لو الموضوع بسيط وبشوية مقاومة يتحل يبقى قاوم وربنا ينصرك ودى فتوى قرأتها ان شاء الله تفيد حضرتك






كيف نجمع بين من مات دون ماله فهو شهيد وأن حفظ النفس يقدم على حفظ المال؟




الإجابــة



الحمد لله والصلاة والسلام على رسول الله وعلى آله وصحبه، أما بعـد:
فجواب هذا الاشكال يندفع بأن مصلحة حفظ المال المتيقنة مقدمة على مصلحة حفظ النفس المظنونة، فمن جاءك يريد مالك فهذا يقين وذهاب نفسك إذا دافعته مظنون لأنك قد تسلم .
جاء في شرح منظومة القواعد الفقهية للشيخ سعد الشثري وقد سئل عن هذا السؤال فأجاب بما نصه :
نعم ورد في عدد من الأحاديث أن من قتل دون ماله فهو شهيد بل ورد في الحديث الآخر, أن النبي صلى الله عليه وسلم : سئل الرجل يأتي ليأخذ مالي ؟ قال : لا تعطه. قال : أريت إن قاتلني ؟ قال : قاتله . قال : أريت إن قتلته ؟ قال : هو في النار . قال : أريت إن قتلني ؟ قال : أنت شهيد .
فهنا لم يتعارض أصل مصلحة النفس بأصل مصلحة المال, وإنما تعارض ظن مصلحة النفس مع فوات مصلحة المال المتيقنة, فقدمت ؛ لوجود اليقين ؛ ولوجود الظن . فالتفاوت هنا من أجل اليقين والظن , هذا من جهة . الجهة الثانية : من دافع دون ماله , هو لا يعلم هل ستفوت نفسه ؟ أو لا تفوت ؟ لكن قرر العلماء بالإجماع : أن من دفع ماله جاز له ذلك , إذا كان فيه افتداء لنفسه , وأن حديث لا تعطه . وإن كان نهيا حملوه على غير محمل التحريم , واستدلوا على ذلك بالنصوص الواردة بحفظ النفوس . قالوا : والنهي هنا جاء بعد أمر , والنهي بعد الأمر لا يستفاد منه التحريم , عند كثير من أهل العلم . انتهى .
والله أعلم .
منقول من اسلام ويب

بصراخه بعد ما شفت الفديو ده نزلت مواصلات وحذرت اصحابى كلهم من ان يمشو فى شوارع هاديه واحسن حاجه ان الواحد يمشى فى الزحمه حتى لو كلفنا وقت وبنزين زياده .

وبعدين هو مفيش جهاز ممكن يفصل العربيه من على بعد 50 متر مثلا او تايمر بعد دقيقه ويتحط جنب الاكسراتير الواحد يدوس عليه فى اى موقف زى ده

المشاركة الأصلية كتبت بواسطة ayman2

حضرتك مشكلتك مش فى العربيه فقط فبرجاء لا تخرجى لوحدك او على الأقل خليكى فى الزحمه وربنا يسترها علينا جمعيا

اكيد
ربنا يستر انا كده كده ماليش فى الدائرى ولا الصحراوى ولا الكلام ده بخاف اوى
جزاك الله خيرا