الموضوع: حد فيكم ركب حمالة سقف

المشاركة الأصلية كتبت بواسطة hema_hn

شكرا يا باشا على الرد
يريت تقلى رأيك ايه فى العربية الى لقتها دى
المشكلة ان العربية دى مش منتشرة خاص عندنا فى اسكندرية
المهم العربية محتاجه دهان وشوية سنكرة فى باب امامى ومساعدين خلفى وجلب مساعدين امامى وطنابيرة وتيل فرامل
العربية gi عملة 27 الف كيلو 2010 مصرى
طالب 52 الف
فيه معلومة لقطها من مهندس الصيانة فى توكيل الامل فى اسكندرية ان اول سنة تجميع مصرى كانو بيستخدمو رش مسدسات فى مانع الصدأ الى هى الطبقة الاولى او الجلفنة انا بصراحة مش عارف دى كانت فى اول سنة وبعد كدا الصينيين خلو شركة الامل من تانى سنة انتاج يعملو موضوع الاحواض وغمر العربية فيها
يعنى الخوف من اول سنة انتاج
فيه حاجه تانية انا لقتها فى العربية اسفل الاربع ابواب فيه صدأ هى العربية لحقت

gi ولا gli تفرق في الكماليات .. وخدها كلمة مني أي عربية مستعملة مش المهم في المقام الأول سنة الموديل ولا ماشية كام .. المهم هو الحالة العامة للعربية وأساسياتها .. أي حاجة بعد كدة ممكن تتلم إلا أساسيات العربية .

أنا مشفتش العربية علشان يكون حكمي دقيق وأقدر أقولك تشتريها ولا متشتريهاش .. بس الأكيد أي سمكري فاهم وثقة حيكون حكمه عليها أفضل مني .. ودي مسئولية أمام الله مقدرش اتحملها في توجيهك لشيء معين .

بالنسبة للصدأ .. دي حاجة شائعة في العربيات الموجودة في اسكندرية .. وأغلب مالكي السيارات في اسكندرية بيعزلوا أسفل العربية ببلاك علشان الرطوبة العالية وطبيعة الجو الساحلي .. وأعتقد أن صاحبها معملش كدة .. ولا عزل الفابريكة كمان كان كويس علشان عمل كدة .

فمبدئياً رأي ومن شرحك لحالة العربية (اللي مشفتهاش).. أبعد عنها .. ليه كمان لأن العربية دي لو gi سعرها في وقتها كان في أوائل الستينات .. وكدة اللي طالبه كتير على عربية بالمواصفات دي وبالموديل ده .

المشاركة الأصلية كتبت بواسطة ahmedselaraby

أنت جـــيــــت يا كبير




بقولك ايه ,, امسك خود منى ال job لاحسن انا مش قادر ,, خلاص ,, بقالى يومين , لا ال job بيخلص و لا اليومين بيخلصوا ,, و نفسى هو اللى خلص

صبااااااااااااااااااااااا ااااااااااااااااااااح الفل


بقولك ايه ,,


انا كنت بقول ايه ,,,,


اه ,, بص انا حاخد يومين أجازه مل قسم زيك بالضبط ,, ماااااااااااااشى

حسلمك المفاتيح و العهده


مفتاح موضوع "ليه إشتريت البى واى دى" , امانه فى رقبتك ,, خلى بالك الموضوع ده مسمع فى الأقسام التانيه و مستهدف من قبل جماعات محظوره , أى حاجه , شد الزناد و خش شوط علطول ,, مفيش تفاهم ,, الناس دى مبتهزرش

و النبى كمان فيه حتتين غسيل كنت ناشرهم ,, معلش ابقى لمهم بقه عشان العفره و الشمس


اه صحيح و فيه حتتين مواعين فل حوض , معلش ملحئتش اغسلهم ,, معلش اشطفهم كده أى كلام و انا لما حاجى حبقى أغسلهم ,,, مااااااااااااااااشى

هما يومين بس أجازه لحسن انا خلاص ,, عنيا مش شايف بيهم

و سلملى عل رجاله لحد ما أرجع

سلام عليكم

هههههههههههههه .. انت فيصت من يومين .. شكلك مش حتنفع في الشغلانة ومش حتعمر معانا .. أمال لو بتعمل اللي بعمله حتقول أيه .. ده أنا بجري على أقسام الصيني كلها مش البي واي دي بس .

بالنسبة للمواعين والغسيل .. أنت لابسهم كدة كدة حيفضلوا مركونين لحد ما ترجع بالسلامة .. والمفاتيح تديهاني يوم الخميس الجاي في المقابلة لما أشوفك على خير .. وحسك عينك مشوفكش لحد يوم المقابلة .

زمن المعلمين راح خلاص .. أف صبيان أخر زمن خش يلا لم العدة .. وشوف مشاريب البهوات .. لحد ما أشوف الشغلانة اللي في أيدي .. قال أجازة قال .