والله حاجة تحير

**bnoqo** · 23-03-2013 04:00 AM

اصدقائى الاعزاء
بعانى مش مشكلة بقالها معايا فترة المشكلة غيرت كونتاكت العربية اكتر من مرة انا بشتريه بتاع البيجو وبيشتغل عادى بس المشكله ان الكونتاكنت اول مرة غيرته علشان متور المساحة اتحرق وحرقه وكان صينى المهم غيرته وفضل سنه شغال زى الفل فضلت على الحال ده سنه وحصلت مشكلة العدادات وغيرتها وبرضة اتحرق وغيرته ومكملش اسبوع وإتحرق تانى هاتجنن والمشكلة انى روحت لكذا كهربئى برضة بتحرق شئ محير بجد

**bnoqo** · 23-03-2013 11:00 AM

بعد ليلة عمل طويلة وشفيت اوفر نايت كبير نزلت احاول ادور العربية من غير كونتاكت بالسلكين وبعديها اشوف المشكلة لما اروح اتارى الباشا الكهربائي المحترم اخر مرة موصل نور المارشدير على الموبينه مباشرة والسلك لاطش فى الحوض تحت البطارية وعامل ماس محترم حرق نص الضفيرة فى الحوض وولع فى جزء من الحوض والحمدلله نزلت جري عملت قافلة فى الماتور وفصلت البطارية وطفت الحمد لله

**mohsen128** · 24-03-2013 09:10 AM

قدر الله وماشاء فعل ،، الحمد لله انها جت على كده ،، انا مرة الحوض كامل بتاع الـ128 ولعل والنار طلعت من هوايات الكبوت بسبب الميكانيكي مربطش كويس على افيز خرطوم البنزين الى طالع من الطرمبة الباشوات دول ربنا يتوب علينا منهم ،، بس مشكلة الكهربة ديه يا باشا عيز صنيعي رايق يمسك العربية من الاول للاخر على روائقة لحد ما يشوف العيب فين . اعتقد فيه كهرباء بتطلع زيادة هي الي بتحرق الحاجات دية
(( اذي عملت قفلة في الماتور ))

**bnoqo** · 24-03-2013 06:05 PM

والله يامحسن انا لاقيت العربية بتتحرق والناس بتجرى من حواليا
وروحت جرى فاتح الكبوت وبدور على النار جايه منين اتابى الباشا سايب السلك بتاع الموبينه لاطش فى فى الحوض والحوض ارضى ابطل العربية مش بتبطل افصل البطارية مفيش روحت واخد موجب البطارية فى ارضى العربية ده قفله ماتور راح فاصل على طول

والحمد لله والله يامحسن العربية بقالها يومين راكنه فى الشركة بقالها يومين وواقفه هناك روحت الشغل امبارح بعربية والدى وسبتها واقفه

ومخنوق جدا بسبب موضوع الكهرباء ومش عارف اعمل ايه والحمد لله الكهرباء مش امتدت لباقى العربية كان زمان الزينون راح والكاسيت والديفيدى وشكرا

**محمد النرويجى** · 25-03-2013 11:08 AM

بجد الميكانيكى دلوقتى اهم حاجه عنده هتديله كام

**bnoqo** · 25-03-2013 05:48 PM

محمد بيك شكرا على سؤالك
اولا هيا مشكلة كهربائى سيارات وروحت لواحد تانى والدى بيشكر فيه وقالى عليه ووصى عليا هناك الراجل عمل الى عليه وركب كونتاكنت جديد وغير الاسلاك وركب سلك المارش دير على فيوز علشان لو حصلت مشكلة تانية لا قدر الله وانا كنت سألته اننا نزبظ ضفيرة العربية كلها قالى هاتسيبها كام يوم وهاخد 150 جنيه

المهم الكونتكات طبعا تايوانى 35 جنيه بس مفتاح غير وطبعا قصير والراجل قالى على كونتاكت البيجو 305 هوا بتاع المسوجر الدريكسون انا قلت مشكلة فى وخلاص المرة الجاية ان شاء الله هيا الحمد لله ماشية وكله تمام والحمد لله

**w-m-a** · 25-03-2013 07:34 PM

الحمد لله على سلامتك يا احمد
وكويس انها جت على قد كده
ربنا يستر
المشكله ان تلاقى الكهربائى محمل حاجات كتير على الكونتاكت
علشان كده بيتحرق بسرعه
ركب كتاوت على كل حاجه زياده على الكونتاكت
الدكتور البساطى عنده الكونتاك الاصلى

**bnoqo** · 29-03-2013 03:22 AM

متشكرين على سؤالك ياكبير
والله هيا العربية اتعملت والحمد لله بس عايز افنن فيها خصوصا انى عايز اعمل الكهرباء زى الاوبل نعملها فى خراطيم مكرونة سوداء ونلفها وتمشى فى العربية ونعملها سلك للارضى بدل مايكون فى العربية كلها ارضى يعنى شوية تفانين كده وبالنسبة للكتاوت حضرتك فعلا صح علشات الكتاوت مهم جدا فى عدم تسخين السلك ويامسهل يارب نحسب تكلتلفها الاجماليه وخير ان شاء الله