بعد عذاب طويل قررت

**محمد النرويجى** · 15-03-2013 01:18 AM

بعد عذاب طويل قررت ان شاء الله اجيب رينو 12 وليس داتشيا 1310 لانى لفيت على داتشيا نوفا مش لاقى فقررت اجيب رينو 12 هى شبه الداتشيا اللى مع العضو صيداح ولكن الفتيس 4 غيار ايه رايكو من ناحيه الفتيس 4 غيار يعنى الغيار الاول بيجيب سرعه كام يا جماعه اعمل ايه اول ماجيب العربيه بظبط اغير ايه فيها والتكلفه هتبقى كام ارجو الرد اول لما اجيبها هرفع الصور ونظبطها مع بعض لو حد قدامه داتشيا نوفا يقولى بسرعه لو عايز يبيع وازاى اعرف ان الموتور كويس يعنى مثلا خفيف ولا تقيل ايهما افضل واسف للاطاله:b4_039::b4_039::b4_039:

**bnoqo** · 15-03-2013 03:40 AM

محمد بيك
إزيك ياباشا عامل ايه يارب تكون بخير يارب
بص ياباشا رينو 12 عربية ممتازة بس الفتيس الاربعة غيار زى ماقال العضو صيداح عليه انه اربعه غيار فده بيخلى العربية فى الجرى صوتها عالى قوى غير الداتشيا نوفا فيها خامس وكده

إن شاء الله يامحمد بيك تشوف داتشيا نوفا وكان فيه واحدة معروضة فى المنتدى قريب ممكن تشوف الموضوع بتاعها اهم حاجة تكون العربية نظيفه وياريت تكون معدله لرينو 9 هايكون افضل فى قطع الغيار وتوافرها عند بتوع الرينو كلهم والحاجات بتاعتها رخيصه شوف العربية هاتكون فى رابع موضوع فى منتدى الداتشيا نوفا

بالنسبه انك تعرف الماتور كويس ولا لأ شوف اى ميكانيكى بيفهم فى رينو وطبعا حلوان مليانه الناس الى بتفهم فى الرينو وارفع العربية واتفرج عليها من تحت وشوف دواخلها وخير إن شاء الله

صعب جدا إنى احدد حالة ماتور على النت كده لانه فيه اكتر من حاجة منها خرطوم الفايص والدخنة وصوت الماتور نفسه وإن شاء الله هتلاقى حاجة كويسه

**محمد النرويجى** · 16-03-2013 02:02 AM

اولا الف شكر ليك بجد ثانيا انتامن افضل اعضاء هذا المنتدى لانك متابع جميع اعضاء المنتدى سوال لو حبيت اجيب نوفا فى حدود كام وشكر لكل اعضاء هذا المنتدى المحترم

**bnoqo** · 16-03-2013 02:43 AM

محمد بيه إن شاء الله تشترى العربية الى نفسك فيها
بص يا محمد بيك اولا علشان تلاقى داتشيا نوفا نضيفة سعرها مش قليل بس اعمل حسابك من 14 الى 18 الف حسب الحالة من اكصدامات لدواخل لفرش لبوية نضيفة وممكن توصل لعشرين لو حالة نضيفة وممكن كمان تجيب عريبة محترمة جدا وهيا عربية المهندس وائل العضو wma وهيا عربية زى الفل ممكن تسأله يطلب فيها كام ولو طلب اى حاجة هزها معاه شوية وإشتريها

العربية ديه اتصرف عليها ملبغ كبير جدا فى الشد والتفنيش

على العموم ممكن تسأل عليها وإن شاء الله تلاقى حاجة نضيفة

**mohsen128** · 16-03-2013 03:12 PM

نفس السعر تقريباً ذي مقال احمد ،، بس هتحتاج شوية وقت لحد ما تلقي حاجه للبيع وتكون نطيفة ،، وممكن تجيب حاجة اساسيات سليمة وتعملها انت على كيفك ، على العموم بالتوفيق .