عايز نصائح بخصوص التعامل مع التكييف

**احمد فرجاني** · 23-03-2013 06:15 AM

لو سمحت يا جماعه

عايز اعرف
ايه الفرق في كفاءه التكييف اثناء العربيه واقفه او ماشيه سريع؟؟وايه الافضل؟
كمان عايز اعرف تشغيل التكييف لفترات طويله هل ممكن يسبب ضرر ؟؟؟ ولا عادي اعتبره زي تكييف البيت؟؟

واهم حاجه :ياريت لو فيه نصائح بخصوص التعامل مع تكييف العربيه عموما...؟؟

اشكركم واتمنى الافاده

**ahmed1981** · 23-03-2013 11:11 AM

أثناء المشي كفائة التكييف المفروض تزيد

مفيش أي مشكلة من تشغيل التكييف ولو دائما
ومتقلقش من أي حاجة
-
-

**احمد فرجاني** · 23-03-2013 03:19 PM

اشكرك على الاهتمام

كنت عايز استفسر عن وضع توزيع الهواء
ايه الافضل اخلى دايره الهواء من جوه ولا من بره؟؟؟؟

وهل في وضع اكثر ضرر

مع العلم انى قرات في الكتالوج معلومه بتقول : ان في الطبيعي وانت مشغل التكييف خلى الدايره من بره الا في حالتين
1- لو عايز تبرد العربيه بسرعه
2- لو في تراب او دخان كثيف في الهواء الخارجي

الحاتين دول خلى الدايره من جوه وبعد شويه رجعها تاني (يعني متخليهاش طول الوقت من جوه)

عايز اعرف ايه الفكره من كده؟؟

وشكرا جزيلا

**محمود90** · 23-03-2013 03:25 PM

انا بشغله من جوة يعني عشان مدخلش هوا من برة لان الجو في البلد شكمانات عربيات ودخان
وهيصة بالنسبة لتشغيل التكييف والعربية واقفة اعتقد مفيش مشاكل
وبعدين ممكن الواحد ينزل معاه التكييف اللي في البيت ويحطه في العربية ههههههههه

**ahmed1981** · 23-03-2013 03:48 PM

المشاركة الأصلية كتبت بواسطة احمد فرجاني

ايه الافضل اخلى دايره الهواء من جوه ولا من بره؟؟؟؟

الموضوع إختياري ليك
سيبك من الكاتالوج

إنتا جرب والوضع اللي يريحك إنت هو الأفضل

لكن مثلاً لما الجو يكون فيه غبار أو ريحة وحشة يبقى خليه من جوه

-
-
-

**amrelzawawy** · 23-03-2013 04:33 PM

عن تجربه نصائحى للحصول على ا حسن كفاؤة ممكنه
1- شيك على الفريون قبل دخول الصيف ومقياسه سواء فى التوكيل او اى متخصص فى التكييف
2-اكشف على فلتر التكييف واتاكد انه صالح
3-غسله حلوه للسربنتينه مع غسيل العربيه بالمياه
4-العربيه اندفاع الهواء فيها من التكيييف قوى جدا بس يمكن ضعف العزل وكبر الكابينه هو اللى ما بيوصلشى التبريد بسرعه
5-زار التبريد على اخر علامه زرقاء وطبعا تيار الهواء داخلى وبلدنا متتواصاش فى الدخان والتراب
6- حاول على قد ما تقدر متركنش العربيه فى مكان ضارب فيه الشمس فتره طويله لانه بيفرق جدا فى التكييف معاها
7-عند دخول العربيه افتح الزجاج كله او على الاقل الامامى لتخريج الهواء السخن
8- تشغيل التكييف على اعلى درجه فى البدايه عشان سرعة التبريد وفيه معلومه بتقول انه مع تشغيل الكومبرسور يفضل العربيه انها تكون على المور معرفشى ليه بس مش هتخسر
9-لو تقدر تجيب ستائر للزجاج الخلفى او فيميه خفيف هتفرق كثير

مع تمنياتى ببروده سعيده :)

**بوب ميجو** · 23-03-2013 06:13 PM

فعلا نصائح جامدة بس عندى استفسار بالنسبة للبند ده
( 5-زار التبريد على اخر علامه زرقاء وطبعا تيار الهواء داخلى وبلدنا متتواصاش فى الدخان والتراب )
لان فى اراء بتقول ابتديى بسرعة اقل وبعد كده زود درجة البرودة فممكن التوضيح فى الجزء ده وشكرا

**Porsche911TT** · 23-03-2013 07:21 PM

المشاركة الأصلية كتبت بواسطة amrelzawawy

8- تشغيل التكييف على اعلى درجه فى البدايه عشان سرعة التبريد وفيه معلومه بتقول انه مع تشغيل الكومبرسور يفضل العربيه انها تكون على المور معرفشى ليه بس مش هتخسر

بسبب نفس المنطق انك لما بتنقل غيار بتحاول تخلي الموتور هادي عشان تقلل من قوة احتكاك دسكات الدبرياج
الكومبرسور متوصل بالسربنتينة على دبرياج صغير خاص بيه ، بيقفش في دورة السيور لما تشغله لكن وهو مقفول مش بيلف

أتمنى أكون قدرت أوضح :)

**احمد فرجاني** · 24-03-2013 03:09 PM

غسل السربنتينه ده سهل يعني ينفع اعمله بنفسي؟؟
وهل مكانها سهل الوصول اليه زي الفلتر كده ؟؟؟

**mahraan** · 24-03-2013 03:30 PM

انا عن نفسي بشغله علي 2 ودرجه البروده علي اللي قبل الاخيره والدايرتين اللي ناحيه الزجاج بخليهم يضربو ف الزجاج والدايرتين اللي علي الكونسول بخليهم كل واحده تضرب علي الكرسي اللي جنبها .. ربع ساعه هتلاقي العربيه سقعت وبقت تمام