سؤال بخصوص ال Adsl ? و تحذير من التعامل مع شركة Im انترنت مصر

**MohabSaeed** · 19-10-2008 10:01 PM

السلام عليكم و رحمة الله و بركاته
قبل اى شئ انا حابب احذر اى حد بيفكر يشترك فى خدمه ADSL انه يفكر يشترك مع شركه انترنت مصر IM التابعه لمجموعة بهجت .
للاسف كل الى شغالين فى الشركه مضللين و خدمة الدعم الفنى الاسوأ على مستوى جميع الشركات , بالاضافه لخدمه العملاء المتخصصه فى رفع ضغط العملاء بالوعود الكاذبه و الكلام الفارغ و التضليل
حتى لما جيت قدمت على الخدمه , الخدمه دخلت بعد 40 يوم من الاشتراك و دفع الفلوس !!!!! و كل يوم حجج واهيه و كلام فارغ مايتقالش من صنايعى مش مهندس شبكات و كمبيوتر .
و فى حاله الاعطال مافيش ادنى انواع الخبره فى التعامل مع المشاكل و الاعطال و دايما يجيبو ان العيب من عندك انتا .

المهم
انا دلوقتى لاغى خدمه الADSL من يوم 18 - 9 , يعنى بقالى بالظبط 31 يوم .

المشكله دلوقتى تتلخص فى تلات نقط

1- لسه لحد انهارده الشركه ماجبتش رقم الالغاء ( cancellation number ) !!! و طبعا ده من غيره انا مش عارف اشترك مع شركه تانيه , 31 يوم و لسه مجبهوش

2- الشركه بطالبنى ب35 جنيه مصريف الغاء ادفعهم لما اخد الكانسليشن نمبر !! و لما سألت فى الشركطه قالولى ان المصاريف ديه بتروح للمصريه للاتصالات , و لما سألت واحدة تانيه فى خدمه العملاء بتقولى معرفش الفلوس ديه بتاعت ايه بس لازم تدفعها ؟؟؟

3- انا لغيت معاهم يوم 18 و بدايه اشتراكى يوم 1 فى الشهر و من يوم 3 فى الشهر و النت قاطعه عندى و لما لغيت الخدمه كان لسه ليا كمان 12 يوم " ..... لما كلمت جهاز تنظيم الاتصالات قالولى انى المفروض اخد منهم فلوس الشهر لانى مستفدتش بالفلوس ديه .

- انا لما لغيت الخدمه كنت عاوز اخلص منهم بأى شكل علاشان اشترك مع شركه تانيه , لانهم من اسوأ شركات الانترنت فى مصر .

انا عاوز اعرف انا ليا حق فى التلات نقط الى قولتهم ولا ماليش
يعنى هل المفروض الكانسليشن ياخد كل الفتره ديه
هل المصريه للاتصلات بتاخد ال35 جنيه ولا ده شغل نصب منهم و خلاص
هل انا ليا انى اطالبهم بالشهر الى مستفدتش بيه ؟

الفكره هنا مش الفلوس لانى دخلت على النت من خلال التلفون بأكتر من 200 جنيه فى شهر واحد , الفكره انى عاوز اخد حقى بالكامل من الحراميه النصابين بتوع انترنت مصر

للاسف ديه اخر مره اتعامل مع اى شركه من مجموعة بهجت " بالرغم من احترامى و تقديرى ل الدكتور احمد بهجت ", بس مش اول مره اتعامل مع شركه تبع بهجت و النتيجه تكون زفت فى الاخر .

**M.Elwan** · 19-10-2008 11:23 PM

انا كنت مشترك معاهم من سنتين تقريبا والخدمة اول 6 شهور كانت كويسة مش قوى يعنى بس معقولة وبعد كده اتدهورت تدهور رهييييييييييييب وطبعا خدمة العملاء ضايعة ولما فقدت الامل لغيت الاشتراك بس كنت دافع سنة مقدم يعنى كان ليا 6 شهور عندهم وكنت واخد منهم راوتر zyxel ودافع عليه تأمين 150 جنية والراوتر كان تمنه 800 جنية واشتراكى 100 جنية يعنى بحسبة بسيطة انا ليا cancellation number + 6 X 100 +150
يعنى 750 جنية
قالولى عشان نديك فلوسك ادينا المودم الاول وحنديك الفلوس بعدها باسبوع
قلتلهم لا هاتو انتو 600 جنية ورقم الاالغاء الاول واديكوا الراوتر وبعد كده اخد التامين
وفضلنا فى النقاش ده مين ياخد ايه الاول لحد دلوقتى ومرت 3 سنوات حتى الان قالولى مش حتعرف تدخل نت عندك تانى بالطريقة دى بس ميعرفوش انى انا عندى خطين فى البيت رحت عامل اشتراك مع لينك دوت نت على الخط التانى ومن ساعتها محدش كلمنى من الشركة وكلمتهم من فترة قريبة شرحتلهم الموضوع ده بس قالولى احنا منعرفش حاجة عن الكلام اللى انتا بتقوله قلتلهم طيب الراوتر اللى عندى ده بتاع مين قالولى منعرفش الناس اتغيرت فى الشركة كتير وفى ورق عملاء كتير ضاع
على العموم لو عاوز رقم الالغاء ممكن تتصل بنمرة شكاوى الاتصالات 155 تقريبا وهما بيحلو المشاكل اللى من النوع ده

**MohabSaeed** · 20-10-2008 02:37 PM

كلمت 155 من 9 ايام و هما فعلا ناس محترمين جدا بس للاسف لغايه دلوقتى مافيش اى جديد منهم و محدش كلمنى .
بجد انا جبت اخرى خلاص نفسى اروح اولع في شركه انترنت مصر ديه

كلهم بلا استثناء مضللين و كذابين و عاديمى الخبره فى التعامل مع المشاكل .

طيب ياريت لو فى حد يعرف حاجه عن موضوع رقم الالغاء ده يفيدنى ... هل فعلا لازم ادفع فلوس و الفلوس ديه بتروح للمصريه للاتصلات ولا بتروح فى جيب الشركه .

انا دلوقتى بقالى 32 يوم لاغى الخدمه و بقالى تقريبا 45 يوم من غير Adsl .
حتى جهاز تنظيم الاتصالات بكلمهم علاشان اتابع المشكله محدش بيرد عليا .

انا متغااااااظ

**aratux** · 20-10-2008 05:27 PM

1- الإلغاء مابياخدش كل الوقت ده طبعا
هما بيعملوا كدة علشان انت تزهق و تقولهم خلاص هافضل مكمل معاكم بدل العطلة

2- مافيش حاجة إسمها 35 جنيه مصاريف إلغاء, ده نصب
أنا فى شركة انترنت و مافيش الكلام ده

3- حسب نظام الشركة لأن انت اللى طلبت الإلغاء

**Casio2000** · 20-10-2008 08:09 PM

Salam
Sorry - got no Arabic keyboard now

We once were in the same situation and went directly to the central and asked to remove the ADSL function from our line

The you can install a new line without cancellation number - as if you never installed ADSL service on that line

Please check because that was in 10th of Ramadan city - don't
know if it is applicable in all areas

**MohabSaeed** · 21-10-2008 06:01 PM

شكرا لحضراتكم على الافاده

انا بكره حروح السنترال و اشوف ايه النظام هناك .... اساسا سنترال 6 اكتوبر 1 مهوى على الاخر و فاضى و فى اشركة انترنت زفت بيقولو ان السنترال عليه ضغط , والله انا الى جالى ضغط .
عموما انا مش حسكت على المهزله ديه و لما اشوف حوصل لايه فى الاخر .

**Casio2000** · 21-10-2008 10:40 PM

Please let us know what happened with you in the central

**Goodle** · 22-10-2008 02:34 PM

ابقى بلغنا بآخر الأخبار
وربنا معاك

**MohabSaeed** · 22-10-2008 03:07 PM

لسه راجع من السنترال حالا
والى اقدر اقوله ان احنا فعلا فى فوضى و تخلف
روحت لقيت واحد بيقولى امر فحكيتله على الموضوع , و قالى احنا ملناش علاقه بالموضوع ده , المشكله ديه بينك و بين شركة النت . المهم لما جادلت معاه قالى خلاص ادخل جوه على اليمين , حجره اسمها حجره التجارب !! و مكتوب عليها ممنوع الدخول !. المهم دخلت !! و لقيت واحد هناك خد رقم تلفونى و قالى بس كلمنى على الساعه 5 بعد ما اخلص الشغل .
طبعا واضح انه عاوز فلوس الباشا .

المهم لما رجعت وكلمت شركه انترنت زفت قالو ان الرقم لسه ما وصلش وانهم باعتين استعجال للمصريه للاتصلات .
و لما سألتهم تانى عن ال35 جنيه قالى ده سيستم شركه !!!!!
و لما قولتله عاوز اكلم المدير قالى مش موجود ؟؟

انا كنت كلمت جهاز تنظيم الاتصلات من 11 يوم و كلمتهم دلوقتى قالولى انهم متابعين المشكله
مع تى اي داتا !! الموزع الرئيسى ل انترنت مصر !مع ان مشكلتى اساسا مع انترنت مصر , شكل الموضوع حيطول و يلففونى فى دايرده مفرغه .

ده انا لو كنت ركبت خط جديد كان ركب فى 30 يوم و كنت خلصت من التخلف ده

بجد انا مخنوق , ومش عارف اعمل ايه فى البلد المتخلفه ديه .....البنى ادم فعلا مالوش اى حقوق ولا فى نظام بيجيبله حقه .

**shoudy2005** · 23-10-2008 01:02 AM

غريبه فعلآ انا مشترك مع im بقالى 3 سنين و مشفتش منها اى مشاكل و كل فتره حد منهم بيتصل و بيسأل هن احوال الخدمه و لو فيه مشكلة بتتحل فى ساعتها الا اذا كانت فى السنترال

الموضوع: سؤال بخصوص ال Adsl ? و تحذير من التعامل مع شركة Im انترنت مصر

LinkBack

أدوات الموضوع

عرض

-

-

-

-

المواضيع المتشابهه

افضل شركة adsl ؟ لينك ولا تي اي داتا؟؟

تحذير من التعامل مع بنك CITIBank

سؤال بخصوص Vodafone ADSL

تحذير من التعامل مع محل

احسن شركة انترنت فى القطامية

الكلمات الدلالية لهذا الموضوع

المفضلات

المفضلات

ضوابط المشاركة