شكرا لادارة المنتدى على التثبيت
شكرا لادارة المنتدى على التثبيت
يا باشا الشرف لينا :)
المنتدى حلو والله شغال كويس ومواضيع الرابطات المتثبته فى القسم ده هايل
تخيل رابطة الكريستاله فيه اكتر من 700 صفحه بقالى اسبوع عمال اقرا وكل يوم بلاقى حاجات جديده ولسه ادامى كتير قوى على ما اخلص هههههه
ألف مبروك على التثبيت ومن نجاح الى نجاح باذن الله :tumb:
شكرا على ردك الحماسى (واللى يفتح النفس فعلا)
انا عارف ان انت مستنى موضوع فلتر التكييف
بس انا هرفعة لما الحر يشتغل والصيف يخش
يعنى الموضوع المناسب فى الوقت المناسب
دة غير ان الموضوع دة طلع سحلة سحلة بجد
لانى عملت 3 محاولات فاشلة
كل محاولة استغرقت 3 او 4 ساعات شغل وتصوير عشان ارفعة على المنتدى وفى الاخر يفشل
وبعدين بصراحة مش عايز اعمل موضوع اى كلام فى اى كلام (شغل نظرى يعنى)
انا هقولك على حاجة واحدة بس عشان تعرف مقدار السحلة والتعب
بعد احدى التجارب الفاشلة فى فلتر التكييف كان فية (اثار جانبية) للمحاولة الفاشلة بدون الدخول فى تفاصيل اضطريت على اثرها انى افك الرفرف الامامى يمين وعشان افك الرفرف كان لازم افك الاكصدام والفانوس الامامى يمين عشان اوصل لمسامير الرفرف
على العموم اصبر وربنا يسهل
و الله أنا مبسوط إن أخيرا حد عرف يطلع فيديو عربى واضح صوت و صورة و من ناحيتين .... و واضح تماما إن فيه مجهود كبير إنت عملته و أنت بتتحرك من يمين التابلوه لشماله و أماكن الكاميرا
ربنا يرحم والدتك و يجازبك خير
يا ديشة انا مجبتش سيرة الفلتر خاااالص لاني متأكد انك فاكر وبترتب شغلك و اولوياتك ياباشا :S_thum1[1]:
بس فاكر لما قولتلك موضوع الفيديو علي قد ما نجاحه حيبقي مسمع ف المنتدي كله بس حيتعبك ويطلع عينك في تصوير ومونتاج ورفع وكده
بس انتا بسم الله ما شاء الله عليك قدها وقدود فعلا
وشغلك بيتكلم مش فيديو تعبان زي زمان عشان يبقي اسمك عملت فيديو وخلاص زي الناس التانية
ويا مسهل ومزيد من النجاح :Bravo:
تسلم ايدك بجد ... مجهود واضح و موضوع جامد جدا و الفيديو طبعا احسن مليون مره من الصور ... و الله تسلم ايدك ... ربنا يرحم و الدتك و يغفر لها و يسكنها الجنه ...
هو فعلا عمل موضوع بالصور اسهل 100 مرة من عمل موضوع بالفيديو
دة كفاية انى لما كنت بصور مرحلة ويحصل اى ملاحظة فى نص التصوير
كنت بربط المرحلة واعيد التصوير من جديد
يعنى مرة واحد معرفة دخل يسلم عليا وانا بصور وقالى انت بتكلم نفسك
ومرة عيال صغيرة قعدت تتنطط حوالين منى زى العفاريت وواحد منهم راح حاطط دماغة قدام الكاميرا (شغل عيال بقة)
بس المهم انى طلعتة بشكل لائق