شكرا على دعائك
وجزاك اللة خير
شكرا على دعائك
وجزاك اللة خير
العزيز أ/مصطفى،
قبل أي شئ دعاؤنا بالرحمة والمغفرة لوالدتك الغالية ونسأل الله أن يطهرها من الذنوب والخطايا كما يطهر الثوب الأبيض من الدنس، وأن يدخلها فسيح جناتة برحمتة وهو أرحم الراحمين.
طبعا حتستغرب ان أول مشاركة ليا في المنتدى تكون للرد على موضوعك على أني عضو هنا من سنة ونصف تقريبا، بس غالبا كنت باتفرج بس لان مافيش شئ أضيفة، يعني بطبيعتي ما بأحبش ردود الشكر المشهورة في المنتديات.
وأيضا كنت قبل قرأءة هذا الموضوع قرأت لك موضوع أخر عن فلتر تكييف اللانوس والذي طال بأسلوب المسابقات اللي انت عاملة وأصبحت الردود تتهمك بالغرور نظرا لاسلوب الموضوع، وبصراحة دة كان شعوري ودة برضة اللي شدني أشوف موضوع لوحة التكييف علشان أتأكد من أسلوبك.
واليك تصوري النهائي، طبعا انت ماشاء الله عليك ربنا حباك موهبة البساطة في الشرح والقدرة على تصوير الجزء المراد شرحة بصورة تصل إلى الأعضاء بسهولة، وسبب أني بأقول كدة أني عملتها من سنة وفكيت لوحة التكييف وغيرتها كلها بواحدة استيراد علشان الوايرات اتنين منهم قطعوا، وطبعا كنت شغال بطريقة التجربة والخطأ لما طلع عين أهلي، فأكيد أنا مقدر جدا ان اللي انت شرحتة ببساطة محتاج ساعات علشان تكتشفة طالما انك ما عملتوش قبل كدة.
ثانيا فيه نقطة مهمة لازم تاخد بالك منها، ان مش كل الناس ممكن تسيب الكيبورد وتنزل تجرب في عربيتها لمجرد الاختبار كما في موضوعك الأخر، أنا أكيد فكيت عربيات كتير زي حالاتك ولو راجعت ملفي الشخصي حتفهم انا ليه عندي الجرأة وأنا بأفك علشان تخصصي أو شغلي، وحتى انا والحمد لله ربنا رازقني بكورولا حديثة مستحيل أجرؤ أفك فيها مسمار والنترا دي نص نص ممكن أفك وممكن لا ولانوس ودي حقل التجارب بتاعي، فطبعا ماتلومش على الناس اللي خايفة تفك أو عايزة تفضل أمام الكيبورد لانها موهبة أولا وشجاعة ثانيا وتعود ثالثا.
لكن الطريقة التانية اللي انت استخدمت فيها الفيديو في الموضوع دة ممتازة لانها اولا حتزيل حاجز الرهبة من عند الكثيرين ثانيا حتسهل جدا عمليات الفك والتركيب لانهم مش حيحتاجو يمشوا ورا كل سلك ومسمار علشان يفهموا رايح فين وجاي منين زي ما بنعمل، وفي الأخر طالما انك لا تبغى ربح من الموضوع وعاملة لوجة الله حتوصل الفائدة المرجوة وتكسب الثواب، مع تقدير الجميع للمجهود الجبار المبذول منك لاننا في الأصل مش صنايعية وأكيد بيكون الموضوع صعب جدا.
أرجو أن تتقبل رسالتي ونصيحتي لأنك فعلا عامل موضوع أكثر من ممتاز (شغل بتاع برة):36_3_10[1]:
تحياتي
أحمد نصر
اولا يشرفنى انى اكون اول شخص تقرر تعمل رد على موضوعة بعد اشتراك اكتر من سنة فى المنتدى
الحاجة التانية ان الفكرة الاساسية فى اى موضوع عملتة وهعملة ان شاء هو وجة الله
ودى مش مثالية
ولا حالة افلاطونية
مش كدة خالص
عارف حضرتك لما تلاقى واحد عامل كولدير مية فى الشارع وكاتب فوق الحنفية (برجاء قراءة الفاتحة لصاحبة)
هيا دى الفكرة
الحمد لله العبد الفقير الى اللة من صغرى وانا غاوى الاجتهاد والابتكار فى الحاجة اللى انا محتاجها بس واللى بيساعدنى على كدة انى عندى عدة كاملة بمعنى الكلمة
وانا مش قصدى هنا المفكات والمفاتيح ......الخ
دول كلام فاضى
لا انا قصدى ان انا عندى مفك كهرباء ومنشار اركت كهرباء ومنشار صينية كهربا وصاروخ وهيلتى وشنيور زاوية .......الخ الخ الخ
وعشان اختصر لحضرتك انا مش ناقصنى غير مكنة اللحام فقط
فانا قررت ان اوظف الحاجات دى كلها فى حاجة تنفع الناس فعلا
اهم بكتير من كولدير مية
علم ينتفع بة
عشان كدة تلاقينى فى بعض المواضيع اللى بكون تعبت فيها بطلب من الناس قرأة الفاتحة لوالدتى يرحمها الله اذا الموضوع عجبة
وبكدة يبقى عداد الحسنات شغال علطول لوالدتى وليا
هى دى الفكرة الاساسية والعنوان الرئيسى والهدف الاسمى
فلما يطلعلك واحد يقولك انت مغرور وعندك حب التباهى لمجرد ان حضرتة مش قادر يصبر على الحاجة اللى هتجيلة جاهزة ومتقشرة
وانا كان عندى صبر انى اعطل نفسى واسيب شغلى واكل عيشى واتعب واديلة الموضوع متقشر على طبق من فضة
فدة تقولة اية بالله عليك
على العموم انا رديت على الاتنين اللى قالو كدة الرد المناسب
وغالبا بكرة او بعدة هرفع الموضوع بالكامل ان شاء اللة على حسب الجدول اللى انا عاملة من اول يوم رفعت الموضوع
ان بنهاية 30 - 8 يكون موضوع الفلتر وطريقة تنضيف التلاجة خلصانين بأذن اللة بحيث الناس تاخد شهر 9 و 10 السنة دى بالتكييف المنعش اللى بيعمل باقصى كفاءتة
ومشاركتك الاولى فى المنتدى شرف ليا ياباشا
أشكرك يا أستاذ مصطفى على مجاملتك الرقيقة وعلى التوضيح وأكيد أنا فاهم الهواية دي وعارفها كويس لأني زي حالاتك، صحيح أنا بتاع طيران لكن طول عمر صيانة العربيات عندي هواية ويمكن من قبل ما أتخرج وانا دايما بأحب أصلح حاجتي بنفسي (أول عربية ركبتها كانت زاستافا 750) ومش حاقولك كنت عامل فيها ايه، وبرضة بأحب عدتي جدا لأني بأجمع العدة يمكن من 25 سنة بس ابني بدأ يستعملها معايا (وبيضيعها) وفيها برضة كل ما تتخيلة وانا فاهم قصدك في دي لان دة مزاج تاني، يمكن دلوقت تقلت شوية (السن له حكمة) بس الهواية موجودة.
عامة يا سيدي انت فتحت نفسي لهوايتي القديمة ونزلت فكيت حاجات لاني ناوي انضف التلاجة ان شاء الله وازيت وايرات التحكم لانها اتكسرت قبل كدة بسبب تقلها واصلح الاريال ولمبة الطفاية.
وانا شغال لو قدرت حاخد شوية صور واشوف ممكن اقترح عليك ايه في موضوعك التاني بخصوص مكان الفلتر، ولو سمحتلي طبعا حأحطها في الموضوع التاني.
ادعيلي اخلص بسرعة.
أحمد
عندي دايو نوبيرا 1 بس لما عاوز ادور ما بتشتغلش من اول مره ولا تاني مره ,تالت مره تشتغل عطول بس لما تشتغل تشم ريحه بنزبن فضيعه؟؟ايه السبب ؟؟ وشكرا لكم
اعمل موضوع جديد عشان الناس تعرف ترد عليك
مينفعش تحط موضوع جوة موضوع
وانا حطيت لك صورة توضحلك عشان انت جديد فى المنتدى
http://i1357.photobucket.com/albums/...ps932cdb66.jpg
ما شاء الله ربنا يحفظك
انته راجل محترم وربنا يغفر لوالتك ويرحمها ويجعل مثواها الجنة