الباى بال فى مصر و لبنان قريبا

**Ahmed_Adham** · 25-03-2013 11:30 AM

المشاركة الأصلية كتبت بواسطة dr_mido

احب ااقلك ان الناس دى تدرسلك صياعه

لانه مش مجرد رقم فيزا تدخله

دة ربط بحسابات فى البنك وسحب رقم عشوائي من ولار لحد تلاته و انت تعرفه وتبعتلهم ان اتسحب من حسابك وليكن دولار وعنهم انظمه كتير جدا لمقاومه غسيل الاموال و التحويلات الغير شرعيه متقلقش صيع صيع زى الكتالوج مابيقول

الكلام ده لو انت بتسجل حساب وبتضيف البطاقه فيه لكن بما ان مصر هتبقى دوله مدعومه يبقى البطاقات الصادره منها هتبقى مقبوله من باي بال وفي الحاله دي ممكن تدفع لتاجر بيقبل باي بال عن طريق بطاقه صادره من مصر بدون ما يكون عندك حساب باي بال وده أوبشن بيكون موجود من باي بال وقت الدفع وقابل بقى يا ريس على الدفع ببطاقات مسروقه لشراء هوست وشراء أكونتات رابيد شير والخدمات المماثله لمده شهر لأن طبعا صاحب البطاقه بياخد باله بعد فتره لما يشوف كشف حساب البطاقه وبيشتكي في البنك والبنك بياخد الفلوس من باي بال اللي بتسحبها من التاجر وفي الاخر التاجر اتسرق والحرامي نفد بسرقته.

**DreAmO** · 25-03-2013 04:27 PM

تعريف الباي بال
هو بنك الكتروني .. بتفتح فيه حساب عن طريق موقع باي بال
تقدر تربط كارت فيزا انترنت صادر من بلدك بحسابك في الباي بال
علشان تشحن حسابك في الباي بال عن طريق الفيزا .. او تستقبل عالفيزا فلوس من حسابك في الباي بال

حسابك في الباي بال فيه رصيد " فلوس " .. تقدر تشتري حاجه معينه من النت وتدفع عن طريق حسابك الباي بال ويتخصم من رصيدك دة .. اذا كان وسيله الدفع للحاجه اللي بتشتريها باي بال .. يعني الباي بال وسيط بين الفيزا بتاعتك وبين الموقع اللي بتشتري منه تقريباً وفيه عموله بياخدها الباي بال

ودة بيوفرلك امان اكتر .. علشان ماستخدمش بيانات الفيزا في موقع مباشرة انت مش ضامنه
كمان لو الحاجة اللي اشتريتها فيها مشكله او اتنصب عليك فيها .. تقدر تشتكي في الباي بال

والباي بال يراجع التاجر اللي اشتريت منه عالنت .. ويخصم من حساب التاجر فلوسك ويرجعها لحسابك تاني

كمان بيوفر وسيلة دفع اضافيه للناس اللي بتقدم خدمات او منتجات عالنت
يعني انا مثلا نفترض ان عندي موقع بيبيع هدايا عالنت .. وموفر وسيلة الدفع باي بال
انا بيكون عندي حساب تاجر في الباي بال استقبل عليه فلوس من العملاء

وانت كزبون بتدخل وتدفعلي عن طريق حسابك الباي بال .. يتخصمن من رصيدك وينضاف لرصديدي ثمن السلعه
وانا بعد كدة كتاجر استلم فلوسي من الباي بال عن طريق الفيزا او الحساب البنكي الطبيعي في بلدي او اي طريقة موفراها باي بال لإستلام الاموال

ولكن للاسف : الباي بال جه متأخر
زمان كان مهم جداً .. لانه كان محتكر الحكايه دي .. وموضوع الفيزا مش منتشر في الوطن العربي ومفيش بنوك الكترونيه منافسه .. ومفيش وسائل دفع او شراء متنوعه .. الخ

لكن حالياً .. البنوك الالكترونيه كتير وبتدعم مصر .. وبتقدم نفس خدمات باي بال .. ومنهم بنك الرت باي او بيزا حالياً
ودة بيدعم مصر وبيدعم الفيزا المصريه .. وبتقدر تستلم منه فلوسك على حسابك البنكي في بلدك الطبيعي .. الخ

كمان اتوفرت كروت الفيزا .. زي فيزا انترنت بنك مصر ب 22 جنيه .. وفيزا البنك الاهلي .. الخ

كمان اتوفرت خدمات عالنت زي كاش يو , ون كارد .. .. ودي كلها بتوفرلك خدمات التاجر والزبون وربط الفيزا والحساب البنكي

يعني الباي بال .. مابقاش مدهش زي الاول .. وكل اللي مستنيه هيتفاجىء انه مش محتاجه فعلاً زي الاول

**Amr_tika88** · 10-04-2013 10:31 AM

مبرووووووووك

**أحمد كمال** · 10-04-2013 10:45 AM

يا ناس يا عسل ال Paypal وصل و فتحت الحساب النهاردة لولولولولولييييييييي

**sas5** · 10-04-2013 12:11 PM

و أنا كمان فتحت حساب النهاردة الحمد لله

**Dr_Mido** · 10-04-2013 01:01 PM

اخيرا

**Ahmed_Adham** · 10-04-2013 01:26 PM

المشكله ان فيه سلع كتير مش بتتشحن غير لأمريكا بس!

**EL Tanna** · 10-04-2013 01:31 PM

طيب هو الباى بال ينفع ادخل الرقم بتاع ال ATM العاديه ولا لازم تكون VISA يعنى عندى دفتر دوفير و مطلع عليه atm شغال ولا بيبقى ايه نظامه؟ كمان لازم يكون حسابى بالدولار؟؟

**أحمد كمال** · 10-04-2013 03:15 PM

المشاركة الأصلية كتبت بواسطة el tanna

طيب هو الباى بال ينفع ادخل الرقم بتاع ال atm العاديه ولا لازم تكون visa يعنى عندى دفتر دوفير و مطلع عليه atm شغال ولا بيبقى ايه نظامه؟ كمان لازم يكون حسابى بالدولار؟؟

لو بنكك بيسمح باستخدام بطاقة الخصم المباشر اونلاين هتشتغل

و 99.999999999% من بنوك مصر ما بتسمحش

مش لازم حساب دولار

-

الموضوع: الباى بال فى مصر و لبنان قريبا

LinkBack

أدوات الموضوع

عرض

-

-

-

-

-

-

-

المواضيع المتشابهه

العضو رقم 100 ألف في صفحة كيا مصر يفوز برحلة إلي لبنان

الحقونى الماتور فى الباى باى

الهيونداى فى الباى باى

الكلمات الدلالية لهذا الموضوع

المفضلات

المفضلات

ضوابط المشاركة