الموضوع: خطوات الامركة والخمسات

بالنسبة للتحذيرات اللي الزملاء وضحوهالك مش هازود عليها غير الكاوتشات اللي هاتتدمر انما برضه هاقولك على اللي انت عاوزه بس ببرأ ذمتي من أي أضرار وخساير

أولا وانت جاي تنفذ أي لعب بالعربية لازم تكون في مكان فاضي ومافيهوش ناس علشان لو العربية لا قدر الله خرجت عن السيطرة ما تأذيش حد
ثانيا لازم تكون مركز وبالك رايق يعني يفضل انك ما تبقاش متنرفز أو مشدود الأعصاب ويفضل انك تمضغ لبان لانه بيخف من حدة العصبية شوية
ثالثا نيجي بقى لتنفيذ الحركات :
1- بالنسبة للأمركة (الأستيكة) فحضرتك لو عندك نقلات العزم أو الغرز (من الأول للتالت) يبقى حضرتك وانت دايس على الفرامل بتجيب الأول وبعدين تكبس أكسيلاتير (دواسة البنزين) على الآخر ودي أرحم شوية من انك تجيب N وبعدين D.
2- بالنسبة للخمسات فانت عندك نوعين
1- من الثبات وده بتبقى كاسر الدريكسيون على الآخر وتأمرك مع شد HandBrake (وده بالنسبة ليك غلط على الكبالن)
2- والعربية على سرعة تسمح بتطويح العربية ودي يا سيدي وانت ماشي وواخد سرعة معقولة مش كبيرة قوي علشان ما تتأذيش وانت لسة مبتدئ بتمور العربية N وتكسر الدريكسيون وفي نفس اللحظة بتكون بتشد HandBrake.
3- Reverse وده المقصود بيه الخمسة الخلفية يعني بتعملها بالمارشيدير.

وربنا يسترها معاك ..... ونصيحة أخوية فكك من الموضوع ده بلاش بهدلة وحافظ على عربيتك أحسن

مشكور
يا اخويا

بلاش احسن
اسمع الكلام من واحد قديم في الموضوع دا
لو العربيه فلتت منك مش حتعرف تلمها و حتبقي النتايج سيئه جدا
الحمد لله انا محدش علمني اتعلمت لوحده و بقيت بعمل حاجات تخلي اللي واقف مذهول
لكن في النهايه بتيجي علي حسابك و علي حساب العربيه اللي شايلاك و من غير لازمه.
الخمسات و الامريكاني عاوزه عربيات قويه و تستحمل زي ال 132 و ال 505 و ال 125 و الحاجات دي
كل العربيات الجديده مش حتستحمل

انا باخد معلومة عن الحجات دى

على فكرة كلام أخونا حازم صح وانا فعلا عندي عربية Fiat 132 2000cc عملت بيها كل حاجة ممكن تتخيلها وأحب أضيف نقطة صغيرة وهي انك تاخد لعب بالعربية ذات الدفع الخلفي أحسن بكتير وأكتر بكتير من العربية ذات السحب الأمامي واسمع كلام حازم لان انا كمان شوفت أيام ما يعلم بيها الا ربنا وعندك مثلا فرامل اليد باظت وسابت وآخر حاجة مع اني كنت مبطل لعب بقالي كتير بس دي بيبقى من السرعة اللي بالتالي بتخليك تدوس فرامل كتير كل ده أدى إلى ان شداد الكاوتش اللي بيربط العجلة في الشاسيه بتاع العربية انقطمت العروة اللي هي راكبة فيها وده طبعا خلى العربية وقعت بيا على الأرض ولستر ربنا والححمدلله اني كنت لسة طالع بالعربية ومالحقتش آخد سرعة والا لا قدر الله كان زماني في خبر كان

المشاركة الأصلية كتبت بواسطة ana_3enady

على فكرة كلام أخونا حازم صح وانا فعلا عندي عربية Fiat 132 2000cc عملت بيها كل حاجة ممكن تتخيلها وأحب أضيف نقطة صغيرة وهي انك تاخد لعب بالعربية ذات الدفع الخلفي أحسن بكتير وأكتر بكتير من العربية ذات السحب الأمامي واسمع كلام حازم لان انا كمان شوفت أيام ما يعلم بيها الا ربنا وعندك مثلا فرامل اليد باظت وسابت وآخر حاجة مع اني كنت مبطل لعب بقالي كتير بس دي بيبقى من السرعة اللي بالتالي بتخليك تدوس فرامل كتير كل ده أدى إلى ان شداد الكاوتش اللي بيربط العجلة في الشاسيه بتاع العربية انقطمت العروة اللي هي راكبة فيها وده طبعا خلى العربية وقعت بيا على الأرض ولستر ربنا والححمدلله اني كنت لسة طالع بالعربية ومالحقتش آخد سرعة والا لا قدر الله كان زماني في خبر كان

طالما عندك 132 2000
يبقي لازم تقرأ الموضوع دا:)
http://www.nilemotors.net/Nile/showthread.php?t=168

يعنى اية hand brake