عايز فيرنا تقسيط منين ساعدوني ..

**AhmedElsayed** · 02-07-2007 02:37 PM

بالنسبة لبنك ناصر فهو اطول فترة تقسيط فى مصر حتى 7 سنين
واقل فايدة فى مصر هى 6%
بس شروطه مقرفة شوية
يعنى لازم ضامن ده اولا
الحكاية ازاى بالترتيب
تروح بصورة البطاقة وتسيبهلهم يعملوا استعلام ده بيخد اسبوع تقريبا قول عشر ايام وده استعلام بنك مركزى يعنى محدش بيجلك ولا يسال عليك ولا حاجة كل الحكاية انهم بيشوفوا هل انت كان عليك قروض قبل كده وخلعت ولا لا
المهم بعد متيجى الورقة دى ممكن تخلص ورقك كله فى يوم واحد بس لازم تبقى عارفه كله الاول
بتجيب مفردات مرتبك ومفردات مرتب الضامن
وجواب من شغلك بموفاقته على تحويل قيمة القرض
وجواب من شغل الضامن بالموافقة على تحويل مرتبه (فى حالة التوقف عن الدفع فقط) وليس علطول
وطبعا عرض اسعار من المعرض او الوكيل بس لازم يكون معتمد من بنك ناصر وبيتعامل معاه طبعا والافضل يديلك الجواب فيه رقم الشاسيه علشان متاخرش نفسك
بس لو ورقك كله جاهز ممكن تستلم جواب التخصيص وانت قاعد وتستلم ان شاء الله
ده اللى انا عملته لما جيت اشترى بس لازم طبعا تسال بنفسك علشان تعرف كل التفاصيل
محدثكم
أحمد السيد
مندوب بنك ناصر فى نايل موتورز :D

**temoo_110** · 02-07-2007 02:43 PM

الله ينور ياباشا طيب لو افترضنا انى بشتغل فى قطاع خاص يعنى علشان موضوع تحويل المرتب ده ايه العمل

**mohamed_88sk** · 03-07-2007 12:06 AM

الله يجزاكوا خير يا أخ تامر ويا أخ تامر شكرا على أهتمامكوا وعلى الأفاده ..

بس ليا إستفسار إذا سمحتوا دلوقتي العربية حتكون بأسم والدي لأني مابلغتش السن القانونية للأمتلاك ووالدي شغال في قطاع خاص خارج مصر فحيكون التصرف إزاي في الحالة دي ؟

وموضوع البنوك ده اولا لازم تكون موظف او عندك سجل تجارى او بطاقة ضريبية

يعني معنى كده إني ما ينفعليش ولا إيه ؟ أنا كده قلقت .
من وجهة نظركم أخليني مع سيتي بانك ولا بنك بركليز ولا بنك ناصر ؟

لو عاوز رقم مندوب البنك اللى هخلص معاه قولى وانا اكتبهولك هو ولد محترم جدا وهيحاول يساعدك كتير

أكون شاكر لحضرتك بس مش عارف قلقان . وبقول أستنى شوية علشان شكلي كده العربية مش جايه اليومين دول وقدام شوية :| ببايا بعتني يعني :mrgreen: :lol: ..

وياريت اكون افتدك

الله يباركلك بجد وضحتلي حجات كتير .

وكيل هيونداى اسمه رمسيس فى الابراهمية شارع ابو قير وانا روحتلو وحسيت انهم ناس محترمة جدا وهما شغالين مع كل البنوك

يعني أبعد عن المصر ية ؟ أنا حسيتهم عالم لبط وبيستهبلوا .

بالنسبة لبنك ناصر فهو اطول فترة تقسيط فى مصر حتى 7 سنين
واقل فايدة فى مصر هى 6%
بس شروطه مقرفة شوية
يعنى لازم ضامن ده اولا

طيب برضو بنك ناصر غالبا برضو الضامن حيكون شغال بره بس في القطاع الحكومي وحيكون عمي .. الحل إيه ؟

مندوب بنك ناصر فى نايل موتورز

وأنا مستغرب بنك ناصر شغال اليومين دول نار كده ليه هههههههه ربنا يباركلك .

بجد متشكر ليكو ولكل اللي حاول ينصحني ويفهمني .

**temoo_110** · 03-07-2007 07:01 AM

يعني معنى كده إني ما ينفعليش ولا إيه ؟ أنا كده قلقت .
من وجهة نظركم أخليني مع سيتي بانك ولا بنك بركليز ولا بنك ناصر ؟

مدام انت موصلتش السن القانونى تبقى العربية باسم ولدك

أكون شاكر لحضرتك بس مش عارف قلقان . وبقول أستنى شوية علشان شكلي كده العربية مش جايه اليومين دول وقدام شوية ببايا بعتني يعني ..

ولو زى ما بتقول باعك دى مشكلتك ولازم تقصر عليه

يعني أبعد عن المصر ية ؟ أنا حسيتهم عالم لبط وبيستهبلوا

ايوة ابعد عن المصرية دووول شغالين فى الاشتغلات مش اكتر

طيب برضو بنك ناصر غالبا برضو الضامن حيكون شغال بره بس في القطاع الحكومي وحيكون عمي .. الحل إيه ؟

فى حل اجمد وباقل فايدة فايدة 4.4 انه يكون فى فلوس فى البنك بالمبلغ المتبقى تمام يعنى انت هتاخود الارباح بتاعت الفلوس وغير كده هتتمتع بالعرض ارخص فايدة
وانا تحت امرك فى اى شىء ياباشا

**mohamed_88sk** · 03-07-2007 11:42 AM

متشكرين يا باشا ده العشم برضو ... لا هو مابعنيش بس حتتأخر شويه وكمان تكون فرصه عشان أشوف برضو إيه اللي حينزل جديد وتكون الأسعار أستقرت كمان ..

مدام انت موصلتش السن القانونى تبقى العربية باسم ولدك

أه أنا عارف كده بس احنا مش بتعامل بالفوايد فبرجح حكاية البنوك اللي حضرتك علاضتها عليا فوق بس مشكلة أن والدي والضامن بره دي اللي مش عارف أعمل فيها إيه ؟!

**وائل السويفي** · 03-07-2007 11:59 AM

[/quote]
فى حل اجمد وباقل فايدة فايدة 4.4 انه يكون فى فلوس فى البنك بالمبلغ المتبقى تمام يعنى انت هتاخود الارباح بتاعت الفلوس وغير كده هتتمتع بالعرض ارخص فايدة
وانا تحت امرك فى اى شىء ياباشا[/quote]

تيموووووووو باشا

معلش ممكن تشرحلي آخر نقطة دي بتاعة الحل الجامد واحدة واحدة كدا

**AhmedElsayed** · 03-07-2007 12:07 PM

مش عارف بصراحة هل بيقبل قطاع خاص ولا لا
بس عادى مهو القطاع الخاص ممكن يحول مرتب او القسط بس

لكن طبعا معتقدش اى حاجة بره مصر تنفع لا فى بنك ناصر ولا غير بنك ناصر
يعنى معتقدش سيتى ولا باركليز ولا اى بنك حيقبل بضمان وظيفة بره مصر
معرفش البنوك انا اعرف انها بالبطاقة ممكن بدوك العربية بس الفايدة بتزيد كل ما اجراءات القرض تسهل

انا راى اسالوا فى بنك ناصر، نفع يبقى خير وبركة ومش مهم انتظار اسبوع ولا اتنين بس حتوفر فارق سعر الفايدة الكبيرة بينهم( بنك ناصر 6% واقل بنك حتلاقيه 8%)
خلوا بالكم كمان ان معاملة بنك نصار اسلامية فاحذروا انكم تعملوا معاملة غير اسلامية
والله اعلم

**temoo_110** · 03-07-2007 12:09 PM

معلش ممكن تشرحلي آخر نقطة دي بتاعة الحل الجامد واحدة واحدة كدا

ومالوه يا بيبى اشرحولك هات ورقة وقلم واكتب ورايا اللى هقولهلولك واحفظو كويس
يعنى مثلا لو انت هتبقى 50 الف جنيه هتقسطهم ومعاك 50 الف جنيه فى البنك بتجيب من البنك اللى انت حاطط فيه فلوسك خطاب ضمان بمبلغ 50 الف جنيه وبالتالى البنك اللى هتقسط منه هيقسطلك بضمان المبلغ الموجود فى البنك اللى انت جايب بيه خطاب الضمان وكده انت مسكت العصايا من النص اخدت اقل فايدة فى التقسيط ونفس الوقت انت فلوسك فى البنك بطلعلك ارباح بس فيه حاجة لازم تاخود بالك منها انك مش هتقدر تتصرف فى الفلوس اللى انت جايب بيها خطاب الضمان لغاية ما تخلص الاقساط انما ممكن تاخود اربحهم وياريت اكون افدتك يا باشا وتحت امرك فى استفسار

**وائل السويفي** · 03-07-2007 03:19 PM

متشكر جدا جدا يا تيموووو باشا

رغم التريقة !!

ولكن متشكر جدا

**mohamed_88sk** · 03-07-2007 05:32 PM

أها ... كده وضحت الرؤية . ربنا يسهل .

خلوا بالكم كمان ان معاملة بنك نصار اسلامية فاحذروا انكم تعملوا معاملة غير اسلامية

والله أنا بسأل عشان كده ولله الحمد .
جزاكم الله كل خير .
يعني حكاية التقسيط والضامن بره والمشتري بره كمان متنفعش . يا خسارة . :(

الموضوع: عايز فيرنا تقسيط منين ساعدوني ..

LinkBack

أدوات الموضوع

عرض

-

-

-

-

-

-

-

-

المواضيع المتشابهه

تقسيط فيرنا

سيد المعلمين يدلنى اشترى السيراتو الكوبية تقسيط منين

عايز أشتري ياريس تقسيط ...منين؟؟

ساعدوني: شركات تقسيط السيارات؟

الكلمات الدلالية لهذا الموضوع

المفضلات

المفضلات

ضوابط المشاركة