محتاج راى وسط...

**TIM.CENRO.GS** · 24-03-2013 07:43 PM

السلام على اهل السلام
يا رجالتنا انا بجد محتاج راى وسط لانى متزاول جدا
انا لسه جايب اوبل فيكترا 2001 من حوالى 4 اسابيع بسعر كويس وفى واحد عايز يشتريها
هى العربية محتاجة الاتى:
مروحة بقميص جديد للريداتير
احتمال جربة ميه جديدة
check up كامل للضفيرة لا انها مهلهلة ف ممكن تحتاج حاجة
التكييف مجتاج شغل لانه بعد مااتشحن سرب الفريون
ظبط عفشة احتمال تغير

ف مش عارف ابيع واحتمال كبير مش هخسر فيها
و دور على وحدة تانية تكون حالة اعلى مع دفع الفرق ولا اظبط دى وخلاص

1600سى سى مانيوال رشه برة كلة مغيرة رفرف يمين و كانت واخدة خبطة فى الوش ...شوفتها لما فكيت الاكصدام هيا نقرة بسيطة
انا مزاول نفسى ولا التفكير ده صح ولا اية
وبصراحة انا حاسس ان صاحبها الاول كان بينفض ومش نضيف ...يعنى كذا مرة الاقى حاجة مربوطة بابزيم وشغل تلزيق

ف اظبط واريح دماغى من البيع والشرا...........ولا ابيع واجيب واحدة اعلى

**halimo** · 24-03-2013 08:36 PM

بص ياباشا انت راكب المانى يعنى قطع غيار غالية ولما بتفتح بتزعل اوى
فعلشان تظبط ورا واحد مهمل صعب لان ماخفى كان اعظم (العربية عاملة كام كيلو؟)
بيع لو مش حتخسر واشترى اغلى بس تبقى راكب وانت مطمن
نصيحة من واحد مجرب زعل الالمانى(جولف سابقا/ اوبل حاليا والحمد للة)
ده رايى وانت صاحب القرار.

**amr elsisi** · 24-03-2013 08:39 PM

مهما جبت مستعمل حيكون عاوز مصاريف
اكشف علي عربيتك واعرف عاوزة كام وبعدين حدد
ممكن تكون حاجات هايفة بس في نظرك كبيرة
وطبعا لو مصمم علي البيع لازم تصارح المشتري
هوا انتا جبتها بكام

**فادى محمد** · 24-03-2013 09:45 PM

المشاركة الأصلية كتبت بواسطة hilal

رايي الشخصي انك تبيع ، وتصارح المشتري حتى لو هتخسر ، وسوف تجد أن الله تعالى سوف يبارك لك في السيارة القادمة.
انا بعت لانسر وكنت لسه شاريها ، بس اكتشفت انها واخدة خبطة من الامام وخبطة من الخلف ، وللأسف البائع جاري في الشقة اللي تحتي ولم يصارحنى ، المهم نزلت بها السوق وبعتها في 5 دقائق بعد ما صارحت المشتري بعيوبها ، وخسرت فيها حوالي 5 آلاف جنيه ، بس ربنا عوضها واشتريت أوبل فيكترا بحالة ممتازة

فعلا العوض من عند ربنا ..ربنا يكرمك

**Moabany** · 25-03-2013 08:43 AM

لو صاحبها مهمل فيها
يبقى بيع بسرعة
ودور على حاجة بيتي
وربنا يوفقك

**amrosaroukh** · 25-03-2013 09:15 AM

بص يا ريس حاجة من اتنين يا لو ليك في العربيات و وقفة الحرفيين و تشكل العربيه على كيفك توكل على الله بس على شرط واحد بس ان العربية ميكونش فيها خبطة تزعل في قايم او الوش او الضهر كدا يعنى اساسيات سليمة من الاخر و انا بقول الكلام دا عشان الكلمة اللى انت قولتها (ان العربية جت بسعر حلو ) فبناء على كدا لما تصرف عليها كمان ميجراش حاجة
تاني حاجة بقا لو كل اللى فوق دا مش فيك يبقا تتبع المثل اللى بيقول قطمة احسن من نحته و تتوكل على الله و تبيع و تشوفلك حاجة تانية و انشاء الله ربنا يوفقك

عمرو الشريف

**mifs** · 25-03-2013 09:32 AM

انا الصراحة ميال جدا لرأي الزميل اللي قال ان كل المستعمل محتاج مصاريف
اكشف عليها الاول وحدد التكلفة
وبما ان سعرها حلو لو صرفت شوية مش هتزيد كتير عن سعر العربية اللي حالتها احسن منها وبرضه هتحتاج مصاريف
وكمان دي ميزة ان العربية معاك هتكشف براحتك
ده في حالة ان الاساسات سليمة