مشكلة في استرا 2001

**Bastawisy** · 25-03-2013 02:27 PM

السلام عليكم ورحمة الله وبركاته

الموضوع من اوله خالص انا اشتريت من شهر اوبل استرا 2001 العربية ماتورها 1200 سي سي
والعربية كانت عاجباني جدا لغاية ما بدات تلخبط معايا .. من اسبوع كده لقيت العربية بتنقص زيت رحت لميكانيكي وطلع الكارتير بيسرب زيت المهم عملته ومشيت بيها اسبوع ولقيتها برضو نقصت زيت .. رجعت للميكانيكي قالي الماتور بياكل زيت ولازم يتعمله عمرة او تجيب شورت بلوك احسنلك
والعربية اصلا على كلام الي اشتريتها منه الماتور بتاعها جديد ما كملش 6 شهور علشان كده انا مستغرب
والعربية على فكرة بتطلع دخان ابيض خفيف من الشكمان

المهم قلت اسال الاول قبل ما اعمل حاجة وارجع اندم .. قرات شوية مواضيع هنا عن ناس جابوا الشورت بلوك دا وبرضو بعد 3 شهور طلعت معاهم نفس المشاكل .. وقالوا لو جبت ماتور 1400 هيبقى احسن .. انا خايف اعمل حاجة ويطلع في الاخر بالفاضي

انا ماليش اي خبرة في الحاجات دي ومش عارف اعمل ايه :(

**فادى محمد** · 25-03-2013 02:33 PM

دخان ابيض من الشكمان يبقي الموتور خفيف وبيهرب زيت اما من الشنابر او اويل سايل صبابات ..
لو من الصبابات فده سهل ومش هيتكلف الا كاوتش صباب بكلام فارغ اما لو شنابر فاما شورت بلوك لو وش السلندر عندك كان حالته حلوه او موتور كامل لو الوش كان تعبان او مخروط قبل كده كتير
روح لشكري اللي عند كابتشينو (سوق الجمله القديم) هو هيقولك ع المفيد