مشكلة طحينة فالرادتير ومحدش عارف يفيدني

**Saforyaa** · 24-03-2013 10:46 PM

عندي لقيت فالرداتير طحينة زيت علي مية بس الغريب ان مقاس الزيت مفهوش طحينة بس فالرادتير وعلبة المية في ناس قالتلي لو الطحينة كمان فمقاس الزيت يبقي جوان وش السلندر بس انا معنديش فالمقاس غير زيت عادي مع العلم ان الزيت بينقص ارجو الافادة وشكرا

**wahba87** · 25-03-2013 01:40 AM

للاسف يا باشا اظن كده يبقى جوان وش سلندر

الزيت بينقص لانه بيدخل على الميه و بيعمل طحينة , الجوان ضارب من ناحية مبتخليش الميه تدخل على الزيت بس بتخلى الزيت يدخل على الميه

نستنى رأى حد تانى برده , و كان الله فى عونك علشان انا مريت بالمرحلة دى , و انصحك متخرطش , انا خرطت الوش الأول و للأسف كان وحش جدا و سحب العربية كان ضايع , غيرته بوش استيراد و الحمد لله زى الفل

**Saforyaa** · 25-03-2013 02:20 AM

شكرا لردك يا باشا تفتكر لو غيرت الجوان ف اولو كدة هيوفر علية خرط والكلام ده وهيقتصر بس عالجوان

**amer hassan** · 25-03-2013 11:34 AM

كلام وهبة سليم 100% جوان وش السليندر لو ضرب يا اما المية تدخل عالزيت... يا اما الزيت يطلع عالريدياتير... وش السليندر لازم يتكشف عليه ليكون سخن منك و قفع و لو الوش سليم يبقى هتغير الجوان بس,,,, لو الوش مقفع هتوديه لخراط يصلحه و برضه تغير الجوان

**Saforyaa** · 25-03-2013 04:08 PM

يعني فكل الاحوال الجوان هو المشكلة صح؟

**mrastra** · 25-03-2013 06:16 PM

فعلا الجوان هو السبب
اعراض تلفة
عمل طحينة فى مقاس الزيت مع ارتفاع منسوب الزيت

عمل طحينة فى الردياتير مع نقص مستوى الزيت وارتفاع مستوى سائل التبريد

خروج مية من الشكمان بشكل كبير فى صورة قطرات ماء

ولما تفك الوش لازم تودية للخراط فى كل الاحوال يعمل له نضافة للصبابات والقواعد ويعمل رودية لقواعد الصبابات

**Saforyaa** · 26-03-2013 03:33 AM

طب والخراط ياخد كام يا باشا تقريبا لو هيعمل فيه شغل

**Saforyaa** · 26-03-2013 03:53 AM

واحد قالي السربنتينة بتاعة الفتيس الي جوة الرديتر تكون مخرومة الحمها
اي رايكم مبرد زيت الفتيس

**eleanor** · 26-03-2013 04:33 AM

لو العربيه بتاعتك اوتوماتيك يبقى تكشف على زيت الفتيس ممكن يكون هو ده المشكله لان تبريد الفتيس الاوتوماتيك بيبقى داخل الريداتير بس لو جوان وش سلندر هتلاقى العربيه بتسخن جامد معاك وسحب مافيش اكشف على زيت الفتيس وشوف لونه الاول
والكشف هتلاقى ليه مقاس كده زى بتاع زيت الموتور

-

الموضوع: مشكلة طحينة فالرادتير ومحدش عارف يفيدني

LinkBack

أدوات الموضوع

عرض

-

-

-

المواضيع المتشابهه

مشكلة محيرانى ومحدش عارف يحلها. ارجو المساعدة

العربيه بتترج ومحدش عارف ليه

زيت وش السلندر بقى طحينة

انا ماتورى جاب طحينة محدش عاوز طبق

طحينة ؟؟!!!!

الكلمات الدلالية لهذا الموضوع

المفضلات

المفضلات

ضوابط المشاركة