الموضوع: Subaru XV OR Nissan qashqai

المشاركة الأصلية كتبت بواسطة Mohyeldin1974

كلامك صحيح العربيه منتشره كمان اوى فى انجلترا بحكم بلد التصنيع
ولكن فى نقطه مهمه وهى ان تقريبا الاساسيات واحده فى القشقاى فى الخارج وجوه مصر ولكن الاوبشنز مختلفه
اولا ماتور 1600 بنزين ده محدش بيركبه بره واكتر العربيات بتكون مانيوال مش اوتوماتيك والنقطتين دول بيفرقو جدا فى قوة العربيه اللى غالبا ما بتكون ديزل و مانيوال وماتور اكبر
غير ان الاوبشنز مختلفه بس مش كتير

كلامك مظبوط, الناس برة كمان بتفضل المواتير الديزل عشان الضرائب , و المانوال لإن الدنيا مش زحمة و السواقة مملة و روتينية جدا معندهمش الاكشن بتاعنا :D , لكن نقاط قوة القاشقاي مش معتمدة علي التسارع أو قوة الموتور , لكن في ال ride comfort و ال refinement و الاعتمادية

و ال options عندنا في مصر تقل فقط في عدد ال airbags و ال 4wd اللي هو اساسا مش مستحب في القاشقاي .

ههههه , كده كده ال BT في ال nissan مش بيدعم ال music playback فأنا شايفه مش ميزه كبير, احنا عندنا برده options ستاندرد مش بتنزل بره , زي التكيف الاوتو ال dual zone و السقف البنارومة في بعض دول اوروبا مش ستاندرد , و ال keyless entry و ال CD changer و ال roof rails و ال xenon

أخي الفاضل
انا كنت في نفس حيرتك و بعدين حسمت أمري و حجزت ال XV اعلي فئه و طلبت مع الاستلام ال Cruise Control و Roof Racks علي اساس انها الكماليات الأصليه المتاحه في التوكيل .
انا عيلتي عباره عن 3 اطفال و مامتهم و انا طبعا .
العدد ده ما يصدش معاه الشنطه الصغيره و ناس كتير قالت خلليك في الامبريزا شنطتها اوسع
لكن انا مرتاح نفسيا لل XV و صدقني موضوع الراحه ده بيفرق جدا و لو مش مرتاح مش حاتطيق العربيه كل ما تحط رجلك فيها .
طبعا موضوع الشنطه ببساطه اننا لو في سفر حابقي اركب شبكه علي راكات السقف و انتهي الموضوع لكن ببساطه 70-80% من الوقت انا راكب العربيه لوحدي فيبقي استمتع بحاجه نفسي فيها ولا اقعد افكر في الناس و العيله و انا اللي محاسب علي المشاريب للكل و ابقي آخر واحد يستمتع بعربيته!!!!!
نصيحه اركب اللي ترتاح له لأنك ما بتشتريش عربيه كل يوم فلو مش مرتاح حاتتعب قوي و تبقي عاوز تغيرها بسرعه و طبعا خساره كبيره و ربنا يوفقك للي نفسك فيه .

تحياتي

نفس الموقف حصلي مع توكيل سوبارو لكن المضحك ان ال xv موجودة تسليم فوري في معارض كتبر بدون زيادة ، انا شوفت ال هايلاين اللون البرتقالي الجديد في المصرية ب 219 ، ارخص من الوكيل 1000 جنيه

المشاركة الأصلية كتبت بواسطة mezox

نفس الموقف حصلي مع توكيل سوبارو لكن المضحك ان ال xv موجودة تسليم فوري في معارض كتبر بدون زيادة ، انا شوفت ال هايلاين اللون البرتقالي الجديد في المصرية ب 219 ، ارخص من الوكيل 1000 جنيه

سيدي الفاضل
الهاي لاين موجوده برضه في التوكيل تسليم فوري من اللون البرتقالي اما باقي الألوان فبالحجز
انا شخصيا حجزت ب 25000 جم و طبعا الباقي ساعه التسليم حسب السعر المعلن وقتها و ربنا يستر من الدولار
العربيه المفروض ان سعرها حاليا 220000 .
انا طلبت يركب فيها مثبت سرعه ( 1600 جم ) و روف راكس ( 4300 جم ) علي اساس ان دي الكماليات الأصليه المتوفره في التوكيل
اعتقد اني ممكن ازود الزينون و البارك سنسور مع اول صيانه .
المهم استلم الأول .
هما وعدوني ان التسليم خلال النصف الثاني من مايو و الكميه محدوده ( الله أعلم )

تحياتي

اللون ده جميل جدا و أنا شايفه احلي لون للعربية , بس هي اذواق طبعا , مبروك عليك العربية مقدما , عربية محترمة جدا

موضوع ال roof rails غالية في رأيي , يعني حتدفع 4600 عشانهم و لسه حتدفع مثلا في حدود 1000-1500 عشان تركب شبكه أو شنطه خارجية حيبقي شكلها مش ظريف علي العربية , ده غير إن تركيبها مش سهل , لازم تتركب و تتفك في محل مستلزمات