أولا أشكر كل من دخل الموضوع و أعطاني رأيه ...
الموضوع بسيط أنا عاوز عربية أوتوماتيك
و تقريبا اخراختيارات قدامي هي السيريون و الياريس
فقلت اخد رأيكم خصوصا الناس ملاك السيارة و المجربين
باختصار العربية حلوة علي الطرق السريعة و لا خفيفة ؟؟
أسعار صيانتها معقولة ولا ايه ؟ والتوكيل كويسين ولا حرا*** زي غبور ؟
و اخر سعر للاوتوماتيك 1300 كام ؟؟
و شكرا جزيلا و اسف للاطالة :confused:
لو مش هتحتاج الشنطة سيريون اوتوماتك سبورت باكدج .. كماليات زيادة و مش هتحتاج تزود عليها حاجة و فلوس أقل
العربية حلوة عالطرق السريعة و ثابتة مش خفيفة و ريشة في هوا
أسعار صيانتها و قطع غيارها ممتازة و معقولة جدا يمكن أرخص قطع غيار في الياباني .. بتجيب سرعات عالية بسهولة و استهلاكها في البنزين ممتاز
سعرها في الاوتوماتك سبورت اعتقد 88 الف لل 1300 سي سي
و 92 الف لل 1500 سي سي
لو محتاج الشنطة يبقى بدون كلام ياريس
لو مش محتاجها يبقى سيريون ( اصغر و اسهل فى القيادة و الركن و الكلام دة )
شكرا يا شباب علي الردود
يعني هي تعتبر من غير شنطة خالص ولا شنطتها متوسطة ؟؟؟
حبيب هارتى :sifone:
الياريس افضل طبعااا
وبالتالى اغلى ب10000 او اكتر
الياريس ب103 الف
انتا وامكانياتك بقا
رأى الشخصى ياريس
و ياريت تراجع اللينك دا برضه
http://www.nilemotors.net/Nile/showthread.php?t=28814
89 ألف يا باشا :photo:اقتباس:
المشاركة الأصلية كتبت بواسطة MoToRiZeR
هي غليت تاني يا علا !! يا خبر هههههههههههه
بص هي الشنطة معقولة .. يعني مثلا بتقضي لو رحنا نجيب حاجات الشهر من كارفور و الغطا فيها .. غير كدة ممكن تقفل الكنبة اللي ورا فا يبقي عندك مساحة تخزين أكبر من شنطة السيدان لأن إرتفاع الشنطة بيبقي من ارتفاع العربية و الصالون ككل .. انا نقلت تجهيزات بيت بتاعة واحد صاحبي بيتجوز فيها .. انا و هوا قاعدين قدام و ورا بقي طقم صيني بتاع 150 قطعة (انت عارف علبته كبيرة أوي ) علي شوية علب مراوح علي شنطتين و حاجات تانية مش فاكرها .. كانت حاجات كتير يعني و الحمد لله قامت بالواجب
السيريون 1300 اوتوماتيك glx ب 89000 جنيه
و الياريس الفل اوبشن اوتوماتيك ( المقابلة للسيريون glx ) ب 103000
اذن عندك فرق يساوي 14000 جنيه .. و هو فرق مش قليل ..
و اذا حبيت تكبر الفرق شوية حتلاقي السيريون ال 1300 الاوتوماتيك ( مش ال سبورت ) و دي تنقص اي بي اس و سبويلر خلفي و الكاسيت الاصلي و جنوط سبور و مسند يد .. و دي ب 84000 يعني الفرق بينها و بين الياريس اصبح 19000 !!!
ده بالنسبة للاسعار ...
بالنسبة للعربية نفسها ..
* السيريون . : صالون مريح جدا في الامام و الخلف .. وضعية قيادة جيدة بالنسبة لشكل الصالون تحكم سهل في الازرار .. ما عدا ازرار المرايات خليتني احس انهم مخبينها من اصحاب العربية .. يعيبها ( من وجهة نظر شخصية بحتة ) : شنطة صغيرة جدا .. و منطقة الموتور ( غرفة المحرك ) صغيرة جدا .. و ده بيخوفني جدا من ناحية قرب المحرك من الاكصدام .. ( مش باتكلم عن الامان للركاب .. و لكن باتكلم عن نتائج الاصطدام - لا قدر الله - للسيارة ).
* الياريس :برضه من وجهة نظر شخصية بحتة .. الصالون تقريبا متماثل في الحجم .. وضعية القيادة في الياريس مرتفعة قليلا .. و دي بتدي رؤية واضحة للطريق لكنها قد تكون غير مريحة لطوال القامة .. برضه طوال القامة في الكنبة اللي ورا ممكن يكونوا مش مستريحين شوية من الرأس لان السقف نازل بميل من الخلف .. و ده شئ مش حتلاقيه في السيريون ..شنطة واسعة جدا .. غرفة المحرك برضه مش كبيرة و لكنها افضل حالا من السيريون ..
-*كده قولنا فروق الاسعار و انت عرفت من الزملاء نبذة عن العربيتين ..
*يتبقي امكاناتك المادية .. و درجة قبولك لشكل السيريون او الياريس ..
-------------------------
يتبقي ان تعلم .. ان عندك اختيار تاني في الياريس .. و هو الاوتوماتيك الهاف اوبشن .. و ده اعتقد ب 96000 ( تكييف - باور- راديو كاسيت )
كذلك يوجد اختيار بمحرك اعلي في السيريون و هو المحرك ال 1500 و دي 92500 ..
و ربنا يرزقك الخير
تحياتي
يعني لو حطيت شنطة سفر ممكن تشيلها ؟؟اقتباس:
المشاركة الأصلية كتبت بواسطة MoToRiZeR
بصراحة أنا بدأت أميل للسيريون و ان كنت خايف من بعض المشاكل اللي الناس قالوها في المنتدي عن العربيةاقتباس:
المشاركة الأصلية كتبت بواسطة Hassan Khalil
ألف شكر يافندم علي السعراقتباس:
المشاركة الأصلية كتبت بواسطة OlaOsman
حسن خليل باشا حضرتك قلت المفيد
تشيلها إن شاء الله و لو كبيرة ممكن تطوي الكنبة لو مش راكب معاك ناس أو تشيل الرف و توقفها بالطول .. و الأحسن انك تنزل أي فرع من فروع دايهاتسو و تعاينها بنفسك
بالظبط يا دوكاقتباس:
المشاركة الأصلية كتبت بواسطة ows212
موضوعي من يومك يابو علي :sailor:
ربنا يكرمك ويبارك لك في أكسنتك يارب :biggrin24:
بصراحه الاستاذ حسن خليل مع انه لا يملك اي منن السياراتين
ولكنه افاد بجد
وربنا يباركله
اما بخصوص الختيار فانا شايف ان كل الاراء واضحه امامك
اما بخصوص وجود مشاكل
فانا هقول لحضرتك حاجه بسيطه الا وهيا مش كل حاجه تسمعها بتوصللك على حقيقتها
يعني مشكله الصوت دي
الصوت ليس مؤثر ولا مزعج وانما انت بنفسك ممكن متعرفشي ومتاخدشي بالك منه وليس له مؤثرات على اداء الع ربيه او اي حاجه في العربيه
وانصحك بكثرة الاستخاره لكي ترزق الخير ان شاءالله
بارك الله فيك يا باشااقتباس:
المشاركة الأصلية كتبت بواسطة أبو عبدالله
فعلا دي أهم نصيحة قبل قرار زي دة
شكرا لذوقك يا دكتور.. و اتمني ان المعلومة المتواضعة تكون افادت صاحب السؤالاقتباس:
المشاركة الأصلية كتبت بواسطة ows212
ربنا يبارك لك يا ابو حمزة و رقيةاقتباس:
alijandroo
بالظبط يا دوك
موضوعي من يومك يابو علي :sailor:
ربنا يكرمك ويبارك لك في أكسنتك يارب :biggrin24:
و ربنا يتقبل الدعوة الطيبة :)
جزاكم الله خيرا يا ابو عبدالله ... و انا كنت قريب جدا من امتلاك احدي هاتين السيارتين .. حتي اني جربت الياريس مع احمد شاركي ربنا يباركله .. و كنت حاجيبها نفس اللون بتاعه .. لكن ربنا لم يكتبها لي ..اقتباس:
بصراحه الاستاذ حسن خليل مع انه لا يملك اي منن السياراتين
ولكنه افاد بجد
وربنا يباركله
و شكرا لذوق حضرتك
--------------
كنت عايز اقول لصاحب الموضوع - و مش عارف انا كده حالخبطه و اللا لأ - ياريت تبص بصه علي السيتي .. و هي نفس الفئة اللي حضرتك بتدور عليها ..يمكن .. تعجبك ... يمكن .
و بالتوفيق
شكرا يا باشا علي الفكرةاقتباس:
المشاركة الأصلية كتبت بواسطة Hassan Khalil
أنا بصراحة كنت بفكر أشوفها خصوصا ان سعرها قريب
عاوز تشتري دماغك
هات الياريس
عربيه كبيره اكبر من السيريون علي الاقل
فيه ناس حتقول السريون من جوه واسعه
اوك مافيش مشكله لكن برضه الحجم الخارجي ليه اثر برضه
برستيج اعلي و دي حاجه مافيش حد ينكرها.
علامه تويوتا في المقدمه ودي ليها تمن تاني خالص.
الفرق اللي بينهم في التمن مش من فراغ بصراحه.
دا غير المشاكل اللي بقينا بنسمع عنها في السريون
زي الصوت
حتي لو مش مؤثر علي الاداء بس اهو صوت برضه
ما ابقاش جايب عربيه ب 80 ولا ب 90 الف و اسمع صوت يضايقني بصراحه
يا حاج حازم كلمة مشاكل دي كبيره قوياقتباس:
المشاركة الأصلية كتبت بواسطة hazem_khidr
ولو في فعلا مشاكل ممكن اعرف زي ايه
اولا اعذرني ولكن لن اقبل رأيي احد لم يسمع الصوت علشان انا شايف تهويل له واللي راكبين العربيه نفسهم اغلبهم مش بياخدو بالهم منه
ثانيا طبعا علامة تويوتا في بلدنا لها ثمن وانا لا افاضل بينهم ولكن انا بقول حقائق
العربيتين شبهين لبعض تماما
وسبق وقلنا ان دايهاتسو شركه ملك تويوتا زي لكزس كده ولكن متخصصه في العربيات الكومباكت
والعربيه السيريون محطوط عليها علامه تويوتا زي الياريس في بعض البلدان وفي اليابان نفسها باسم تويوتا بون
زي الكامري بتنزل باسم دايهاتسو في اليابان باسم ألتيس
استكمالا لكلام أبو على ...انا رأيى اذا حطيت السيتى فى القائمة ان حضرتك تروح وتشوف كل عربية فى التوكيل بتاعها وتقعد فى كل عربية أكيد هاتوصل لقرار مناسب وربنا يوفقك ان شاء الله
عاوز أضيف حاجة بسيطة أوي
عرفت ناس اشتروا الياريس وناس اشتروا السيتي وطبعاً ناس اشتروا السيريون ومن ضمنهم ناس ظهر عندها مشكلة التخبيط اياها
والأصناف الثلاثة من البشر محدش منهم ندم على شرائه العربية اللي جابها
يعني ولا بتاع الياريس ندم ولا السيتي ندم ولا حتى السيريون ندم
وان شاء الله لما تركب الثلاث سيارات وتستخير توصل للاختيار الأمثل بالنسبة لك