أجيب سيريون ولا ياريس ؟؟؟ أرجو أن تشاركوني بارائكم

**mr_bambino_dent** · 07-08-2008 04:59 AM

أولا أشكر كل من دخل الموضوع و أعطاني رأيه ...

الموضوع بسيط أنا عاوز عربية أوتوماتيك

و تقريبا اخراختيارات قدامي هي السيريون و الياريس

فقلت اخد رأيكم خصوصا الناس ملاك السيارة و المجربين

باختصار العربية حلوة علي الطرق السريعة و لا خفيفة ؟؟
أسعار صيانتها معقولة ولا ايه ؟ والتوكيل كويسين ولا حرا*** زي غبور ؟
و اخر سعر للاوتوماتيك 1300 كام ؟؟

و شكرا جزيلا و اسف للاطالة

**MoToRiZeR** · 07-08-2008 05:08 AM

لو مش هتحتاج الشنطة سيريون اوتوماتك سبورت باكدج .. كماليات زيادة و مش هتحتاج تزود عليها حاجة و فلوس أقل

العربية حلوة عالطرق السريعة و ثابتة مش خفيفة و ريشة في هوا
أسعار صيانتها و قطع غيارها ممتازة و معقولة جدا يمكن أرخص قطع غيار في الياباني .. بتجيب سرعات عالية بسهولة و استهلاكها في البنزين ممتاز

سعرها في الاوتوماتك سبورت اعتقد 88 الف لل 1300 سي سي
و 92 الف لل 1500 سي سي

**fahd_628** · 07-08-2008 05:15 AM

لو محتاج الشنطة يبقى بدون كلام ياريس

لو مش محتاجها يبقى سيريون ( اصغر و اسهل فى القيادة و الركن و الكلام دة )

**mr_bambino_dent** · 07-08-2008 06:02 AM

شكرا يا شباب علي الردود

**mr_bambino_dent** · 07-08-2008 06:07 AM

يعني هي تعتبر من غير شنطة خالص ولا شنطتها متوسطة ؟؟؟

**sa3dawy** · 07-08-2008 07:00 AM

حبيب هارتى
الياريس افضل طبعااا
وبالتالى اغلى ب10000 او اكتر
الياريس ب103 الف
انتا وامكانياتك بقا

**Sharky** · 07-08-2008 09:53 AM

رأى الشخصى ياريس

و ياريت تراجع اللينك دا برضه
http://www.nilemotors.net/Nile/showthread.php?t=28814

**OlaOsman** · 07-08-2008 05:09 PM

المشاركة الأصلية كتبت بواسطة MoToRiZeR

سعرها في الاوتوماتك سبورت اعتقد 88 الف لل 1300 سي سي

89 ألف يا باشا

**MoToRiZeR** · 07-08-2008 05:15 PM

هي غليت تاني يا علا !! يا خبر هههههههههههه

بص هي الشنطة معقولة .. يعني مثلا بتقضي لو رحنا نجيب حاجات الشهر من كارفور و الغطا فيها .. غير كدة ممكن تقفل الكنبة اللي ورا فا يبقي عندك مساحة تخزين أكبر من شنطة السيدان لأن إرتفاع الشنطة بيبقي من ارتفاع العربية و الصالون ككل .. انا نقلت تجهيزات بيت بتاعة واحد صاحبي بيتجوز فيها .. انا و هوا قاعدين قدام و ورا بقي طقم صيني بتاع 150 قطعة (انت عارف علبته كبيرة أوي ) علي شوية علب مراوح علي شنطتين و حاجات تانية مش فاكرها .. كانت حاجات كتير يعني و الحمد لله قامت بالواجب

**Hassan Khalil** · 07-08-2008 05:35 PM

السيريون 1300 اوتوماتيك glx ب 89000 جنيه
و الياريس الفل اوبشن اوتوماتيك ( المقابلة للسيريون glx ) ب 103000
اذن عندك فرق يساوي 14000 جنيه .. و هو فرق مش قليل ..
و اذا حبيت تكبر الفرق شوية حتلاقي السيريون ال 1300 الاوتوماتيك ( مش ال سبورت ) و دي تنقص اي بي اس و سبويلر خلفي و الكاسيت الاصلي و جنوط سبور و مسند يد .. و دي ب 84000 يعني الفرق بينها و بين الياريس اصبح 19000 !!!
ده بالنسبة للاسعار ...
بالنسبة للعربية نفسها ..
* السيريون . : صالون مريح جدا في الامام و الخلف .. وضعية قيادة جيدة بالنسبة لشكل الصالون تحكم سهل في الازرار .. ما عدا ازرار المرايات خليتني احس انهم مخبينها من اصحاب العربية .. يعيبها ( من وجهة نظر شخصية بحتة ) : شنطة صغيرة جدا .. و منطقة الموتور ( غرفة المحرك ) صغيرة جدا .. و ده بيخوفني جدا من ناحية قرب المحرك من الاكصدام .. ( مش باتكلم عن الامان للركاب .. و لكن باتكلم عن نتائج الاصطدام - لا قدر الله - للسيارة ).
* الياريس :برضه من وجهة نظر شخصية بحتة .. الصالون تقريبا متماثل في الحجم .. وضعية القيادة في الياريس مرتفعة قليلا .. و دي بتدي رؤية واضحة للطريق لكنها قد تكون غير مريحة لطوال القامة .. برضه طوال القامة في الكنبة اللي ورا ممكن يكونوا مش مستريحين شوية من الرأس لان السقف نازل بميل من الخلف .. و ده شئ مش حتلاقيه في السيريون ..شنطة واسعة جدا .. غرفة المحرك برضه مش كبيرة و لكنها افضل حالا من السيريون ..

-*كده قولنا فروق الاسعار و انت عرفت من الزملاء نبذة عن العربيتين ..
*يتبقي امكاناتك المادية .. و درجة قبولك لشكل السيريون او الياريس ..
-------------------------
يتبقي ان تعلم .. ان عندك اختيار تاني في الياريس .. و هو الاوتوماتيك الهاف اوبشن .. و ده اعتقد ب 96000 ( تكييف - باور- راديو كاسيت )
كذلك يوجد اختيار بمحرك اعلي في السيريون و هو المحرك ال 1500 و دي 92500 ..
و ربنا يرزقك الخير
تحياتي

الموضوع: أجيب سيريون ولا ياريس ؟؟؟ أرجو أن تشاركوني بارائكم

LinkBack

أدوات الموضوع

عرض

-

-

-

-

المواضيع المتشابهه

مطلوب استبن أصلي لعربية سيريون، أجيب منين ؟؟

هااااااااام جدا يا جماعه ياريس ولا سيريون؟؟؟؟

بعد تفكير عميق بفكر في الماروتي كمرحلة انتقالية ، أرجو ان تشاركوني الرأي

سيريون / كليو / ياريس / ريو

ياريس ولا سيريون

الكلمات الدلالية لهذا الموضوع

المفضلات

المفضلات

ضوابط المشاركة