نصيحة في شراء كاوتش جديد و مساعدين جداد منين و بكام؟

**egyptiandiver** · 06-04-2013 03:40 AM

باركولي يا قوم أنا أخيراً ربنا أكرمني و جبت طقم كاوتش بريدجستون b250 ب-370 جنيه للفردة الواحدة صناعة تايلاندي - إجمالي الحساب 1480 جنيه و أخد القديم قال فيه 2 ميتين و اتنين نص نص و دفعت الصافي 1400 جنيه مكان الشراء للافاده شركة الايمان أولاد بيومي قرب ميدان الدقي تاريخ الانتاج الاسبوع ال-35 أو 39 مش فاكر من سنة 2012 - إدعولي بالبركة و ربنا يستر طريقي و طريقكم, أخوكم أحمد سامي

**egyptiandiver** · 06-04-2013 03:42 AM

آه نسيت... بالنسبة لطاقم المساعدين إيه النوع المحترم و بكام و منين و ربنا ما يحرمنيش من مشاركتكم.

**YHYAKOTB** · 06-04-2013 03:47 AM

الف مبروك كدة السعر معقول اومال اية 530 الى كنت قايلها دى

**egyptiandiver** · 06-04-2013 05:32 AM

الله يبارك في عمرك، لو حضرتك تراجع كتابتي في الاول تلاقي إن السعر دة من عند محل فيت & فكس في 6 أكتوبر و بصراحة إتصدمت من الرقم و مش عارف تفسير فرق السعر ده جي منين بظبط؟

**Moh_Hassanin** · 07-04-2013 03:02 AM

اولا الف مبرووك عالكاوتش
ثانيا بالنسبه للمساعدين ... انا ارشحلك kyb ياباني عن تجربه و كانو عاملين من 7 شهور تقريبا 370 جنيه الامامي
تحياتي

**egyptiandiver** · 08-04-2013 07:09 PM

شكراً يا جماعة للرد و المباركة، بس أنا يا أستاذ حسانين سمعت كتير إن ال-kyb معظم دلوقتي مضروب.... و سمعت المنرو هو الافضل حالياً؟ ده صحيح طب أجيب الحاجة الاوريجنال منين؟ و بكام؟ مع الشكر أحمد سامي

**egyptiandiver** · 24-04-2013 07:35 PM

فقط للعلم أنا كلمت غبور إلي هو توكيل منرو للمساعدين من حوالي 10 أيام و قال الجوز الامامي ب-450 جنيه و الجوز الخلفي ب-380 لكن الخلفي ناقص شوية يمن فاضل أسبوع أو 10 تيم و كونتينر جديد يوصل.