نصيحة في شراء كاوتش جديد و مساعدين جداد منين و بكام؟

**egyptiandiver** · 26-03-2013 01:02 PM

السلام عليكم أحبتي في نيل موتورز، اتمنى أن تكون جميعاً بخير. أنا عاوز أغير الكاوتش اليومين دول للانوس بتاعتي هو هانكوك كوري إلي راكب دلوقتي و عامل 58,000 كم و عارف اني متأخر في التغيير ... المهم أنا ساكن في 6 أكتوبر رحت فيت اند فكس عندنا هناك و قلي في بريدجستون b250 ب-530 جنيه و فيرستون tz700 ب-360 جنيه تايلاندي و بيقولي هو نفس مصنع bridgetone أو تحت اشرافه.... السؤال هنا في حد عند ال-b250 بسعر أرخص؟ أو في نوع كاوتش مشهور تاني و بسعر كويس؟ أنا عند واحد صاحبي قال ليه قريب هو وكيل أو مستورد لإطارات هانكوك - الهانكوك بصراحة محترم بس ناشف و مزعج شويتين... و أنا عند شواية مشاكل كدة في ضهري و عاوز طراوة كويسة في الكاوتش و كفاية صداع! تنصحوني بأيه يا قوم؟ و لو ممكن كمان أغير المساعدين سمعت إن منرو محترم أجيبه منين و بكام؟ و لو فيه نوع مريح تاني يا ترى اه هو و أجيبه منين و بكام؟ معلش طولت عليكم لكن ربنا يطرح البركة فيكم - أخوكم أحمد سامي

**egyptiandiver** · 29-03-2013 01:30 AM

أشهد أن لا إله إلى الله و أن محمد رسول الله...

**egyptiandiver** · 29-03-2013 01:32 AM

عفواً إلا

**yasserasha** · 30-03-2013 11:11 PM

متابع

**Land_Cruiser** · 30-03-2013 11:33 PM

هو انا مش عارف مقاس الجنط بتاعك كام بس هو لو من ١٤ ال ١٧ ارشحلك البريجستون turanza GR90 . الفرده كأنها فيها كاتم للصوت و مريحه في المطبات و خاماتها محترمه جدا .

**egyptiandiver** · 31-03-2013 12:02 AM

مقاس الجنط يا فندم هو الاوريجينال بتاع المصنع مقاس 13 - و شكراً لإهتمام حضرتك بالرد يا أستاذ land cruiser.

**YHYAKOTB** · 31-03-2013 12:11 AM

انا شاريهم من شهر كان ب 425 مش عارف غليو اوى كدة لية
مقاس 13/70/175 بريدجستون تايلاندى b250

بس طرى ومريح صراحة

فى كمان تويو يابانى او جوديير او ميشلان

**egyptiandiver** · 01-04-2013 03:10 PM

المقاس 13/70/175 - و عوز أبيع الاستبن الجوديير إلي تقريباً زيرو عشان مينشفش و 3 كاوتش مستعمل و أجيب أنضف وحدة مستعمل و أخليها استبن... و يا ترى سعر الكاوتش بتاعي في الحالة دي يتراوح ما بين كام و كام؟ مع الشكر