هل النيسان صنى موديل 2013 أصبحت أفضل من السيريون

**Hosaam** · 26-03-2013 01:33 PM

أصبح هناك فرق كبير فى السعر بين النيسان صنى 2013 وبين السيريون ( النيسان ب107 ألف و السيريون ب 124 ألف ) مع ملاحظة أن الشكل الجديد للنيسان تحفة يعيبها فقط أنها تقفيل مصرى بينما السيريون تقفيل يابانى ، فهل أصبحت المقارنة لصالح النيسان

**Imhotep** · 26-03-2013 03:11 PM

يا باشا دى فئة و دى فئة..... مينفعش تقارنهم ببعض بسبب السعر فقط...... النيسان عربية بمواصفات معينة و شكل و حجم معين و بتلبى احتياجات معينة..... اما السيريون فشكل تانى و مواصفات تانى و برضه بتلبى احتياجات اخرى لمن يشتريها......

**HaNo_ELBeh** · 28-03-2013 11:18 AM

المشاركة الأصلية كتبت بواسطة Hosaam

أصبح هناك فرق كبير فى السعر بين النيسان صنى 2013 وبين السيريون ( النيسان ب107 ألف و السيريون ب 124 ألف ) مع ملاحظة أن الشكل الجديد للنيسان تحفة يعيبها فقط أنها تقفيل مصرى بينما السيريون تقفيل يابانى ، فهل أصبحت المقارنة لصالح النيسان

بص ياباشا علشان الكلام كتير وكل واحد هيتكلم عن عربيته ان مفيش زيها
انا من مالكى العربيتين
والحمد لله انى اختيارى فى الحالتين كان صح
بص مش هينفع انى اقارن بين السيريون والصتى لان فى اختلافات كتير من حيث
1-الفئه السعريه
الصنى ex صالون 107000 ج
الصنى سوبر صالون 117000 ج جميع الكماليات

السيريون اعتقد اول فئه 118000 ج 1300 cc
تانى فئه 124000ج 1300 cc
تالت فئه 128000ج 1500 cc
ولو فى خطا فى الاسعار ياريت الاعضاء يصححولى
زى ماحضرتك شايف ان السوبر صالون و 1500 سى سى بعيد عن سعر السيريون 1300 سى سى وده طبعا علشان الجمارك لان العربيه تقفيل مصرى لكن لو كانت تقفيل خارج مصر اعتقد ان السعر كان يعدى ال 127000 ج

2- حجم العربيه سواء فى طول العربيه او فى حجم العربيه من الداخل
واعتقد ان النيسان عائليه اكتر من السيريون

3- السيريون كلها يابانى وده شئ انا احترمته فى العربية لكن الصنى فى اجزاء من اليابان زى الموتور والفتيس و اجزاء هندى وفى اجزاء مصرى بس يعنى مش وحش بالنسبه لشغل مصرى يعتبر انجاز مع بعض تحفظى ببعض النقط على توكيل نيسان

4- اما العيوب لكل عربيه عيوبها ومميزاتها واعتقد من اهم عيوب الصنى هى خامة تيل الفرامل الهندى السيئه اما بالنسبه للسيريون فى كاوتش علبه الدركسيون والكلام ده من ناس كتير سالتهم عن العيوب اللى شافوها

من الاخر كده صعب المقارنه بين العربيتين وانى اقول المقارنه لصالح مين

تحياتى..

**Hosaam** · 29-03-2013 09:24 AM

تقييم جميل قوى خصوصا أن حضرتك مالك للسيارتين ، شكرا أستاذ / هانى . على أهتمامك بالموضوع وربنا يباركلك فى السيارتين .

**S O P H O S** · 02-04-2013 05:59 PM

مش سعر الي المحدد
شايف الاثنين كويسين علي حسب الاستخدام ايه

**bmya** · 03-04-2013 10:54 PM

انا مبحبش ابدا مقارنه عرربيتين مش من نفس الفئه يعني تيريوس ولا لانسر مثلا دي سيدان ودي 4*4
ولا صني وسيريون دي هاتشباك ودي سيدان يعني حاجه تانيه
المفروض المقارنه تكون بين عربيتين من نفس الفئه + اني اشوف انا محتاج ايه من العربيه
بسبرده هقولك رأي انا شايف ان السيريون بقه سعرها مبالغ فيه اوي وعشان كده هجيب الصني لو مكانك

**Hosaam** · 04-04-2013 08:35 PM

المشاركة الأصلية كتبت بواسطة bmya

انا مبحبش ابدا مقارنه عرربيتين مش من نفس الفئه يعني تيريوس ولا لانسر مثلا دي سيدان ودي 4*4
ولا صني وسيريون دي هاتشباك ودي سيدان يعني حاجه تانيه
المفروض المقارنه تكون بين عربيتين من نفس الفئه + اني اشوف انا محتاج ايه من العربيه
بسبرده هقولك رأي انا شايف ان السيريون بقه سعرها مبالغ فيه اوي وعشان كده هجيب الصني لو مكانك

بعد التحية لكم جميعا , الحقيقة فيه تقرير أكثر من رائع فى منتدى النيسان للأستاذ / the_air_devil بعنوان ( مشوار 20,000 كم مع الصني الجديدة, وكلام كتير يهمك ) ، أرجو منكم الأطلاع عليه و أرى أنه تقرير مهم قبل أتخاذ قرار الشراء لكل من كانت أيا من السيارتين تتفق مع أحتياجاته أو بمعنى آخر ماتفرقش معاه هاتش أو سيدان

**Batman372** · 04-04-2013 08:51 PM

الصنى لو استيراد يابانى سعرها لن يقل لاول فئه عن 150 الف جم ...
لانها كانت فى 2006 اليابانى قبل التجميع ب 122 الف جم .....
تحياتى ...

**Hosaam** · 17-04-2013 12:40 AM

مازال سعر السيريون يواصل الأرتفاع مما قد يعنى أن السيارة لازال عليها طلب برغم شكوى البعض بأن سعرها قد أصبح مبالغا فيه مقارنة بحجمها الصغير ، فمن خلال متابعتى لموقع ( كونتكت كارز ) تبين أن سعر الموديل GLX 1300 ، قفز من 124000 الى 127000 جنيه فى أقل من شهرين ، و لسه مش عارفين حتوصل لحد فين ، ربنا يستر