مشكله في اوبل كورسا 94

**ahmed mohy** · 26-03-2013 11:42 PM

بسم الله الرحمن الرحيم

مشكلتي كالاتي .....

من شهرين اشتريت اوبل كورسا 94 ... 1200 cc وبعد ما اشتريتها بشهر لاحظت وجود نقط زيت علي الارض وديتها للميكانيكي قالي جوان كارتيره الفتيس عاوز يتغير قلت الحمد لله بسيطه غيرته .
بعده كده بكام يوم ببص علي الموتور من تحت لاقيت ترشيح زيت واحد قالي شوف الزيت لو خفيف يبقي زيت موتور لو تقيل وليه ريحه يبقي زيت فتيس شوفته لاقيته زيت موتور
المهم بعد كده بكام يوم في بوجيه قطع زيت والميكانيكي قالي المكنه خفيفه وعاوزه طقم شمبر وقالي الزيت ده لما نحل المكنه هنغير كل الجوانات والاويل سيل بتاع الكرنك وفعلا عملت طقم الشمبر و غيرلي الجوانات والاويل سيل وقلت كده تمام .....
لاكن المشكله بعد ما عملت كل ده وغيرت زيت طبعا ومشيت عليه 1000 كم بس وبقيس الزيت لاقيته ناقص حوالي كيلو وفي زيت برضو بيرشح من نفس المكان مع العلم ان الشكمان مش بيطلع دخان ابيض او سماوي هو بيطلع دخان اسود لما بكبس لها و لما قولت للميكانيكي ع الدخان الاسود ده قالي ده بنزين زياده وان في مشكله في الرشاش ....
ياريت حد يفيدني اعمل ايه في موضوع الزيت ده .... واسف علي الاطاله

**هيثم الدسوقى** · 27-03-2013 10:55 PM

يعنى انت لسه بتلاقى زيت عالارض ؟

عموما انا معايا نفس العربية بس مفيش نقص الزيت بالكم الرهيب دا وكان عندى مشكلة تسريب الزيت كانت من اوسيه الكرنك

**haitham2011** · 28-03-2013 01:36 AM

المشاركة الأصلية كتبت بواسطة هيثم الدسوقى

يعنى انت لسه بتلاقى زيت عالارض ؟

عموما انا معايا نفس العربية بس مفيش نقص الزيت بالكم الرهيب دا وكان عندى مشكلة تسريب الزيت كانت من اوسيه الكرنك

و نوعه و صناعته و سعره في حدود كام

**هيثم الدسوقى** · 28-03-2013 09:48 AM

مش عارف صناعته والله بس هو اللى كان موجود عن كل بتوع الاوبل هو نفسه كاان عامل سبعين جنيه من حوال 9 شهور بالتمام

**haitham2011** · 28-03-2013 11:05 AM

شكرا يا باشا

**ahmed mohy** · 28-03-2013 11:08 AM

المشاركة الأصلية كتبت بواسطة هيثم الدسوقى

يعنى انت لسه بتلاقى زيت عالارض ؟

عموما انا معايا نفس العربية بس مفيش نقص الزيت بالكم الرهيب دا وكان عندى مشكلة تسريب الزيت كانت من اوسيه الكرنك

بص يا باشا هو مفيش زيت علي الارض وانا روحت بيها لميكانيكي تاني امبارح وقالي الزيت اللي تحت ده ترشيح عادي قالي شوفها الصبح بطلع دخنه بيضاء ولا لا وانا شوفتها نهارده لقتها فعلا بتطلع دخان ابيض