الموضوع: لو لم أكن أخذت ديني عن القرآن ... لكنت قد تركت الدين بالتأكيد

المشاركة الأصلية كتبت بواسطة graffittiii

قرأه د.جيفري لانغ بعد فترة لفضوله، وبعد قراءة القرآن أسلم ، ويؤكد د.لانغ أنه يجد راحة روحية كبيرة بصفته مسلم.
.

شكرا للنقل :)

المشاركة الأصلية كتبت بواسطة ashouhdy

علي فكرة الناس دى بيبقي فهمها للدين عالي قوى لانهم اخذوة عن اقتناع وفهم بعد ماكانوا علي دين اخر ولم يولدوا علية بالفطرة

بعد ما عاملت يوم بيوم لـ 5 سنين أجانب أسلموا بقالهم 15 و20 سنة (أمريكان واستراليين وكاريبيين)، أقدر أؤكدلك إن كلامك مبني على مثالية غير موجودة على أرض الواقع. عندهم زي عندنا بالضبط: العادات الاجتماعية بتغلب على تعاليم الدين. إحنا مبهورين بحضارتهم فقط، مش بيهم كناس غيروا دينهم لدينّا ولا بفهمهم للدين
وفي الآخر كل واحد مسلم أو غير مسلم، راجل ولا ست، عربي ولا أجنبي، كل واحد فينا بياخد اللي عايز من الدين ويفسره على هواه حسب تربيته وثقافته وبلده. مفيش حد فيهم -ولا فينا- قديس أو ولي
أنا محموق أنا عارف!... بس بعد ما تاخد الإسفين المتين من كذا أجنبي مسلم هتعرف قصدي إيه هههههههه

المشاركة الأصلية كتبت بواسطة s o p h o s

كلام كويس
لكن لو تفقد الامر هيعرف اكتر ان الظاهر غير المقصود من الكلام

ممكن توضيح أكتر ... مفهمتش قصد حضرتك .

المشاركة الأصلية كتبت بواسطة mohabelnegm

صاحب الموضوع قصده من الموضوع هو أن فيه من المتدينين أو اللى بيقولوا عليهم بعض ألأسلاميين بيكون تأثيرهم عكسى على غير المسلمين و على المسلمين نفسهم و ده بسبب الخطاب الدينى المنفر...و الله حصل معايا موقف فى صلاة العشاء من أسبوع و خلانى أكتب المشاركة ديه.
بعد الصلاه و كنت فى الصف ألأول و كان فيه درس فى المسجد لفت نظرى شخص ملتحى عدى من جنبى و حتى خبط فيا و مابصش ناحيتى بعد ما خبطنى, كان واضح أنه رايح لحاجة معينة باصص ليها و كان تليفون محمول بيتشحن و خده و مشى . أنا ماركزتش معاه أكتر من كد و تابعت الدرس. و بعد كده لقيت واحد شكله بسيط بيدور على تليفونة اللى كان بيتشحن !! و قعد يلف شمال و يمين . طبعا أنا شفت اللى خد التليفون و روحت له و خرجنا بسرعة من المسجد علشان نلحق نمسكه. لاقيناه واقف برة و لما أبتدينا نتكلم معاه فوجئت أنه من المشرفين الجدد على المسجد و خد التليفون لأن التليفون كان مسنود على مصحف,,,,و بدأ بالكلام بطريقة أقل ما يوصف بيها أنها فى خناقة..الواحد دمه بيفور لما حد يحط حاجة على مصحف, مفيش تمييز خالص...ووصله توبيخ للراجل البسيط..أنا رديت عليه أنه كان ممكن يحرك التليفون و يحطة على السجاده و مايخدوش, و يستنى صاحب التليفون بعد الصلاه و يفهمه بالراحه بعيد عن الناس و أن النهى عن المنكر لا يمكن يكون بمنكر و ذكرته بقصه الراجل اللى بال فى المسجد على عهد الرسول عليه الصلاة و السلام.بس تقول لمين ..الراجل الملتحى على غلظته و أسلوبه السيء فى الكلام..الخلاصه و النتيجة اللى حصلت بسسب تصرف الراجل الملتحى أن بسببه أنا سبت الدرس و خرجت و الراجل ده ربنا يعلم شعوره كان ايه و هوا بيدور على تليفونه...و أنتهى الموقف أن الراجل صاحب التليفون ماشى و هوا بيحسبن و بيقول مش هايجى يصلى فى المسجد ده تانى و أن بيوت ربنا كتير و كلام يزعل و الله ...و اللى يزعل أن بسبب واحد يقال عليه متدين و شيخ حصل نفور لشخص مسلم من المسجد.

نورت الموضوع ... شكرا لمرورك الكريم .

المشاركة الأصلية كتبت بواسطة khaled online

شكرا للنقل :)


بعد ما عاملت يوم بيوم لـ 5 سنين أجانب أسلموا بقالهم 15 و20 سنة (أمريكان واستراليين وكاريبيين)، أقدر أؤكدلك إن كلامك مبني على مثالية غير موجودة على أرض الواقع. عندهم زي عندنا بالضبط: العادات الاجتماعية بتغلب على تعاليم الدين. إحنا مبهورين بحضارتهم فقط، مش بيهم كناس غيروا دينهم لدينّا ولا بفهمهم للدين
وفي الآخر كل واحد مسلم أو غير مسلم، راجل ولا ست، عربي ولا أجنبي، كل واحد فينا بياخد اللي عايز من الدين ويفسره على هواه حسب تربيته وثقافته وبلده. مفيش حد فيهم -ولا فينا- قديس أو ولي
أنا محموق أنا عارف!... بس بعد ما تاخد الإسفين المتين من كذا أجنبي مسلم هتعرف قصدي إيه هههههههه

أنا معاك أن المثالية اللي بنتصورها ممكن تكون في خيالنا بس ...
لكن إحنا هنا مش بنتكلم عن أشخاص عاديين بل عن علامات في تاريخ المسلمين الغربيين .
ماننكرش أن جيفري مميز إلي حد ما ... يمكن لانه عالم رياضيات وأستاذ جامعي وكتب عدة كتب منها ( الصراع إلي الأيمان ) وفي الكتاب هيعجبك طريقته في التفكير ليس في الناحية الدينية فقط ..

حتي هو بنفسه قال أنه ليس من المتحمسين لمن أسلمو من الغربيين دون تغيير نوعي ... قصده علي ناس زي اللي حضرتك قابلتهم في الشغل هههههه .
نورت الموضوع وشكرا لمرورك .