لانوس والمطبات

**islamnasser10** · 27-03-2013 07:33 AM

هي اللانوس طبيعي انها واطيه وبتحك ولا انا بس اللي كدة
العربية لما بيبقي فيها واحد قدام واتنين ورا مهما كان وزنهم بتحك في اي مطب وبتحك بغباء ولازم اخد المطب علي 4 او اشوف اوطي حتة في المطب واروحلها امال لو راكب ورا 3 العربية هيحصلها ايه وخايف علي الشاسيه
ايه رأيكوا اركب كاوتشه علي المساعد اللي بتعلي العربية من ورا ولا هيأثر علي ثباتها بشكل جامد

وتاني حاجة المساعدين عندي طريه اوي لما بمشي في شارع مكسر العربية بتبقي عامله زي المرجيحه يمين وشمال لازم امشي برااااااحه جدا ولما ادخل ملف علي 80 مثلا المساعد بيفتح مني مش بيمسك العربية وبحس انها هتعوم
ليها حل ولا لما اغير مساعدين اجيب نوع ناشف شوية او نوع رياضي (مش عارف الماركة اللي عندي ايه)

**shur3000** · 27-03-2013 09:18 AM

الانوس كلها كدة العليات بمقاس مظبوط مبتعومش العربية. ممكن تكشف على السوست الخلفية لانها ممكن تبقى طرية وفى ناس بتركب سوست اوبل.

المساعدين بتهيألى ملهمش دعوة بمرجة العربية شمال ويمين وانت ماشى على الهادى.
لو العربية بتعوم منك وانت على 80 او 100 يبقى المساعدين عايزين يتغيروا

**Mohamedmaree91** · 27-03-2013 09:46 AM

مركب عليتين خلفى ممتازين وبطلت تحك

**Abo Yasso** · 27-03-2013 10:23 AM

المشاركة الأصلية كتبت بواسطة Mohamedmaree91

مركب عليتين خلفى ممتازين وبطلت تحك

**islamnasser10** · 27-03-2013 10:53 AM

طيب العلايتين دول سعرهم كام وايه هو المقاس الصح اللي ميعومش العربية
احسن اخوكم متبهدل مطبات

**MinaLove_1** · 27-03-2013 11:20 AM

المشاركة الأصلية كتبت بواسطة mohamedmaree91

مركب عليتين خلفى ممتازين وبطلت تحك

بص يا إسكندراني يا زميلي
رغم كل الكلام والتخبيط والعفشة والثبااات والكلام اللي يخوف دا كله
العلايات الكوتش حلت المشكلة ( حل مؤقت ) والحمد لله لو حالة المساعدين معقوله مش ضايعين
والعفشجي حيجرب ويقولك تركب علايات او تجيب مساعدين
علايتين كوتش ورا ب 40 جنية وانتا عند العفشجي حيقولك المناسب ليك وتظبطهم عنده وتربط عفشة بالمره
وإن شاء الله خير

**Mohamedmaree91** · 27-03-2013 11:48 AM

العلايات الخلفيه ال2 ب15جنيه وارتفاع كل علايه حوالى 2او3سم وفى اعلى بس هتعوم العربيه والميكانيكة اخد عليهم 30 جنيه مصنعيه واى استفسار انا تحت ارمرك

**zomzom11** · 27-03-2013 12:02 PM

انا مركب علايتين ورا ومش بيعومو ولا حاجه بس كافين العربيه لقدام وبالتالى ساعات بتحك من الامام فى المطبات بس ارحم بكتير من المطب الى بيمسح بطن العربيه
وبفكر اغير المساعدين والسوست واشيل العلايات بس مستنى الامور تتيسر

**islamnasser10** · 28-03-2013 01:03 PM

هروح ان شاء الله في اقرب وقت اركب العلايتين ورا واربط عفشه وابص علي المساعدين بالمرة حالتهم ايه
شكرا لكل اللي ساعدوني

**waelelsayed** · 29-03-2013 03:07 AM

يوجد بلانوس 2 علايه واحده رقيقه تحت السوسته الخلفيه وواحده تخينه فوق انا شلت الرقيقه وجبت علايه زى اللى فوق وركبتهم العربيه مش عاليه اوى بس فى فرق كبير مع المطبات للاحسن طبعا اكتر من كده العربيه هتعوم

الموضوع: لانوس والمطبات

LinkBack

أدوات الموضوع

عرض

لانوس والمطبات - انشر الموضوع فى :

-

-

-

المواضيع المتشابهه

النيسان والمطبات والمرور

العربيه والمطبات الحلو بتاعه بلدنا

العجل الخلفى لللانوس والمطبات الصناعية

ايه هوا غيار الفيتيس الصح فى الملفات والمطبات

البرسونا والمطبات المصرية

الكلمات الدلالية لهذا الموضوع

المفضلات

المفضلات

ضوابط المشاركة