تغيير سعر نيو صنى

**S O P H O S** · 27-03-2013 04:54 PM

ما شاء الله و 25 % وكلام كتير
وفالاخر ........

**toty_305** · 27-03-2013 08:08 PM

- زود شويه و هات ال Rio كده أحسن 100 مره

**د.محمدعبدالعال** · 27-03-2013 08:14 PM

المشاركة الأصلية كتبت بواسطة midnightman_74

النيو صنى عليها طلب غير طبيعى
ممكن على آخر السنة تلاقى نص البلد راكبة صنى

فعلا العربية كترت .. يلا خليها تكتر كمان شوية عشان قطع الغيار ترخص شوية

**khaled.elameer** · 27-03-2013 09:25 PM

أنا كلمت أوتو ايجيبت أبو رواش قالى السعر لسه زى ما هو و قبلها كلمت فرع مدينة نصر محدش بيرد، و أتمنى ألا نجد مفاجآت منهم بعد كده على أى حال

**hugan** · 27-03-2013 09:33 PM

الطبيعي ان الاسعار تزيد
حتي لسه التخفيضات الاخيره بتاعت الجمارك نازله من يومين
الدوله تخفض الجمارك
والتجار يرفعو الاسعار

**jos** · 27-03-2013 10:12 PM

المشاركة الأصلية كتبت بواسطة toty_305

- زود شويه و هات ال rio كده أحسن 100 مره :y_hi_3[1]:

الريو ب 127 الف وانا كان معايا عربيه كورى فكنت عاوز اعدى المرحله دى على راى احمد حلمى فى الناظر

**hossam_elwani** · 27-03-2013 10:40 PM

المشاركة الأصلية كتبت بواسطة jos

انا بكره هلف على السبع واتوايجيبت مدينه نصر اشوف ايه الموضوع انا بعد ما حطيت نص تمنها فى بنك ناصر وحولت مرتب وخلصت كل الاجراءات على ان مندوب اتوايجيبت المهندسين يبعت عرض الاسعار اتصلت بيه قالى لازم استنى ليوم الاحد عشان الاسعار هتتغير... قلت لو التوكيل غلى 2000 نبقى قربنا من اوفر برايس المعارض اجرى على اى معرض واستعبط اللى كانوا بيقولوى اللون اللى انت عايزه يا باشا وفرش اسود ولا بيج كلهم قالوا مش موجوده او موجود لون واحد وبسعر 123 الف وده كلام مبداى لسه !!!

بيشمشمو ولاد الذين وعارفين الى فيها

**essa144** · 27-03-2013 11:13 PM

انا شايف يا شباب انكو مجمعين علي انه في 25 % تخفيض علي الجمارك او حتي اكتر ياريت يا شباب تقرو القرار صح عشان من الواضح انكو مش قرين القرر صح ان التخفيض ده علي العربيات اللي بتشتغل بالكهرباء او الغاز بس مش علي كل العربيات و خدو ديه كمان حتي السنه ديه تم تأجيل تخفيض الجمارك اللي جايه من الاتحاد الاوربي اللي من المفروض انهم بيخفضها كل سنه 10 % و ده اللي اقرته وزاره الماليه بعد ما اخدت موافقه الاتحاد الاوربي و ده عشان ظروف البلد و ياريت يا شباب اي حد عنده جديد او اي تعليق يقوله