كدة طبيعى ولا اية المشكلة

**shur3000** · 27-03-2013 10:00 PM

من اسبوع غيرت سلوك البوجيهات (كانت الشكوى انى الصبح العربية كانت ساعات بتبرجل وتظبط اوحدها وكانت نوعا ما مش مظبوطة)وجبت نوع ب60ج اغلى حاجة فى السوق . وكمان نضفت البوابة والايدل وكلة تمام والعربية بقت فل الفل المهم وسافرت بيها وكانت ماشاء اللة بعد كدة ركنتها حوالى اربع ايام ما دورتهاش فيهم خالص وجيت ادورها بعدهم دارت عادى وصوتها عادى لكن مرة واحدة برجلت طفيت وشغلت فضلت مبرجلة استنيت شوية ودورت تانى بقت احسن؟

السؤال البرجلة طبيعى من ركنة العربية ولا فى حاجة؟.
مع العلم البوجيهات ماكملتش 500ك
لسة مغير ديسك واسطوانة وبلىة ومزود زيت الفتيس
العربية بتدور من اول تكة مفيش مشاكل . لمبة تشيك مش منورة والسحب زى الفل
وسؤال لو انا حرقت على الاول اقصى سرعة ممكن العربية تجيبها كام. اصل النهاردة حرقت علية شوية بعد الموضوع دة جاب ال30 وكان الصوت رخم وانا بخاف من الافلام دى

**mshmshm3** · 27-03-2013 11:17 PM

متابع لان تقريبا ساعات عندي العربية الصبح بتبرجل

**RIDER 2050** · 28-03-2013 12:28 AM

انا بردو لما بسيب العربيه يومين تلاته بلاقى الار بى ام طالع نازل كده لازم اسند بنزين عشان تظبط

**shur3000** · 28-03-2013 01:34 AM

انا اول ما ادور الار بى ام بيعلى مثلا لحد 2 وواحدة واحدة ينزل لحد تت الواحد يعنى 800 مثلا. انا شاكك من البوجيهات بس ازاى وهى جديدة وانا كمان مغير جوان غطا تاكيهات لان كان عندى تعريق كدة منه

**RIDER 2050** · 28-03-2013 01:51 AM

المشاركة الأصلية كتبت بواسطة shur3000

انا اول ما ادور الار بى ام بيعلى مثلا لحد 2 وواحدة واحدة ينزل لحد تت الواحد يعنى 800 مثلا. انا شاكك من البوجيهات بس ازاى وهى جديدة وانا كمان مغير جوان غطا تاكيهات لان كان عندى تعريق كدة منه

مهو ده الطبيعى ان اول ما تدور يكون الار بى ام عالى عشان العربيه تسخن
بعد كده بينزل تدريجيا لحد 900

**shur3000** · 28-03-2013 09:38 AM

طيب والبرجلة رغم انى ساعات كنت باسيبها بالخمس تيام كانت تبقى زى الفل

**Abo Yasso** · 28-03-2013 11:10 AM

انا كان عندى نفس المشكله لما كنت بسيب العربيه كام يوم مركونه تدور برجله كده وبعدين شويه وتظبط
غيرت سلوك البوجيهات والبوجيهات والحمدلله كله تمام
بص ممكن تشوف لو فى زيت موجود على اى بوجيه كده
او شوف الخلوص بتاعه البوجيهات
واستنى باقى الاراء

**shur3000** · 28-03-2013 11:20 AM

المشاركة الأصلية كتبت بواسطة wael_kamel

انا كان عندى نفس المشكله لما كنت بسيب العربيه كام يوم مركونه تدور برجله كده وبعدين شويه وتظبط
غيرت سلوك البوجيهات والبوجيهات والحمدلله كله تمام
بص ممكن تشوف لو فى زيت موجود على اى بوجيه كده

[gdwl]طب البوجيهات جديدة وبعدين لو البوجيهات عليها زيت يبقى العربية تفضل مبرجلة
[/gdwl]
او شوف الخلوص بتاعه البوجيهات
واستنى باقى الاراء

[gdwl]عامة انا ملاحظ انى لو دورتها كل يوم بتبقى مظبوطة وبشغل التكيف والحمد لله لكن لو اتركنت تعمل كدة ربنا يستر[/gdwl]

**AlGazar2** · 29-03-2013 12:24 AM

ممكن الرشاشات بتسيل و ده الى بيعمل البرجلة

و لو البوجيهات عليها زيت من الداخل يبقى الموتور خفيف او فيه كاوتش صبابات و ده هتلاحظه فى دخان ابيض مع الدواره الصبح

**shur3000** · 29-03-2013 02:40 PM

الحمد لله العربية سحبها كويس ومفيش دخنة بيضا الصبح.
بس يعنى اية المتور خفيف رفم ان الميكانيكى معايا علطول ومقليش ان الموتور فية حاجة والعربية بتعرق مية من الشكمان