الموضوع: ㋡ الاسئلة المتوقعة ♥ لما تروح تقعد مع بنت هتتجوزها اول مرة !

المشاركة الأصلية كتبت بواسطة menna hassan

عجبنى اووووووى حكاية لو قالتلك انها بتسمع حبة رومانسى على حبة شعبى يعنى كولكشن غريب كده
تبقى البت دى فيها ربع ضارب وسيبك منها ههههههههههههههههههههههه..
دى كده كل البنات هتعنــــــــس................اه وربنا

هههههههههههههه
لا مش قصدي كده واللهي ... بتفرق يا عزيزتي. البنت الي بتسمع كوليكشن. هيبقى جوابها مختلف !
قوليلي ازااااي ... هقولك لمن البنت تسئليها انتي بتحبي تسمعي ايه من المغنين السؤال ده. برغم انو من الاسئلة الفاتحة للشهية للكلام لكن مهم جداااااً فمن خلاله تقدري تحددي شخصية الي قدامك ... البنت بقه الي بتحب. الكوليكشن وفاتحه على نجوم اف ام باستمرار. هتقولك ( مش قوي مرات بسمع قديم مرات بسمع جديد بحب حماقي بحب انور وجدي. بحب اورتيجا احياناً بسمعلهم. هههههههه تقلش بتسمع للست ) كده يعني اما في حالة المهبولة التانية بينت هبلها من خلال ايجابتها ... ؤومال انا قاعد بذكرلكم ليييه وعاملكم. الاسئلة المتوقع اهو وقريب هعملكم ملازم :)

وعلى فكرة يا بنتي الموضوع مش قاصر على البنات بس لأ ده حتى البنات تقدر تعكس وتقيس شخصية العريس الي قدامها ... لان الموضوع مش موضوع عريس عندو شقه وعربية. او عريس مشاء الله شغال في بنك بكلويز ولا في شركة ام نبيل او شركة اتصالات سلامتها امو حسن ... احياناً بيبقى العريس جميل وشيك وابن ناس بس فاااضي من جوا عارفه ازاي فاضي من جوه. يعني هنا دماغوا دي ابيض يا ورد حليب ياقشطة .

وبرغم انوا بيبقى انسان رومانسي وحساس بس لا يصلح لفتح بيت بتاتاً او تحمل مسؤولية !
انبوووووبة بوتجاز مبيعرفش يغيرها كيس زبالة مايعرفش يشيلوا يرميه معلقه معلقه ميعرفش يشطفها هدوموا مايعرفش يعلقها ... تيجي تخشي ؤوضة الواد ده تكتشفي. انها مش ؤوضة لا دي زررررريبة فيها سرير ودولاب وكوميدينو ... فالمفروض البنت تنتبه وتعرف تفرق بين الحجات العادية لاي شب وبين الشب السكالانسي ... الشب السكلانسي ممكن توصل لدرجة انوا مابيعرفش حتى يستحمى وتيجي تقعدي جمبوا يقلب بطنك ... لبسوا هو هوا الي بينام بيه بيصبح بيه ... وتيجي تكلميه يقلك لااااااا. دي ماركة. ... ماركة ايه بس يا ابني يا حبيبي :)

فمهم جداً لمن البنت تعرف دماغ الي هيجوزها ده شكلوا ايه ... هل هو انسان دماغوا فاضية ولا مليانة ... وهل دماغوا دي قابلة للملء والتعبئة ( مرن يعني ) ولا عنيد والبلف عندو مفوت مهما فهمتيه دماغوا فاضية

واسئل نفسي سؤال هل هذا الشخص ممكن يكون في يوم من الايام ابو عيالي ؟
والعريس كمان يسئل نفسوا هل هذا الانسانة ممكن تكون. أم عيالي ؟

@@@@@@@@@
وتحياتي
وبالتوفيق وفي انتظار استفسارتكم وتيلفوناتكم

المشاركة الأصلية كتبت بواسطة Menna Hassan

طب بس بصراحة بقى انا حاسة ان فيه عنصرية فى الموضوع...
يعنى حضرتك عامل موضوع كامل عن ..(ازاى تعرف عروستك...مع انك متعرفهاش!!!)
طب ممكن بقى حضرتك تعمل موضوع عن ..(ازاى تعرفى عريسك ...مع انك متعرفهوش!!)
وتعيش وتفيدنا ياريس..

عزيزتي مينا ... انا واحد مؤمن بالتخصصات
زي الدكاترة كده ، يعني هل ينفع تروحي لدكتور انف واذن وحنجرة .... وتقوليلوا يادكتور والنبي بصلي على السوسة في سنتي الي فوق ! اكيد لأ :) ... لذلك انتي لو تسئليني اومال حضرتك تخصص ايه !! هقولك انا تخصص ليوز ههههههه ... لا لا لا بجد بجد انا كرجل مفكرتش اقعد كده وامخ مخ واقعد ادرس الشباب دراسة متئينه ومستفيضة ، ليييه لأني مش فاضيلهم اساساً ( هو انا فاضي ) وهقعد ادرسهم ليه ماهم متلاقاحيين اهم عندنا ليل نهار على القاهوي وفي الشوارع :)

لذلك حبيت اتخصص في تخصصات نادرة وجميلة ومطلوبة ولطيفة + كمان تخصصت في تويوتا .

كمان دراست المرأة او البنات اسهل مليون مره. من دراسة الشباب .... بس كل الي اقدر اقولوا لاي بنت الشباب. الي تحسيها بتضرب حاجة او تبلبع حاجة بتتعرف بسرعة وعلى طول. بتلاقيه كده مندددهش على طول

في اباء بيحبوا العيال المندهشة دي على طول .... ويقلك لا اصلوا هادي وابن حلال .... وهيستحمل طبع بنتي الشرس وعصبيتها :) ، احب اقولكم لأ وألف لأ ده شب مش مندهش ده شب دماغوا ملحوسة. يعني ممكن يقوم من النوم. متعفرت في يوم من الايام وتروح الدهشة بتاعت مامتوا دي ويقل لمراتوا اعمليلي شاي تقولوا لمن اخلص الي في ايدي يقولها وكمان بتردي عليا ويقوم ديييب ديييب ديييب .... فتطر بعد كده البت يا عيني تلفيلوا السيجارة بايديها علشان يرجع جوزها يندهش ويحل عن سماها :)

اهم شيء اننا نبعد خالص عن العيال الشمامة دي خالص والي بتتعاطى اي حاجة تشوفها في طريقها ... مهم جداً اختبارات العصبية للعريس واني اعمل كام موقف كده ينرفزوه واختبر ردت فعلوا . بس دي بتبقى في فترة الخطوبة. مش في اول مقابلة علشان ميجيش بعد المقابلة ويقلك انشاء الله خير. وهبقى ارد عليكم ويروح وميرجعش ويقول يا فكيك .

مهم جداً اعرف درجة الغيرة بتاعتوا. ، درجة الرجولة عندوا ، درجة تحملوا وصبروا. وعصبيتوا ، ازاي افقوا متسع ولا ضيق ،. هل هوا رياضي متعصب ام لأ ، هل هو. مذهبي متعصب ولا لأ ،. هل هو مدخن وهيقعد يقرفني كل يوم بريحة بوقوا الي عاملة زي صفيحة السجيار ولا لأ ، هل هو مدمن بلاي استيشن وكل ما هقولوا يالله بينا يا حبيبي نطلع مشوار يقلك لا استني يا حبيبتي لمن اخلص الجيم ده او الدور ده :)

بس كل الحجات دي بتتعرف من الخطوبة .... مش من اول مرة .... وطبعاً اهم حاجة من كل الكلام ده كلو هو انوا ميكنش عصبي وحنين ... طبعاً انا مش هقدر اقولك انوا هيبقى حنين زي مهند جوز نور ... ومش هتبان زي ما قلتلك اي حاجة من الحجات دي غير في فترة الخطوبة بعكس البت الي من نظرة وحده كده تعرفي اذا كانت ذكية او لئيمة او طيبة وغلبانه ولا البت غبية و فووولة خالص ( فاهماني )

@@@@@@@@@@

بس برضوا علشان محدش يقول عمو محمد كسر بخاطري ومدنيش جواب شافي ووافي. هديكم كده كام سؤال تمشوا نفسكم بيه :)


س١/ ايه موصفات. فتات احلامك ؟

طبعاً هنا الاجابة لو الواد خد نفسوا كده وقال ( اااااااااااااااه ) واتنهد تنهدية وقعد يفكر .... يبقى كده بيقول شكراً مش انتي خالص فتات احلامي وشكلوا بيتفرج على الفضائية اللبنانية. كتيررر وكان بينقي من الموذيعات الي بيطلعو ... لكن لو بدى كلماتوا بكلمة ( عاااادي ) موصفات فتات احلامي كزا كزا. واتكلم في العوام يعني تكون بنت حلال وطيبة. ايلخ ايلخ ... تبقى ممكن او في امل. انك عاجباه. بنسبة معينة :)

س٢/ انتا بتحب المحجبات ولا المنقبات ولا العادي بصفة عامة ؟

هنا السؤال ده بتعرفي توجهات العريس. هل. هو من النوع المتشدد وعاوز خمار ونقاب وجونتيات في الايد هل. هو متوسط ومعتدل دينياً وبيحب الحجاب. ولو بيحب الحجاب بيحبوا اسلامي ولا عصري :) حركات وكده ... ولا مش عاوز حجاب خالص. ... طبعاً دي حريه شخصيه كل واحد حر في مراتوا احنا ملناش دعوة احنا هنا. بنتكلم عن معرفة فكر العريس وتوجهاتوا :)

س٣/. هل بتبقى عاوز زوجتك تشتغل بعد الجواز ولا مش عاوزها تشتغل ؟

ده سؤال مهم جداً لان فعلاً بعد الجواز بتحصل مشاكل كتير هو عاوزها تشتغل وتساعدوا وهيا عاوزه تانتخ في البيت ... او العكس هيا مخنوقه وعاوزه تشتغل وتطلع وهو عاوزها تقعد في البيت تشوف العيال بس في كلى الحلتين. دي برضو حريه شخصية وتشوفي هيناسبك ولا لأ.

س٤/ برضو سؤال مهم سؤال الهويات ؟

لاحظي هنا اذا مقلكيش من ضمن هوايتي العربيات يبقى لا ليه في العربيات ولا عندوا عربية وهيشحططك معاه في التكاسي والميكروبصات لكن لو قلك من هوياتي العربيات فوراً انتقلي لسؤال نمرة خمسة

س٥/. ايه ده بتعرف تسوق ... عندك عربية .... نوعها ايه .... موديلها كام ؟

بالترتيب كده بتعرف تسوق لازززززم تبتدي بيها. عارف ليه .... لانك لو ابتديتي بيها كرامتوا هتنقح عليه اذا كان سويق الواد وهيقولك ااااه بعرف اسوق وعندي عربية باسمي كمان ونوعها كزا كزا كزا ( يعني قشطة الواد مش هيبهدلني في الموصلات ) بس لو قلك ااااه بعرف اسوووق وبابا بيديني العربية هههههههه. يعني ( فااااكس العربية الي سايقها دي بتاعت باباه) وبيديلوا لفه بيها :)

س٦/ بتحب تسمع مين من المطربين ؟

هنا مهم جداً السؤال ده انك بتعرفي ذوووق الواد العام ودماغوا متركبه ازاي. .... يعني الواد رومانسي. وبيسمع اغاني لزيزة عصرية. ولا كلاسيكي وبيحب ام كلثوم وعبدالحليم وعبدالوهاب ... ولا دماغو رايحه شعبي. والشبشب ضاع وكان بصباع والكلام ده ....

مستواه حاولي تستشفي مستوى الواد من خلال الاسئلة مستواه الفكري. مستواه الاجتماعي هو ده المستوى الي هيعيشك فيه .!! وحاولي ايضاً جميع الاسئلة انتي بتكلمي عن زوجتوا مش عليكي ... واديلوا اسئلة فرضيات ... بحيث اعرف دماغوا رايحه فين ومتركبة ازااي :) مهم جداً في فترة الخطوبة بقة. تشوفي خطيبك دايماً بيتكلم عن ميين. يعني. بيقول ماما ... ماما ، ولا ابويا وابويا ... ولا بيقول اخواتي واخواتي واخواتي ... ولا كل شوية يتكلم عن اصحابوا اصحابوا ... ركزي كويس واعرفي هو بيتكلم كتير عن مين وبيحب مييين. علشان دول هيبقوا هدفك الاساسي في المستقبل الي لازم تفرقيه او تطفشيه او تبعديه عنهم وعلى رأي المثل فرق تاسووود ههههههههه

@@@@@@@@@

وتحياتي

الله
التوقعات المرئيه
أمووووووووووت أنا يا عموووووو