بسم الله الرحمن الرحيم
نبداء الحكاية واحدة واحدة مش انتوا فاضين .....
اتصلت بواحد صاحبى عارف الطريق واتقابلنا وطلعنا وارى بعض هو بيطير وانا مش عارف اعدى الـ80 لان العربية بتترعش منى المهم نزلنا من المحور انا قريت يافطة اوتو ايجيبت اول ما نزلت البية بقى طار وخلانى امشى وراة صاحبى والا اليافتة ...اليافتة طابعا انا الى غيى المهم جتلى مكالمة من اوتو ايجيبت بيسئلونى انت جى والا مش جى والا لغيت والا اية ظروفك معادك 10 ودلوقتى 11 قلتلهم انا فى السكة انتوا فين وصفولى وصلت الحمد لله ...الراجل الى على البوابة العداد كام كيلو ..اتفضل ركنت وخدت رقم قعدت من 11.11 الى 12.35 جة دورى مهندسة صغننة كدة ..اهلا وسهلا يافندم صيانة الالف ..ايوة ..هنعمل كذا وكذا وكذا قلتلها تمام عندى ملاحظات قالتلى قولها ..قلتلها معاكى ورقة وقلم عشان هنطول باصيطلى بصة كدة قلتلها ممممم أتمة بقى ..قالتلى نعم قلتلها معايا ليستة ..اتفضل ....قلت الى عندى قالتلى كدة انت هتمشى 5.30 قلتلها اوك وعايز اغسلها قالتلى مش هنلحق قلتلها ماشى ..استلمت العربية وكتبت ملحوظة عدم فتح الشنطة لانى لميت العربية فيها واديتهم المفتاح الاحمر وقفلت الشنطة عشان لا تتفتح من جوة كمان ...كدة تمام اتفضل استريح وكبون مشروبين وباتية دخلت جبت نسكافية وابتديت اقرا الورقة الى كاتبتهالى يعنى الى هيتم فى العربية لقيت 60% من الى قلتة اتكتب قلت ابتدينا والا اية شغل البنات دة بقى انا كنت عايز مهندس ..يالا مش مهم هى كتبت حاجات مهمة بردو عندى ..العربية فضلت ساعة كمان واقفة برة الساعة 1.40 تقريبا العربية دخلت وانا بلعب بلاى ستيشن فوق سمعت ناس بتجرب الكلاكس الى كنت كاتب علية كومنت وطبعا لازم اذكر هنا حاجة مهمة جداااااااااااااا انى كسبت الى بلاعبة 1:0 ليا ودة رفع من روحى المعنوية فى الوقت الى عرفت انهم مش هيعملوا حاجة فى الكلاكس لانة بيعلق لما بتطول على الضغطة مش وانت بتعمل بحبك بحبك يا روح مامتك المهم الساعة 2 العربية اختفت من ادامى لحد صلاه العصر و صليت وطلعت اشرب سيجارة برة ( نصيحة للى بيشرب سجاير ..علبة واحدة مووووو كفاااااااية ) لقيت عروستى برة كانت الساعة 3 كدة ..اوعى بقى ياعم هروح بدرى دخلت اشوف على المونيتور هى بتعمل اية دلوقتى لقيتها فى انتظار الغسيل قلت والله المهندسة بنت حلال استنيت لحد 4.30 وعربيتى مكانها ابة بفى ؟ دخلت للمهندسة والنبى يا اوختى عربيتى برة بقالها ساعة اديها اوردر تتنظف ..لا دة انا هسلمهالك المغسلة مشغولة جت على اهلى انا يعنى واتشغلت ماشى خلينا نغور فى داهية بقى انا تعبت ...المهندسة قالت قبل ما انسى كوبون الخصم يا استاذ لؤى ورقة الخروج الضمان بص الى تم الكلاكس سليم جربناة مظهرش حاجة الزرار الى جنبك بتاع الزجاج مافيهوش حاجة بس نظفناة وخلاص عملوا الرعشة الى بعد سرعة 70 مافيش وانة فى الدركسيون يعنى سليم مافيش تقطيع لما التكيف بيشتغل غيرنا الزيت والفلتر ..انا لما سمعت ان كل عيوب العربية محدش اكتشفها حسيت انى كا لؤى اتبسط ...قلتلها ماشى شكرااا شرفتنا يافندم والف ميروك على العربية بس ادفع 15 جنية ..طلع ثمن وردة معرفش بقى دى وردة بلدى والا الوردة باشا بس دفعت لانى عايز اروح ومش هو دة الى كان نفسى فية اوى ..طلعت اركب العربية بقى لقيتها زى الزفت برة وجوة ..مش دى عربيتى الى كل يوم بسب وبشتم للجراج عشان بيمسحوها من غير ما هما يستحموا ..طبعا انا عاجبنى المكان بس حسيت بطلسئة شوية يمكن عشان العرض وفى ضغط جامد انا روحت لقيت زحمة ...بس بلاش منة العرض لو العربيات بتتبهدل كدة ..طيب ما علينا ..مش عايزين ننسى اننا فى مصر مش فى اليابان ...ببص على مكان السويتش بتاع زجاج الكهربا ليقيت المخدع دة مش بايت تمام مكانة ..قلت لا بقى دخلت للمهندسة وقلتلها فى كذة كذة قامت معايا تشوف وهى بتكلم الراجل الى هياخدها فتحت الكابوت لقيت الزيت على البوية فى الكبوت تحت الكابوت طبعا قلت الكومنت على طول علية ..المهم العربية اتاخدت وانا بولع سيجارة لقيتها رجعت والواد بيكلمها ويبصولى ..قلت هما شافو اية فى العربية خوفت يكونو مسكوها مع توك توك جوة والا حاجة وجابوهالى اربيها المهم جتلى يافندم العربية كدة ومحدش فك اصلا الباب قلتلها امال نظفوا السويتش ازاى قالتلى منضفوهوش طيب تعالى نبص فى عربية تانية قلتلها دى عربيتى وانا عارفها طيب دة عيب تجميع قلتلها عيب تجميع عيب خلقى ماليش دعوة قالتلى هتتاخر معانا لحد 6 مثلا قلتلها انا معاكى ل 9 ..بس لما العربية رجعت مسحو الزيت الصراحة ..الراجل الى فى الورشة رافض يعملها الساعة 5 ...اول ما بصولى هو والمهندسة روحت مولع سيجارة وخدت وضع الهجوم المهم اتحايلت عليهم او معرفش اية الى اتقال لكن كنت شايف كلام وددى كدة... العربية بعد ما ذنبونى انا وهى لحد 5.20 من غير اى اندهاشة والا حركة لدرجة انى قعدت على الشنطة اتاخدت بامر المهندسة لما لقيتنى عامل كدة ..قعدتلهم برة بقى وشغال سجاير ...واهو لقيت الى يسلينى قطة حلوة كدة بتكلم ابنها حلو مشاء الله علية سيف حلو كدة وصغير بتقولة اى يااا يااا مسمعتهاش من ايام فيلم نعيمة عاكف ... وخدت رقمها على فكرة جتلى وانا قاعد برة لوحدها وقالتلى سورى انا موبايلى مش لاقياة ممكن ترن علية حمدت ربنا انى لسة شاحن الصبح المهم لقيتة فى العربية وانا بقى معايا رقما اقولهولكم 01xxxxx سهل جدااا ....واخيرا عروستى جت نسبة الحل 90% رضيت بيها بس استغربت بردو انهم فتحو الشنطة وتقريبا رصصوا الاستبن طيب اتفتحت منين الشنطة دى ما علينا المهم خدتها ومشيت ... ( محدش يشتم من التطويل انا من الاول كاتب تفصيل ممل )