الموضوع: صباح الخيرات على أفضل وأرقي منتدي (سؤال قد يكون مكرر ولكن عذراً ) أرجو الافادة

بص حضرتك انا معايا صنىex1600 بصراحة انا بسافر بيها كتير وشفت انى ثبتها فوق الممتاز لان العربية تقيلة اوى ومع احترامى للناس الى بتقول انها مصرى وطبعا الكلام ده مش صحيح بس الصحيح انها تقفيل مصرى وده ميقلقش لان مش معنى كده انها تقفيل اى كلام (وعلى فكرة التقفيل المصرى ده لسبب علشان يقدر يرخص تمنها يعنى شوف لو هى يبانية 100%هتساوى كام) والناس الى بتقول التكييف بياثر على السحب ده طبيعى جدا لانه بياخد 1300ccمن عزم العربية وبالنسبة للعفشه فى الexهى ناشفة شويه بس الsuper salon انا قريت انها نازله بعفشة رياضيه وبالنسبه لعصب العربية انا عملت بيها حدثتين الاولى فى فيرنا من الجنب وجبتله رفرف ومقص والجنت منفعش وانا الفبر بتاع الاكصدام والكبوت اتنى البوهيه طرقعت حته صغيرة دة بالنسبه للnissan بس باقى العربيات انا مقدرش افتى فيها وعلى العموم ادخل قسم اليبانى وشوف الاراء وربنا يديك خيرها ويبعد عنك شرها

مواصفاتك بتقول انك عاوز ياريس
بتمشي جوه البلد كتير يبقي عاوز عربيه حجمها معقول
و رب اسره يعني عاوز عربيه عائليه.و موفره في البنزين
و الياريس اكتر عربيه موفره.
.........
بص من الاخر هات الياريس و ريح دماغك
دا صوت طالع مش عارف منين
دي فبره واقعه و بتتلخلخ.
دا فرش صالون لونه غير و الكارسي هبطط
دا بويه بايظه و هيا لسه جديده
دا تكييف بياثر لما بيشتعل(مع العلم تكييف الياريس من الصعب انك تاخد بالك انه اشتغل اصلا).
و كذا حاجه بقي
بص كده في قسم تويوتا و شوف فيه كام مشكله في الياريس.
و قارن بباقي الاقسام

-لو بتدور على عربيه يابانى فيها وسائل امان زى الاير باج والabs يبقى لانسر 1.6 -ياريس 1.3 -صنى 1.6
وطلما انت بتسافر كتير يبقى محتاج عربيه 1600 علشان المتور يستحمل لود السفر الكتير وكمان وسائل الامان مهمه اوى -يابانى علشان تستحمل ال8 او 9 سنين دول كمان انت عايزها اوتوماتيك فالافضل انت تروح على اليابانى .
بينى بينك انا شايف احتياجاتك تنحصر فى العربيات الثلاث دول
الانسر عربيه 1600 فتيس cvt لو انت ركيب اوتوماتيك الفتيس ده هعجبك اداءه اوى +عربيه سعرها فى اعاده البيع كويس جدا +لا يوجد بها مشاكل فى التقفيل الا نادرا جدا جدا +قطع غيار متوفره
الياريس عربيه تمشى كل حاجه شبابى- بناتى -عائليه -عواجيزى ده من وجه نظرى انه يعزز اعاده بيعها فى المستقبل
لانى نادرا لما الاقى واحده سايقه لانسر او صنى بس بشوف كتير بنات وستات سايقين ياريس بتالى العربيه هتكون مطلوبه اكثر من الستات +العربيه تمشى شبابى وعائله وممكن عواجيزى بس نادرا
اعاده البيع الحاليه العربيه لسه سوقتها ضعيف فى المستعمل علشان الزيرو موجود لسه +المعروض مكانش كتير فى الفتره الى فاتت تقدر تحدد بيها العربيه بياعه ولا لأ +مشاكل تقفيل نادره جدا
الياريس الافضل فى استهلاك البنزين علشان 1300 بس انت لو سفرك كتير فالافضل انك تحش على 1600 مش معنى كده ان ال1300 وحش فى السفر بس احنا بندور على الاحسن
-الصنى شوفتها مره واحده فى معرض فى شارع النزهه لو انت واحد مش دقيق اوى مش هتحس انها تقفيل محلى
راى انها اكتر عربيه فى السوق قيمتها = سعرها
فى بعض الناس هنا فى المنتدى بشتكوا من التقفيل المحلى بتعها +اعاده بيعها اضعف من الانسر

فى النهايه
لو الميزانيه تسمح بالانسر 1600 يبقى توكل على الله
لو قصرت يبقى توكل على الله فى صنى او ياريس