اي منتج فى مصر مهما كان ردئ بينتشر الانتشار فى مصر عمره ما كان مقياس على جودة منتج والله انا مستحرم ابيعها احسن اللي يشتريها يدعي عليا زي ما انا بادعي على التوكيل بتاعها
عرض للطباعة
كويس ان استاذ جبريل حط اللينك بتاع تقييمي للوجان الروماني الاوتوماتيك
واللي كان الاتي
التجربة تمت فى الامارات لعربية ايجار سانديرو روماني عاملة 21000 كيلو طبعا لازم نعمل حساب ان العربية ايجار فالتعامل معاها من السائق اكيد مش كويس اوي خلال ال 21000 كيلو ودي ملاحظاتي على العربية:
الفتيس او الجير اوتوماتيك ومعاه ميزة الاستيب ترونيك
عصاية الفتيس شكلها عاااااااااااااااااااااااا ر حاجة كدة عاملة زي المغرفة
صوت الموتور عالي
التكيف مش بياثر اوي على السحب زي المغربي اللي بالموتور القديم
الفتيس اداؤه زي الزفت لازم تبوس ايده عشان يعمل كيك داون لاني عملت محاولات كتير عشان اكبس بنزين على مختلف السرعات والفتيس غبي جدا مش راضي يسقط الا بالصدفة مرة واحدة بس.
طبعا احساس بالنقلات موجود بالمقارنة بالعربيات الكوري والياباني.
سحب العربية على الغيار الاول ضعيف جدا
سحب العربية عموما مقبول
العربية مش ناعمة اطلاقا باور تقيل
نفس شكل المغربي من الداخل
الكلاكس صوته عار
السنتر لوك بيعلق
التيل بيصفر والا حكم ماتش الاهلي والزمالك
العفشة كويسة
عموما انا شايف العربية دي لو نزلت بسعر حوالى 80 الف يبقى تمام اكتر من كدة يبقى شكرا..
دة التقييم زود عليه بقى عيوب التقفيل اللي فى المغربي وفرق الخامات ونتشة الفتيس اللي ماحستهاش فى الروماني لقصر المدة اللي جربتها فيها!!!
وبعد التقييم دة التوكيل نزلها ب 79000 جنيه تقريبا وزي ما قولت اشتريتها لان مفيش عربية اوتوماتيك فى الفئة دي ووسع الصالون دة وبالسعر دة اما دلوقتي فالميزة النسبية اللي فيها راحت وبقى فيه بدايل افضل
انا معايا اوكتافيا a5 و رغم كده مقتنع ان اللوجان صفقة رابحة بكل المقاييس للدرجة اللي وصلتني اشتري المانيوال و الاوتوماتيك منها
ممكن اتفق معاك في بعض العيوب اللي انت ذكرتها بس في الاخر انت بتبص انت دفعت كام و بتاخد ايه قدام اللي دفعته و على اساسه بتحدد اذا كانت الصفقة رابحة ولا لأ....و معايا الصفقة كانت رابحة بكل المقاييس و اعتقد مع الاغلبية من الناس هنا او خارج المنتدى نفس الكلام
كلامي اللي فات كان على اساس الاوتوماتيك لما كانت ب ٨٠٠٠٠...دلوقتي للاسف سعرها بقى مرتفع بشكل مستفز و يخليك تضطر تفكر في بدائل اخرى حتى لو اغلى منها
ارتفاع سعرها الاخير خلاني اتغاضى عن شراء السانديرو الاوتوماتيك لاختي في الاسبوعين اللي فاتوا و اشترينا نيسان صني شكل قديم...
الخلاصة من كلامي....اللوجان كعربية كويسة جدا و مناسبة لاحتياجات الأسرة المتوسطة...لكن بارتفاع سعرها الحالي يخليك تفكر ١٠٠ مرة قبل الإقدام على شرائها
انا واحد راكب فيات 131 زى ما الأخ ذكر ومشفتش التكنولوجيا الرائعة فى كم العربيات اللى ركبتها يعنى بالنسبة لى لما إشتريت اللوجان أملة ومش عيب ومش شايف فى العيوب اللى ذكرتها سوى أن حضرتك بتبص لنصف الكوب الفارغ كنت اتمنى أيضا ان تذكر حسنة واحدة للعربية كفاية يا اخى إن واحد على قد حالى مثلا بدرجة مدير عام بأحد الهئيات اللى ليها شنة ورنه قدر يبجيب عربية اتوماتيك بالسعر ده وبالحلال وربنا يباركى فيها انا واسرتى ومن يذكر صفات حسنة للعربية مش معناه أنه يضلل الباقى ولا يتقى الله
العربية بالنسبة لسعرها تمنها فيها
بس خلاص على راى المطرب شعبولا
كل جاجه ليها ميزاها وعيوبها ومستحيل في السعر ده تلاقي حاجه فيها كل حاجه انت عايزها ولا محدش هيشتري عربيات غيرها
الحاجه الوحيده اللي مستغرفها وده شيء كويس برده مش وحش ان الناس تبقي بتحب عربياتها بس انا ملاحظ ان الناس بتدافع بشراسه عن اللوجان وفعلا بتقارنها بعربيات تقريبا ضعف سعرها وعمري ماشفت عربيه بيتعمل معاها كده
معلش يا أخى وليد انا حكلمك من وجهة نظر عمريه بصفتى اكبر منك سنا فتحمل اخوك موضوعيتك فى محلها انك تذكر عيوب العربية وتسرها حتى يتعظ الأخرون انما زى ماانت ذكرت بالضبط انك بادئ ب 128 وتدرجت فى اقتناء الموديلات لما أنا مثلا ربنا يكرمنى وركبت أول فئة فى ال b m w عمرى ما أفكر أركب أقل منها ويمكن فعلا زى ما انت ذكرت العيوب اللى انت قلتها موجودة فعلا انما واحد زى ما يحسش بيها وكمان لما اقارن مش بس الميزة ان العربية عالية على الأرض دى بس الميزة اللى انت حاسسها ؟؟يا وليد باشا لما تكون احلامك تجيب وليس لديك سوى ثمن اللوجان فيبقى العيب مش فى اللوجان العيب فى احلامك لأن العربية دى زيها زى أى حاجة فى الدنيا معاك جنيه حتشترى بجنيه معاك مليون حتشترى بمليون هما صنعوا العربيه دى بالعيوب دى لأن 80 الف ميجبوش اللى فى بالى وبالك فكرتنى مرة واحد خبطنى بغوشوميه وراكب b m w وهواللى غلطان ونزل يزعق ويهلل وأنا انفعلت جدا لانه غلطان وقليل الأدب كمان واحدة جت جنبى راكبه لانسر قالت لى يا أستاذ أعذره هو انت زعلان انو خبطك تمن ال 4 فرد كاوتش بتوعه بتمن عربتك كلها ههههههههههه وضحكت ومشيت بدون أن أرد عليها إيه السخافة دى يعنى علشان عريته أغلى منى عربيتى 30 ضعف أموت أنا وممشيش فى الشارع ويخبطنى أقوله شكرا وفكرت فى الكلام صح انا عربيتى لو كملت وعلمت عليه بس حيبكى دم انما انا فانوسى اللى اتكسر ب 15 جنيه اللوجان دى هى 128 وقت ما كانت عربيه ليها شنة ورنه متزعلش انا مش بهاجمك ولا رأيك مزعلنى انما فى عوامل اقتصادية ونفسية واسريه تخليك تتمنى تركب طيارة انما معاك تمنها احنا مش زى الحراميه اللى سرقوا البلد ولا المخلوع اللى لو عيال عيال عيال عيال قعدوا يصرفوا فى اللى سرقوا جدهم مش ح يخس مليار دولار واحد فاهمنى يا أبو وليد
اناهكلم على المانيوال انا جبتها هاف ب62 الف سنة 2010 وقت ما كان الصنى مانيوال 85 الف والفل اوبشن وكانت منافسيها ساجا وفيرنا ولانوس وسبرانزا وbyd
بالنسبالى كان الصينى مستبعد على الاقل نفسيا رغم الشكر فى byd
كنت محتاج الوسع والعلو وتوفير البنزين والامان طبعا فى ال3 نجوم ودول اتوفروا فى اللوجان
لكن لو توفرت فلوس الصنى وقتها او النيو اكسنت كنت جبت حاجه منهم وكانت اقلهم النيو اكسنت ب75 الف وطبعا الافيو مستبعده وكان قرار الشراء
بعد 3 سنوات الحمدوا لله حتى الان الله اكبر فى توفير البنزين وسع العربيه وارتفاعها انتشارها وفر اسعار قطع غيارها فى السوق باسعار حلوه واحساس الاوروبى الجميل مخليك مفتخر بيها
ممكن اكون اضايقت من بعض الامور زى صوت الجلده اللى فوق الباب بيعمل صوت مع المطبات الكبيره زى تكتكه
ممكن قريت على قصة البووابه ولو انها محصلتليش بس شىء يضايق لو حصل ثمنها 1500 جنيه
كان لازم اعمل اشياء اساسيه فى السياره مع اول 1000 زى العزل الداخلى مع ارضية الجلد عشان متحسش بصوت الموتور
العفشه كانت فيها خشونه حبتين وبعد تغيير الكاوتش لليوكوهاما اكتشفت العيب من الملعون الكاوتش الباروم لانه فيه نعوميه رائعه حاليا
التوكيل فى بدايتى عملى السنتر لوك لغاية الشنطه لما اشتكيت انه مش موجد وكانوا متعاونين
التيل متغير على 45 الف والفرامل قويه الحمدوا لله طول عمرها
اهم شىء توفير البنزين متوسط من غير تكييف 300 كيلو فى الصفيحه داخل المدينه ويوصل 350 على الطريق
الصاج ضعيف بس ده حال معظم الجديد
العربيه حاليا ب82 الف زيرو
لكن الزياده نسبه وتناسب يعنى الصنى برضه بقت اولها 105 الف مانيوال وشرحه الاكسنت ار بى
ممكن فيه عربيه منافسه هى حاليا اسمها الاميجراند صوره صينيه من الصنى الجديده وبصراحه انها الوحيده انها واخده 4 نجوم فى الاختبار الاوروبى للامان يديها منافسه شديديه للجميع واكرر برضه بالنسبالى انى اجيب صينى رغم المميزات دى مش مقتنع بيها دى وجهة نظرى
خلاصة الكلام انها عربيه اعتماديه اقل فى الرفاهيه والنعومه عن مثيلاتها يميزها بعض الامور عن غيرها فى فئتها السعريه زى 1-التوكيل كافضل نسبيا من غير ه 2- توفير البنزين 3- علوها ووسعها 4- قوة الشاسيه 5- توازن مقبول فى السرعات العايه 6- تجميع للسرعات مرضى بداية من الغيار الثالث 7- انتشار قطع غيارها وسهولة تكنولجيا الموتور القديمه تختلف حسب رغبات كل شخص ولو رجعتانا لنفس الاختيارات تانى هتكون هى نفس العربيه لانه بالنسبالى هى الافضل كارخص عربيات سيدان 1600 سى سى فى المعروض
ومع راى الزميل ان كلمت التطبيل فيها اهانه لناس كثير فلازم الاداره هنا يكون ليها رد فعل
انا صاحب عربيه زى زى غيرى استفدت من المنتدى وبافيده ومليش مصلحه انى انافق
العربيه فى البيع مستعمل منتشره ومطلوبه وتكاد توصل لسعر الشراء هى زيرو ولو انها نسبه وتناسب
فعلا فى مبالغه فى زيادة السعر من التوكيل اللى يزود سعرها 20 الف جنيه فى شهور برغم ان زيادة السعر فى مثيلاتها موصلشى للرقم ده وغالبا استغلوا الطلب عليها بالحجوزات لنجاحها وانتشارها
هل ده برضه تطبيل ولا ايه