حضرتك صاحب الموضوع بيتكلم عن الصني الشكل القديم مش الجديد ..
حضرتك بتتكلم عن الصني الشكل الجديد الذي لا يمس القديم بصلة ..
تحياتي ..
عرض للطباعة
انا كان قصدي الجديدة فعلا بس حتى القديمة احسن كموتور وفتيس ماعدا مساحة الصالون
بالاضافة ان الجديدة هندي اعتقد ممكن تبقى احسن من الروماني
التجميع المغربي ممكن يبقى افضل من المصري لان العامل المصري شغال بالفهلوة
اما رينو بقت شركة واحدة مع نيسان بس فرع نيسان لقوى بمراحل وبالرغم من كل دة الصني الجديدة صفقة رابحة عن اللوجان بعد الاسعار الجديدة
أيوه أيوه أصل حضرتك كنت كاتب صني 2004 في الموضوع ف افتكرت إنك بتتكلم عنها ..
العتب على النظر بقى ..
بس أنا برده لسة عند رأي إن الصني القديمة غير الجديدة خالص اللي بيميز الجديدة حاجتين الوسع الداخلي و استهلاك البنزين فقط لا غير ..
اظن اللوجان الاوتوماتيك تقفيل روماني مش مغربي و ده اظن تقفيل محترم و ممكن يبقى احسن من المصري ..
و مفيش حاجة اسمها عامل شغال بالفهلوة لانه مش شغال لوحده ده شغال تحت سقف الشركة المصنعة اللي اكيد لن تتنازل عن سمعتها عشان عامل ماشفش شغله كويس و حتى لو حصل أي default و ده اكيد ورد لكل قاعدة شواذ في حاجة اسمها خدمة مابعد البيع اللي هو التوكيل اللي بيحفظ حقك لو حصل أي حاجة من ديه ..
عندك الصني الجديدة عربية معظمها هندي تقفيل مصري شوف مابيعتها عاملة ازاي العربية باعت أول مانزلت 6 الاف عربية في 3 شهور دلوقتي مش عارفين يسلموا الناس من كتر الحجوزات بالرغم من عيوبها بس الناس عارفة إن ورا ضهر اللي هو التوكيل المشاكل اللي فيها بتتغير في الضمان من غير أي تكلفة على العميل ..
عموما حضرتك توكيل رينو و نيسان من احسن التوكيلات في مصر و اكيد حقك محفوظ عندهم متخفش ..
و برده بحترم اللوجان كفاية إنها الطفرة اللي أنقذت رينو مصر ..
تحياتي /
العربية اظن منافسيها اللانوس و الفيرنا
صالونها اوسع من الاتنين
سحبها احسن من اللانوس
ثباتها احسن من الفيرنا و ممكن اللانوس
ما تزال صفقة كويسة في فئتها
مع كامل احترامى للأسف كلام حضرتك مش مظبوط لأن العربية اللوجان المفروض إنها معفاة تماما من الجمارك وفق اتفاقية أغادير والكوميسا .. يعنى العربية دى لو اتجمركت سعرها هايعدى الـ 110ألف جنيه يعنى لما نقارنها بعربيات تمنها 110000 ج يبقى كلام مظبوط وسليم لأن العربيات اللى بالسعر ده لو اتشالت عنها الجمارك زى اللوجان هتبقى بسعر اللوجان ويمكن أرخص
وأنا متفق جدا مع ملاحظات أ. وليد لأن أكتر من شخص من ملاك اللوجان حكى لى نفس الملاحظات تقريبا
طيب انا بردو هرد عليك واحدة واحدة
ايه مشكلتك مع الصيانات؟؟؟ اسعار الصيانات للوجان تشبه الى حد كبير اسعار الصيانات للعربيات اللى فى فئتها مع العلم يعنى الفرق مش كبييير اوي.
و اللوجان بردو منشره و اللوجان ليها قطع غيار باسعار و جودات مختلفه ... سعر فانوس اللوجان الاصلى زى سعر فانوس الافيو الاصلي...
الفيرنا واللانوس انتهو من 10 سينين... فعلا انا حتي بقالى كتير اي مش بشوفهم فى الشارع و لا بلاقي منهم عربيات جديدة!!!
عيوب اللى انا بعتبرها خطيرة هى ان العربية تبقى بتسخن... بتعوم ... بتاكل بنزين جامد ... عدم توافر قطع الغيار ... ضعف الصااج و انعدام الامان.. (نسال اللى عملو حوادث ربنا يعافينا و اياكم جميعا)
الريفيوز اكيد طبعا بتأثر على الراي لكن مش هى بس اللى بتخليني انزل اشتري العربيه... انت لو قريت بس عن العربية و نزلت اشترتها تبقى انت اللى غلطان و اكنك شربت حاجة صفرا فعلا ... و كمان يعنى موضوع الصاج و البوية ممكن حضرتك كنت تكتشفوا اكيد قبل الشرا و بردو موضوع الشنطه و انها عاليه... و موضوع الباور و الكاوتش الوحش كل الناس قالت عنه قبل كدا انو فعلا تقيل و ان الكاوتش وحش...
-*- الدركسيون تقيل فعلاً
-*- صوت الموتور عالي فعلاً
-*- أماكن زراير الزجاج غبي
-*- مكان الكلاكس غبي
-*- لايوجد مسند ذراع والذي يباع في التوكيل ليركب مش قد كده
-*- إضاءة الصالون غبية
لكن
لكن
لكن
تظل صفقة رابحة
تتفوق على كل مثيلاتها
ولا تقارن إلا بما هو بسعر يتجاوز سعرها ب 10000 جنيه على الأقل
الفيرنا واللانوس والبي واي دي إف3 والإسبرانزا الوزة والأفيو كلهم منهزمين أمامها
هذا رأي الشخصي بعد مقارنات كثيرة قبل أن أشتري السانديرو التي أراها تتفوق على اللوجان في الشكل فقط لكن الباقي واحد
-
-
-
-
اللوجان مقلب كبير للي حاطط ف باله انه لما يشتريها هيركب بي ام دبليو او مرسيدس .. اللوجان عربيه فقيره ترفيهيا لكنها الافضل بكل المقاييس ف فئتها السعريه كسياره عمليه وعائليه من الدرجه الاولي ف متناول متوسطي الدخل .... انا اشتريت لوجان 2010 من 4 شهور والحمد لله حتي الان بتثبتلي اني احسنت الاختيار لاني طاحنها بمعني الكلمه وبافتري عليها ومع ذلك العربيه مش بتقول لا ... من الاخر اللي حاطط ف باله انها عربيه تتقارن بالياباني والالماني من حيث الرفاهيه يبقي اتخدع لكن هيا سياره عمليه جدا ف شوارع جميله زي شوارع بلادنا وصنايعيه مهره زي اللي بنتعامل معاهم وزيها زي ال 128 لكن برفاهيه اكبر ... ربنا يوفق الجميع ويكفينا شر عربياتنا
Best value for money
باختصار
الحمد لله