غريبه مع ان الناس هنا في المنتدي
بيوصفو اللوجان بانها عربيه لا مثيل لها
وبتنافس
الصني
والتيدا
والبومه
بل وتتفوق عليهم
رقم العضوية : 27012
تاريخ التسجيل : 06Dec2008
المشاركات : 1,421
النوع : ذكر
الاقامة : CAIRO-ABUDHABI
السيارة: لوجان 2013 اوتو
السيارة[2]: نصر 128
دراجة بخارية: هوندااا
الحالة :
بسم الله الرحمن الرحيم
بداية احب اقول ان انا كنت راكب قبل كدة 128 موديل 2006 من الزيرو ونيسان تيدا 2008من الزيرو ونيسان صني مستعملة 2004 وكيا اوبتيما 2002 كلهم اوتوماتك ماعدا ال 128 طبعا
اللوجان اللي معايا موديل 2013 عاملة 8000 كم اوتوماتيك
اولا مميزات اللوجان الاوتوماتيك:
كاوتش 15 عالية عن المطبات صالون واسع سقف عالى سعرها منافس (لما كانت ب 80 الف)
ثانيا عيوب العربية:
للاسف معظم مالكي اللوجان بيبقوا طالعين من عربيات اقل فى التكنولوجيا زي الفيات القديم واللادا اما لو كنت طالع من عربية معقولة هاتحس انك اخدت مقلب تمام اوي فى العربية دي نيجي بقى للعيوب بالتفاصيل
1- ابعاد العربية وخصوصا الشنطة تحسسك انك مش مسيطر على العربية فى الركن لانك تقريبا مش شايف حاجة من ضهر العربية
2- دهان العربية ممكن بظافرك تشيله اسوا دهان عربية شوفته فى حياتي دهان شركة النصر بتاع 128 كان احسن 100 مرة
3- سحب العربية زفت فى الطلعة لحد الغيار التاني وانا بقارنها ب عربيات 1300 زي اليارس الاوتو تتفوق بمراحل
4- الدركسيون تقل جدا تقريبا كدة كانه مفيش باور فيه والله ال 128 كان دريكسيونها العادي انعم
5- الكرسيين اللى قدام ظهرهم بيلعب معاك مع الفرامل واللي مش مصدقني يشوف اي عربية لوجان هيلاقي الظهر بيتحرك ومالهاش حل فى التوكيل
6- صوت موتور غبي خصوصا فى المطالع والكبس
7- الكاوتش اللي العربية نازلة بيه لا يستحق تعريفة وممكن يسبب كوارث ودي ممكن تلاقوها فى مواضيع كتير فى المنتدى
8- المصيبة الكبرى العربية دي الفتيس بيعمل تنتيش مع الكبس على مزاجك فى الغيار التاني مكرر اللي الناس مش عارفة ايه لزمته ولما تهدي بالعربية تحس بتسليمة كل غيار للى اقل منه محستهاش فى اي عربية اوتوماتيك تانية
9- سعر قطع الغيار مبالغ فيه جدا على سيارة زي دي
10- العربية من شركة داتشيا الروماني بدعم فني من رينو وبتتجمع فى المغرب يعنى كوكتيل تعبان جدا!!
وفى النهاية احب اقول ان دة تقييمي كاحد ملاك العربية اللي انا مستاء منها جدا
واكيد واحد هايقولي انت لشتريتها ليه هاقوله مكانش فيه ليها اي بديل بالسعر دة ومساحة الصالون دي
ونصيحة لاي حد مقدم على شراء العربية دي بلاش وفيه بدايل تانية احسن لان اللوجان هيا التطور الطبيعي للعربية الادا
طبعا انا عارف ان فيه بعض الاعضاء هايخشوا يهاجموا علشان صعبان عليهم الفلوس اللي دفعوها او الاقساط اللي عليهم بس انا بوجهلهم رسالة وبقولهم انتوا كنتوا السبب في ان ناس كتير تلبس العربية دي وبلاش دفاع وخلاص وياريت اللي هايخش يدافع يكتب ايه العربيات الاوتوماتيك اللي ساقها قبل كدة وكام الف كيلو يعني مايكونش خد لفة بعربية ويقارنها باللوجان
واخيرا كلمة لكل واحد بيفكر فى العربية دي الفرق بينها وبين الصني الجديدة اصبح 10000 جنيه او حتى ال بي واي دي فرق بسيط جدا .....اشتري نفسك واشتري حاجة منهم او خليك فى الفيات او اللادا اللي انت راكبها بدل ما يتخرب بيتك صيانة وسعر اعادة بيع زي الزفت
وبقول للناس اللي بتطبل للعربية دي وهية عارفة انها لاتستحق اتقوا الله وشكرا
والسلام عليكم ورحمة الله
واخرتها ايه معاكي يا بلد!!!!!!!!!
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
غريبه مع ان الناس هنا في المنتدي
بيوصفو اللوجان بانها عربيه لا مثيل لها
وبتنافس
الصني
والتيدا
والبومه
بل وتتفوق عليهم
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 442
تاريخ التسجيل : 03May2007
المشاركات : 3,648
النوع : ذكر
الاقامة : Egypt
السيارة: 127 & 128
السيارة[2]: Logan 2010 FO
دراجة بخارية: none
الحالة :
رقم العضوية : 27012
تاريخ التسجيل : 06Dec2008
المشاركات : 1,421
النوع : ذكر
الاقامة : CAIRO-ABUDHABI
السيارة: لوجان 2013 اوتو
السيارة[2]: نصر 128
دراجة بخارية: هوندااا
الحالة :
رقم العضوية : 27012
تاريخ التسجيل : 06Dec2008
المشاركات : 1,421
النوع : ذكر
الاقامة : CAIRO-ABUDHABI
السيارة: لوجان 2013 اوتو
السيارة[2]: نصر 128
دراجة بخارية: هوندااا
الحالة :
رقم العضوية : 13961
تاريخ التسجيل : 01Jul2008
المشاركات : 4,984
النوع : ذكر
الاقامة : Rehab city
السيارة: Nissan Sunny 2014
السيارة[2]: RENAULT LOGAN 2010
دراجة بخارية: agala
الحالة :
ظريف اسلوب الحوار ده
يعني بتقول ان احنا بنطبل للعربية على الفاضي
وبتقول اننا السبب في ان ناس كتيرة "تلبس" العربية واننا لا نتقي الله
وبتقول ان العربية عبارة عن 128 في اول الكلام وبعدين اصبحت لادا في اخر الكلام
وفي كل ده انت عارف الناس اللي حتدخل تهاجمك بس عشان " الفلوس اللي احنا دفعناها صعبانا عليها"
ههههههههههههههههههههههههه هههههههههههههههههههههههه
مش حقول لحضرتك غير حاجه واحدة
انا معايا اللوجان من 2009 واعتبرها Best value for money
ورغم مروري باكتر من 10 مواقف مختلفة اني لسه بعتبر توكيلها من احسن التوكيلات وتم حل كل اللي واجهني كله في الضمان بدون دفع ولا مليم
والدي اشترى ال Duster من 2011 لما رآه من تعامل توكيل راقي وامين وسريع في حل المشكلات على حساب الضمان
الداستر برضه داتشيا برعاية رينو وبتتصنع في المغرب ومش كوكتيل وحش ولا حاجه
والدي بيسوق بقاله اكتر من 30 سنة وهاري العربية في المزرعة مش عايز اقولك بيشيل في العربية معيز وخرفان وبط وبرسيم وكمان اشولة سماد , الداستر تعتبر النسخة ال SUV للوجان
جوز اختي اللي قعد سنتين يتريأ علىى عربيتي, السنة اللي فاتت باع عربيته واشتري اللوجان الاوتوماتيك رغم قيادته في الخليج لمعظم السيارات الامريكية بعد قضائه لمدة 20 سنة في الامارات وكان معاه نيسان في مصر ومش حقولك "بيطبل للعربية" ولكنه بيقول انها "صفقة رابحة"
واخيرا من شهرين:
والدتي باعت اللانسر الخليجي بتاعتها واشتريت ليها السانديرو الاوتوماتيك وتعتبر من احسن العربيات اللي سوقتها
شوفت انا وحش ازاي وبحب "البس" عيلتي كلها عشان انا شرير
ضحكت على العيلة وعرفت انتقم وشربتهم 4 عربيات !!!!!
د. أحمد عبد الرحمن
ونرجع ثاني: نفسي الناس تبطل تقول الحشيش مفيهوش ادمان
رقم العضوية : 27012
تاريخ التسجيل : 06Dec2008
المشاركات : 1,421
النوع : ذكر
الاقامة : CAIRO-ABUDHABI
السيارة: لوجان 2013 اوتو
السيارة[2]: نصر 128
دراجة بخارية: هوندااا
الحالة :
لو قريت الموضوع كويس انا اتكلمت عن اللوجان الاوتوماتيك وكاتب ملاحظات فنية ومحدش رد عليها وانا اتكلمت على الناس اللي عارفة انها عربية لا تستحق وبتطبل ليها مش اللي مقتنع انها تستحق رغم خلافي معاه فى رايه ومش معنى ان حد مبسوط بيها انها عربية كويسة في ناس بتسوق وخلاص ومش فارق معاه ومش حاسس بالعربية اللي تحت رجله فرقها ايه عن اي عربية تانيةودة اللوجان بالنسبالهم صفقة رابحة جدا
واخرتها ايه معاكي يا بلد!!!!!!!!!
رقم العضوية : 60618
تاريخ التسجيل : 01Feb2010
المشاركات : 5,992
النوع : ذكر
الاقامة : Cairo
السيارة: Renault Duster E2
السيارة[2]: Nissan Sunny EX 2010 Auto
دراجة بخارية: No
الحالة :
تعقيب صغير : الداستر بتجيلنا مباشره من مصنع رومانيا و ملهاش دعوه بالمغرب يا فندم . بالمناسبه اللوجان و الداستر في المغرب بينزلوا تحت ماركه داتشيا و الداستر منتشره جدا في أوروبا علي فكره و الميزه انها هي هي اللي بتجيلنا زي ما بيركبوها بره و ما بيتغيرش فيها مسمار يعني ال reviews عليها تبقي مضبوطه و كمان الصاج ناشف و دي مشهوره به سيارات اوروبا الشرقية أما الموتور فجاي من رينو و بتكنولوجيا بسيطه و ده علشان يقللوا الأعطال اللي بتبقي نتيجه التكنولوجيا المعقده و في نفس الوقت يبقي سعرها قليل.
بالنسبه لصاحب الموضوع. انا معاك في ان. لو كنت راكب فئه أعلي لما هتركب فئه اقل هتحس بالفرق طبعا و كل حاجه بتمنها و القرار بتاع الشراء يرجع لحضرتك في الاخر و مختلف معاك في موضوع الكوكتيل التعبان لان اغلبيه الماركات بقت بتجمع في بلاد الأيدي العامله فيها رخيصه علشان يبقي سعر العربيه معقول أما الموديلات الغاليه فبتصنعها في المصانع الرئيسيه بتاعتها و طبعا في فرق جوده بين التجميع في البلدين و كماليات و فئات و كل اللي انت عايزه و ده بتدفع ثمنه لو حبيت أما لو محتاج عربيه سعرها معقول علي قد سعرها فهتجيبها مش من بلدها اكيد زي من اوروبا الشرقية او تركيا و المغرب او أمريكا اللاتينيه و الصين و الهند و القرار في الاخر لحضرتك حسب إمكانياتك و الميزانيه المتاحه للموضوع و انت بتشتري تبقي عارف ان دي عربيه بكذا و امكانياتها كده و اهم حاجه ان السعر ماشي مع الامكانيات اللي فيها يعني مش راكب عربيه بتسعين الف جنيه اليومين دول و عايز تكييف تاتش و مثبت سرعه طب ازاي اومال اللي ب اكتر من ضعف تمنها يبقي فيه ايه و اعتقد انها ناجحه في الموضوع ده و من الحاجات اللي تحكم بيها علي الموضوع ده الانتشار. بالنسبه للموقف اللي حضرتك فيه دلوقتي اعتقد انك افضل حاجه تدور علي فئه أعلي او تبدل و تدفع فرق وكمان برضه من واقع الانتشار للعربيه اقدر أقولك ان في ناس كتيره مبسوطة بالعربيه و مش حاسه انها اتدبست و لا حاجه فمن الخطأ التعميم بالشكل ده
رقم العضوية : 72357
تاريخ التسجيل : 05Jun2010
المشاركات : 1,226
النوع : ذكر
الاقامة : egypt
السيارة: رينو لوجان 2012
السيارة[2]: 128&رينو1987&لانوس2010
دراجة بخارية: .3.
الحالة :
كلامك صحيح لو ماكنتش انتشرت بس هيا للاسف انتشرت و بتزيد فى الانتشار معلش لو العربيه مش عجباك ممكن تبعها او اصبر اما ابيع عربيتى المانوال اشترى عربيتك الاوتو مع تحياتى
لا تكن أحادي الرأي فمن الجميل أن تؤثر وتتاثر
رقم العضوية : 28460
تاريخ التسجيل : 25Dec2008
المشاركات : 5,505
النوع : ذكر
الاقامة : Nasr City
السيارة: Logan 2010/Astra Cosmo 2015
السيارة[2]: Logan 2012 AT B.L
دراجة بخارية: N/A
الحالة :
اول حاجة يا باشا رأيك يحترم و على راسنا من فوق بس اسمحلي اعقب على كل نقطة انت كاتبها و نتناقش فيها، بس الاول انا هنفذ طلب حضرتك في اني احكم على العربية بناء على تجربة اكثر من عربية فئات عالية و فئات متوسطة و فئات قليلة.
انا سقت الاتي:
- 128 موديل 78
- لادا 2107
- لادا سمارة 2115
- لانوس 2010
- سوبارو امبريزا 2010
- مرسيدس C180 2010
- اودي a4 2007
- BMW 316 i موديل 2013
- لوجان مانيوال
- لوجان اوتو
- هيونداي اكسنت 2009 اوتو
- لانسر 2007 1300 مانيوال
- لانسر 1300 اوتو عداد كاسر ال300000 كيلو
دول العربيات اللي سقتها مسافات كبيرة تخليني اقدر احكم عليها كويس قوي و اقدر احكم اقارنهم مع اي عربية ثانية.
و انا معايا لوجان 2010 مانيوال من اوائل الدفعات تقريبا 3 دفعة (شاريها في 2009) و لما حبيت اجيب عربية ثانية اوتو في رنج ال80نات جبت اللوجان الاوتو تقريبا ثاني دفعة
انا هرد على كل نقطة برقمها زي ما حضرتك كاتبها
1- معاك ان ظهر العربية عالي و مبيدكش ابعاد مناسبة في الركن و الكلام ده في الاول و بعد كدة مع المرايات بتقدر تركن زي الفل لأنك بتبقى عارف عربيتك. و دي قابلتني فعلا اول ما جبت ال2010 و ركبت باركنج سينسور و خلاص و في ال2012 محتاجتش اركب سينسورز
2- بالنسبة للدهان فانا عملت حادثة كبيييييييييرة جدا عربية تريلا لبست فيا من ورا و الموضوع موجود في القسم و تقدر بنفسك تشوف الدهان اللي بيتشال بالضفر عامل ازاي بعد خبطة تريلا.
3- متقارنش عربية بفتيس و موتور اوروبي بعربية ياباني او كوري لأن العربيات الاوروبي عموما بتبقى ثقيلة في طلعتها و بعد ال60 بتعرف الacceleration اللي على حق ربنا.
4- الدريكسيون فعلا ثقيل بس ده علشان يعوض علو العربية و كلنا قلنا ان الباور فعلا ثقيل
5- موضوع الظهر ده مستحيييييييييل تحسه مع الفرامل لكن لو قمت من على الكرسي و حركت الظهر بايدك قدام و ورا هتلاقي سنة بوش في الكرسي زي ما حضرتك بتقول بس مش لدرجة انو يلعب معاك في الفرامل
6- صوت الموتور ده انا مش هتكلم فيه لأنو سبحان الله سبحان الله نفس موتور الميجان 2
7- الكاوتش ابصملك بالعشرة على الكلام اللي بتقوله و اوؤيدك تمااااااااااما
8- موضوع الثاني اللي مقسوم على نقلتين فده موجود في الميجان و دي انا سقتها و حسيتها لما اشتكيت من الموضوع ده و مكنتش مصدق انو ده الطبيعي لحد ما احمد عبد المقصود اكدلي الموضوع ده و العقيد خالد سوقني عربيته علشان اتأكد منها.
9- سعر قطع الغيار في التوكيل في الحاجات اللي بتتسحب بشكل دوري سواء صيانات دورية او فوانيس او اكصدامات الخ ... فسعرها معقول جدا جدا مقارنة بنفس العربيات اللي حضرتك تفضلت و ذكرتها
10- العربية تصميم شركة داتشيا اللي رينو بتمتلك 60% من اسهمها يعني رينو ليها حق الادارة و تعتبر شركة من شركاتها لكن موتور و عفشة رينو. و مع ذلك بردو انا مش شايف ان فيها مشكلة طالما طالعة بتفس الstandards بتاعة رينو
------------------------------------------------------------------------------------------------------
اما بالنسبة للصني الي حضرتك بتضرب بيها المثل فهي تصميم و موتور و عفشة نيسان و تقفيل مصري و موتور تجميع هندي يعني كوكتيل بردو و مع ذلك بحرتم العربية دي
و خدلك لفة كدة في قسم نيسان اتفرج على مشاكلها من تيل اصلي سئ بيبوظ الطنابير قبل 10000 كيلو و صوت مع الفرامل زي العربية النقل و انذار محتاج مشوار للتوكيل علشان يتفعل و اللي ميعرفش يبقى عربيته فيها اوبشن و مش شغال
و اسمحلي بردو اسجل اعتراضي على كلمة تطبيل اللي بتقولها دي لأن المنتدى مش اوضة و صالة لأ ده ناس كثير جدا من كل الاقسام بتدخل عليه و لو الكلام مش منطقي او اي حد جرب العربية و لقى الكلام مش مظبوط مش كلهم هيسكتوا و بردو مفيش حد فينا بيقول العربية مفيهاش عيوب لكن احنا قلنا عيوب العربية بما يرضي الله.
و عموما ده تقييم حضرتك للعربية و بلسانك انت قلت لو العربية دي نزلت ب80 الف هتبقى كويسة
http://www.nilemotors.net/Nile/269591-a.html
يجب تعديل حجم الصورة
المفضلات