غلق مطار القاهرة 4 ساعات يوميا في الصيف القادم لتوفير الطاقة

**Sh_sunsea** · 30-03-2013 10:03 PM

المشاركة الأصلية كتبت بواسطة amr_mo

بالعكس انا شايف ان القرار ده متأخر جدا وكان لازم العمل به من فترة طويلة، فترة بالليل خصوصا من بعد الساعة 11 مساء تقريبا مفيش رحلات اللهم الا كم واحدة يتعدوا على صوابع اليد الواحدة ودول امرهم سهل لأن بيتم ابلاغ شركات الطيران دي لتعديل مواعيدها ولكن لو تشوفوا كمية الهدر الرهيبة في الطاقة والانوار جوة المطار خصوصا مهبط الطائرات في فترة بعد نص الليل لحد الصبح بتبقى شكلها ازاي متقدرش توصفها من كمية الطاقة المهدرة وكل ده من غير عائد تشغيلي في الفترة دي وده المعمول بيه في المطارات المحترمة

مطار فرانكفورت في المانيا ما فيش فيه طيران بعد الساعة 12 بالليل - الطيارة كان معادها الساعة 11 - وبسبب مشاكل تقنية قعدت الاقلاع يتأجل لحد ما الساعة عدت 12 - الكابتن قال مش هانقدر نطلع ونزلنا انتظرنا في المطار لحد الساعة 8 الصبح علشان الطيارة تطلع

ما نقعدش ننتقد للنقد يا جماعة - ننتقد الي ما بيشتغلش - وننتقد الي بيشتغل غلط - وحتى لما نيجي نعمل حاجة صح ننتقدها - ما المطلوب .؟

**mr_vampire** · 30-03-2013 10:20 PM

المشاركة الأصلية كتبت بواسطة curbis

المشكلة ان ده مش سوبر ماركت عشان يقفل ٤ ساعات يوميا :)))

زي مالاستاذ احمد كمال وضح انه مش اختراع جديد يعني. بس حتي لو اختراع جديد فيها ايه برده يتنفذ مادام مفيش من ضرر وهيتم توفير كهربا مع الاحتفاظ ووجود بدائل.
ولا عشان حكومة اخوان يبقي لا وخلاص حتي لو الحوار متبع عالميا يبقي لاء برده مادام من الاخوان.

ياريت ياشباب نبص للمصلحة الاول ان شالله لو من الجن الازرق.

**BESO516** · 30-03-2013 10:52 PM

عصرت الليمون

اعصر تانى ياحبيبى

......................................

انذار ووقف اسبوع لمخالفة القاعدة 9 بند أ
يرجى مراجعة قواعد المنتدى
11:02pm 30/3/2013
م.ع.4

**MTAK** · 30-03-2013 11:10 PM

باشمهندس احمد كمال , الرجل الموسوعه كما احب ان اطلق عليه

لك جزيل احترامى , لو كل واحد قبل ما يقعد يتريق و يجيب من هنا و من هنا

دور على صحة الكلام و تعب شويه قبل ما ينقل حاجه او يكتب تعليق , كان زماننا فى شكل تانى خالص

جايز ان مش كلنا عندنا موهبه البحث او اللغه اللى تساعدنا , يبقى البديل ننتظر امثال الباشمهندس كمال و ما نزيطش و خلاص
-----------

لو كان ده حصل قبل كده مش بعيد تلاقى الجرايد جايبه الليسته دى

و بتقولك مطارات العالم تتطبق وقف الطيران بضع ساعات اسوة بما فعلته مصر فى مطار القاهره

**أحمد كمال** · 30-03-2013 11:19 PM

الله يخليك يا باشا

انا بس ما باحبش الزيطة ...... و اما قريت الموضوع افتكرت خبر عن مطار قي بريطانيا منع الطيران الليلي تماما عشان الناس اللي ساكنة في مناطق سكنية بالقرب من المطار تعرف تنام

دورت شوية لقيت الموضوع واسع اوي و مش مجرد مطار و لا اتنين زي ما انا كنت فاكر و فاهم .......

للاسف الشعب بقى قاعد للحكومة زي عواجيز الفرح ........ ما يعجبهمش العجب و لا الصيام في رجب .....

مش معنى كده ان اداء الحكومة عاجبني او انه مثالي ...... بس الوقوف عالواحدة و التلكيك ما ينفعش

**أحمد كمال** · 31-03-2013 12:19 AM

المشاركة الأصلية كتبت بواسطة curbis

شكرا عاللينك بتاعك وبعترف ان أنا فعلا فتيت في الموضوع ده

بس لما قريت الخبر في رويترز كان مكتوب ان المصدر أرجع السبب لأن عدد الرحلات متوقع يكون قليل جدا ليلا الصيف الجاي وده شيء أنا شايفه مش طبيعي اطلاقا ليلد كان بيزورها حوالي ٨ مليون سايح سنويا في موسم الصيف

انت راجل محترم بجد ....... تحياتي ......

**amdd** · 01-04-2013 12:48 PM

عايز افهم حاجه هو مش الوزير قال ان فى ممر واحد بس هيكون شغال وان عدد الطائرات 27 فى الساعات الاربع ...يعنى هيكون فى طيارات جايه وهيكون فى ممر للهبوط وباقى الممرات مظلمة ايه المشكلة بقى فى كده واكيد هيكون فى تعديل لمواعيد الاقلاع ولا لازم يكون فى مشكلة!!!

-

الموضوع: غلق مطار القاهرة 4 ساعات يوميا في الصيف القادم لتوفير الطاقة

LinkBack

أدوات الموضوع

عرض

-

-

-

-

-

-

المواضيع المتشابهه

فى هنا مهندس متخصص فى هندسة الطاقة ( محتاجو فى مشروع تحويل الطاقة الشمسية الى كهربائي

نصائح لتوفير الطاقة (منقول)

احدث طريقة لتوفير الطاقة ( الحلقةالثانية - المقارنة )

احدث طريقة لتوفير الطاقة

الكلمات الدلالية لهذا الموضوع

المفضلات

المفضلات

ضوابط المشاركة