صيانه 30 الف في مركز احمد مرعي

**ahmad_2010** · 01-04-2013 05:56 AM

السلام عليكم
حبيت انقل لالاخوه في المنتدي اللي فادوني كتير جدا جزاهم الله خير واعمل تقرير عالسريع
انا قولت اغير مركز الصيانه المره دي بدل مودرن موتورز اجدد واروح مرعي وهو لسه مكان جديد ومجهز كويس عشان اعمل صيانه 30 للصني ex
اولا الميزات
1- المكان مجهز وجديد وفيه استراحه جيده جدا ومتوفر المشروبات
2- الورشه مجهزه وفيها 6روافع
3- الي بيعمل صيانه سهل انه يتابعها بنفسه من شباك علوي في الاستراحه

العيوب
1- اللي في الاستقبال مهندسه متواجده حسيت انها مجرد واجهه مش خبره والكلام دا بقوله لاني مهندس واعرف اقيم الموضوع دا كويس
2- الصيانه تمت من السعه 11 الي 4 ودا وقت طويل بالنسبه لتغيير زيت وفلتر والتشييك علي العفشه
3- عدد المهندسين اللي في الورشه 2 والفنين كانو تقريبا 5 ودا عدد صغير علي العربيات الموجوده
4- كان عندي الطابلوه فيه صوت زنه والكرسي بييزيق بلغت عليهم قبل الصيانه واما العربيه طلعت لقيتها زي ماهيا الكراسي لسا والتابلوه حاولو يثبتوه واما كلمت مهندسه الاستقبال قالتلي موضوع التابلوه دا خارج الضمان لانه عيب تقفيل ودا يدل علي عدم خبرتها وكمان الكرسي معرفوش يصلحوه مع انهم اخدو 40 جنيه زياده عشان الموضوع دا وضطريت اروح لسروجي وطلع في الاخر مسمار محلول تخيلو معايا مدي خبره المهندسين اللي جوه والفنيين
5- زودو السوايل زي مياه البطاريه ودي انا شفتها بعيني مياه مقطره لكن عند تزويد مياه الريادتير لقيت الفني بيحط مياه غير ملونه من جركن غريب كدا واظنها مياه عاديه
اخيراااااا غلو المصنعيه مبالغ افيه (320) جنيه عشان تغيير زيت وفلترمع العلم اني جايب معايا (كاسترول ايدج ) ااظن ان دا كتير لذللك انصح اي حد رايح المكز دا يكون هيغير زيت وفلتر بس لان مفيش عندهم اكتر من كدا

**wardet** · 01-04-2013 09:17 AM

هو المركز دا معتمد ؟؟

**ahmed_hanafi** · 01-04-2013 09:20 AM

فين المركز دة ..... انا اول مرة اسمع عنه

**badabeedoo** · 01-04-2013 09:39 AM

احمد مرعى ده وكيل نيسان و سوزوكى فى اسكندرية و مركز الصيانة ده موجود تقريبا على الطريق الزراعى الكيلو6 على ما اعتقد انى شفته فى الجورنال

**the_air_devil** · 01-04-2013 11:17 AM

مانصحكش تروح هناك تاني ..إذا كان ده مستوى التشييك على الزيت والعفشة امال هايبقى عامل ازاي لو حد عنده مشكلة كبيرة في العربية لا قدر الله ؟؟ ياريت تروح مركز تاني ومتشكرين جداً لحضرتك على النصيحة .. وياريت يبقوا يعينوا ناس بتفهم مش واحدة تقوللي عيوب التقفيل برة الضمان !!!!!!