الموضوع: محتاج نصايح القيادة علي الطرق السريعة

اهم حاجه متخفش ابدا و اوع تتفجع من كلاكس خصوصا النقل انت صاحب الحاره الى انت فيها و لو حد عايز يعديك و السكه مش سامحه و عمال يقرص و يدى كلاكس و نور فكك منه او اديه انتظار
و التزم حراتك و حاول متمشيش فى اليمين كتير عشان ساعات عربيات بتبقى راكنه او حد طالع و عربيه عطلانه
متبصش فى الارض خصوصا باليل عشان عينك متتعبكش بص قدامك و تنقل بين المريات سريعا لو حتغير حاره او ما شبه
اهم حاجه او تتفجع من اى صوت او شخص حوليك بابا او ما اتعلم سواقه عربيه نقل ضربت كلاكس جامد جمبه اتفجع نزل بالعربيه الترعه ههههههههههههههه
انا عن نفسى بحب السواقه على الطرق السرعه و السفر اكتر كتير من داخل البلد
اقعد فى كرسيك مرتاح و هدى اعصابك و امسك الدريكسيون بايدك الاتنين من غير تشنج يعنى املك الدريكسون و انت قاعد مرتاح عشان متتعبش بسرعه و اوعى تحسس الى جمبك على السكه انك خايف لو حد كسر عليك خليك فى مكانك لو الوضع سئ حاول تهدى و تعديه
و ربنا يكفيك شر الطريق ان شاء الله

ليه الكل بينصح اني امسك اليمين مع ان العربيات كل شويه توقف فيه وايه مشكله اليسار ؟؟
ولو حد زمر فعلا وانا في اليسار واعاوز يعدي اتصرف ازاي ؟؟
ولو في حاجه قابلتي فجاءة هل الفرامل كبس عادي علي السريع ولا ايه الحل ؟؟

خليك ف الحارة الوسط لا تنتقل الى اى حارة دون التأكد من خلوها
الزم حارتك الزم حارتك طالما الطريق مفتوح
لا تغضب لا تغضب فالعقول متفاوته
استعمل الاشارات دائما
الفرامل تدريجى
توقع خطأ السيارة التى بعد السيارة التى امامك ودائما فكر فى البديل

نصائح ممتازة

ممكن تكون مقلق فى البداية و ده طبيعى جدا .. أهم حاجة بس تكون مركز و انتا سايق