كاسيت وسماعات

**shimoshosho** · 08-08-2008 02:20 AM

السلام عليكم

انا كنت عايزة اجيب كاسيت سى دى للعربية بس سمعت انه غالى شووية لانى لسه هاجيب سماعات ومش عايزة الموضوع يوسع معايا المهم

انا سمعت ان فى ناس بتشترى كاسيت رخيص و تجيب ام بىثرى او فلاشة والله مش عارفة اذا كانت ام بى ثر ولا فلاشة ياريت حد يفهمنى الفرق بنهم

وبيكون احلى من السى دى لانى ممكن اغير الاغانى اللى انا عاوزاها

مش زى السى دى ياريت حد يفهمنى لانى بكرة هانزل اشترى

عايزة اعرف اجيب كاسيت ايه ونوعه ايه

و ام بى ثرى ايه ومساحته ايه ولا فلاشه

والسماعات عايزة اعرف نوع حلو وميكنش غالى اووى المهم تكون صوتها نقى

ياريت لو تكون فى اسامى وماركات علشان اعرف اشترى

على فكرة انا عربيتى سوزوكى ماروتى

تحياتى لكم

**moshax** · 10-08-2008 04:31 AM

عادى جدا حسب ما انتى عاوزة ....بس لو عاوزة صوت كويس ونقى يبقى لازم كسيت كويس ..؟؟
الكاسيت الكويس ومش صينى وماركة كويسة هيبقى سونى او كيين وود وسعرة هيكون حوالى 450
والسماعات الكويسة هتعمل 350 جنية ...هيطلع صوت حلو اوى انا مجربهم ..؟؟؟
انا شفت واحد عند توكيل سونى الى هو بى تك كان سعرة 750جنية بس انا مش فاكر رقم الكاسيت اية بالضبط دة كان بيقبل سى دى وفية فتحة aux وكمان فية وصلة usb وكمان ممكن يشغل دي فى دى لو اتوصل بشاشة؟؟
لو هتشترى حاجة زى كدة ياريت يكون فيها فتحة aux لان دى الى ممكن توصلى بيها الام بى ثرى او موبايل او اى حاجة بدل موضوع الشريط الى بيبوظ الهيد بتاع الكاسيت ؟؟
ممكن كمان لو مش عاوز موضوع السى دى هو قدم خلاص من رائى وهيعمل زحمة فى العربية الام بى ثرى احسن طبعا ممكن تشترى كاسيت يكون شرايط وفية فتحة aux علشان توصلى الاى بود او الام بى ثرى دة ممكن يكون سعرة حوالى 300جنية ؟؟

**KoDaK_Gti** · 11-08-2008 06:38 PM

لو تزنقى نفسك شوية وتجيبى كاسيت بايونير سى دى وبيركب فيه فلاشة يبقة احلى مليون مره وصوت انضف بكتير
الكاسيت ب 1200 تقريبا وشاشته جرافيك اشكال متحركة

**VIRUS** · 16-08-2008 06:48 PM

انا مقدرش اقلك على حاجه من ناحيه الأماكن وكده لاني في السعوديه بس اللي انا عارفه ان السيدي بيكون صوته نقي جدا انتي هتيلك كاسيت سيدي ويكون فيه بورت لليو اس بي ويفضل يكون سوني
اما بالنسبه للسماعات
انا هقولك على اللي سعره هنا معقول بس معرفش ايه نظامه فمصر
اول حاجه خليه يركبلك في الأبواب سماعات 400 وات
في الأربع ابواب
وورى ممكن تحطي 400 أو 500 وات وتحطيلك مضخم حلو كده 1000 وات وادعيلي على الصوت لأنه هيسمع آخر الشارع