الموضوع: ركبت الغاز في لوجان اوتو :)

لو تلاحظ - الزيادة في البنزين نفس "مقدار" الزيادة في الغاز - وبالتالي الفارق ما زال هو هو - لما يتحسن - ولم يسوئ
هاتجيب حق التحويل في تقريبا 30 الف كيلو -
الحسابات لم تختلف - وده في حد ذاته شئ مستفز - بس يظل أحسن من البنزين

أكيد بيؤثر على سعر اعادة البيع - افضل الاحوال لو هاتبيعها بالغاز - هايبقى بدون مقابل - يعني تخسر سعر التركيب - ولو هاتبيعها بدونه أكيد هايبقى أقل من المفترض

الغاز أكثر حرارة على الماتور وفيه بعض العيوب الي وضحتها في البداية - ولكنها ليست قاتلة - بمعنى اهتم بصياناتك وفلاتر وبوجيهات في مواعيدهم وزيت طبعا - وهتلاقي الفارق في النهاية مش كبير

تقرير رائع جدا و مفيد
أحييك عليه و علي دقتك في توضيح كل تفاصيل الموضوع ايجابياته و سلبياته
رغم زيادة الأسعار الا ان الفرق مازال ثابت لصالح الغاز

بالنسبة للجزء المعدني أنا اعتقد انه حماية مش اكتر علشان لا قدر الله لو حصل تصادم في مقدمة العربية يحمي الموتور من الصدمة و الله اعلم

ربنا يبارك لك في العربية و يكفيك شرها

تحياتي

بعتذر للتأخير الرهيب في آخر صورتين دول - بس كل ما أنوي - وأجل شوية - أنسى وانتوا فاهمين بقى
برجاء ضم البوست ده لبداية الموضوع ان أمكن

صورة زرار التحويل من بنزين لغاز والعكس يسار التابلون تحت عداد السرعة تقريبا
لمبة برتقالي كالصورة = بنزين
لمبات خضراء = غاز
وعدد اللمبات الخضراء 4 تتناقص مع نفاذ كل ربع للتانك



الصورة التالية للمقارنة بين مسطرة رشاشات البنزين - ومسطرة رشاشات الغاز



الصورة التالية لتوضيح الدخول الطبيعي لأحد رشاشات البنزين الاربعة الى الاسطوانة الخاصة بيها - ودخول لاحد رشاشات الغاز لنفس الاسطوانة الذي تم تحضيره بمعرفة شركة الغاز