مشكله مروحه التبريد بتهيس

**amro1965** · 02-04-2013 11:56 AM

السلام عليكم ورحمه الله وبركاته
مشكلتى تنحصر فى الاتى
السيارة سخنت والمروحه لا تعمل لان الريداتير مفيش مياه واصله له
عملت قفله للترمستات المروحه اشتغلت والحمد لله
ثم شيكت على الخراطيم الخاصه بدورة التبريد علشان تسريب المياه وجدت وصله بين خرطومين صدت وتأكلت وخرطوم صغير غيرتهم
بعد ذلك شغلت السيارة ومشيت طريق حوالى 5 كيلو فى جو الحراراة معقوله المؤشر وصل النصف مش مشكله
حبيت اجرب الترمستات هيشغل المروحه اتوماتيك عندما تتعدى درجه الحرارة المنتصف
تركت السيارة تعمل وهى واقفه كانت النتيجة المروحه لا تعمل
ابطل السيارة المروحه تعمل واشغل السيارة المروحه تفصل
اللى اعرفه العكس لما اكون ماشى بالسيارة وعندما تزيد حراره الموتور والريداتير تعمل المروحه اتوماتيكا بعد اعطاء الترمستات الامر ان درجه حراره المياه تعدى 90 درجه
مش عارف ايه السبب
هل من الممكن اكون عكست خرطومين مكان بعض لانى فكيت كل الخراطيم وركبتهم تانى ولم اعمل شىء فى الكهرباء
ولا فى سبب اخر
اتمنى من له درايه او شاهدت مشاركه شبيه لمشكلتى يخبرنى لانى بحب اعتمد على نفسى فى الاشياء الصغيرة لانها ممكن اقع فيها او يقع فيها شخص مثلى فى سقر لا قدر الله اساعده واساعد نفسى

**nicegypt** · 02-04-2013 05:32 PM

استاذ عمرو مشكلتك تتعلق بثرموستات المروحة .

اول حاجة عايزك تعمل قفلة بين طرفي المروحة شوف المروحة شغالة طبيعية وسرعتها معقولة ولا لاء
وجرب كذا مرة اتأكد انها مش بتعلق .. لان لو المروحة بتعلق يبقى شربون مروحة ودة شربتة مرتين لحد ما غيرت المروحة
كلها وريحت دماغي .. دي اول نقطة " مجرد اطمئنان على المروحة بس مش اكتر لكن العيب مش فيها حسب وصفك "

المروحة شغالة تمام وسرعتها معقولة ومفيش اي مشاكل يبقى الثرموستات وهو دة الاكيد 100 %
هتشتري ثرموستات شاهين اصلي بالفيشة بتاعتة هتلاقية عند بتوع قطع الغيار .. وركبة مكان القديم وانسي الحرارة ب 40 ج
يأما مؤقتاّ ركب ثرومستات عادية من اي كهربائى تمنة 10 ج تقريباّ .. بس مش بيعيش . وتبقى تطمنا
وياريت تبتعت لي رقم موبايلك على الخاص لانى بعت لك رسالة ع الخاص وتقريبا حضرتك مشفتهاش
واي استفسار او معلومة ممكن تتصل عليا .. لو تقرب لي المسافة نتقابل ونجرب الثرموستات

**amro1965** · 03-04-2013 12:35 AM

المشاركة الأصلية كتبت بواسطة nicegypt

استاذ عمرو مشكلتك تتعلق بثرموستات المروحة .

اول حاجة عايزك تعمل قفلة بين طرفي المروحة شوف المروحة شغالة طبيعية وسرعتها معقولة ولا لاء
وجرب كذا مرة اتأكد انها مش بتعلق .. لان لو المروحة بتعلق يبقى شربون مروحة ودة شربتة مرتين لحد ما غيرت المروحة
كلها وريحت دماغي .. دي اول نقطة " مجرد اطمئنان على المروحة بس مش اكتر لكن العيب مش فيها حسب وصفك "

المروحة شغالة تمام وسرعتها معقولة ومفيش اي مشاكل يبقى الثرموستات وهو دة الاكيد 100 %
هتشتري ثرموستات شاهين اصلي بالفيشة بتاعتة هتلاقية عند بتوع قطع الغيار .. وركبة مكان القديم وانسي الحرارة ب 40 ج
يأما مؤقتاّ ركب ثرومستات عادية من اي كهربائى تمنة 10 ج تقريباّ .. بس مش بيعيش . وتبقى تطمنا
وياريت تبتعت لي رقم موبايلك على الخاص لانى بعت لك رسالة ع الخاص وتقريبا حضرتك مشفتهاش
واي استفسار او معلومة ممكن تتصل عليا .. لو تقرب لي المسافة نتقابل ونجرب الثرموستات

انا اسف لانى مختش بالى من رسالتك ولكنى رديت عليها الان
ثانيا
المروحه تمام لانى عملت قفله فدارت بكفاءه عاليه
فضل لى التأكد من الترمستات دورت السيارة ومشيت بيها حوالى 5 كيلو وتركتها دايرة حتى تعدت درجه حراره السيارة الى المنتصف لكن المروحه لم تدور بطلت السيارة المروحه اشتغلت
فى وقتها دورت السيارة المروحه بطلت
صديق لى قالى يبقى فى قفله فى الكهرباء
شيكت على الفيوزات الخاصه بالمروحه وجدت سلام
لكنى اكتشفت ان فى سلك راكب فى فيوز الولاعه ولم يكن موجود مسبقا
اكيد عندما ركبت سنتر مكان القديم الكهربائى عمله وطبعا لم الاحظ المروحه نظرا ان لبروده الجو فى ذلك الوقت
سهل جدا اوديها لكهربائى يشوف السبب
لكن انا اتعودت اجرب الاول واشوف السبب عجزت بعدها اذهب للكهربائى
تقدر تقول استفاده معلومه جديده
وسوف اخبرك لاحقا بالسبب ان شاء الله لاستفاد وافيد باقى اعضائنا فى الرابطه