الموضوع: تنظير .. أدب .. سينما

المشاركة الأصلية كتبت بواسطة maheralsisi

الموضوع ده عاوز سيجارتين حشيش
(طبعا هاتقولى ان ده انعكاس للافلام اللى اثرت على دماغى و اقنعتنى ان البنى ادم ما بيعرفش يهدى و يفكر الا و هو مغيب )
ممكن يكون الكلام حقيقى و ممكن يكون نوع اخر من ايدلوجية التاثير كوسيلة تجعلك ترفض من الاخر ما لا تقبله الا راسك
يعنى لما انا اقتنع بالكلام ده يبقى ما اشوفش اى حاجة لانها بتبعث رسائل خفية للتاثير على عقلى للقبول بما لا اقبله ؟؟؟ فبالتالى لن اشاهده ؟؟ و بالتالى تبقى ارائي محصورة فيما اقتنعت به و الشخصيات التى انا متاثر بها ؟؟ بغض النظر و عد اعمال العقل فيما اذا كانت صحيحة ام خاطئة اساسا ؟؟؟؟؟
و لو شفتها يبقى انا فهمتها ؟؟؟ ممكن
تاثرت بيها ؟؟؟ ممكن برضه
رسائل على المدى طويل ؟؟؟ ممكن
خدد عندك مثلا بروتوكلات حكماء صهيون الموضوع من 1800 و كسور منهج مدروس و ماشيين عليه تماام و يتغير طبقا للظروف بس بنفس الاهداف
يعنى بيتغير بما يخدم الهدف فقط
و اهم وسيلة فى كده كانت الاعلام
اه الاعلام ما تستغربش اوى
الاعلام من اقدم المهن الموجودة فى التاريخ
الاشاعات -- المنادى -- الاخبار المنقولة -- و كتير و كانت بتستخدم فى الحروب للتاثير على نفسيات الناس
خد عندك مثلا حرب التتار مع المصريين المصريين خايفين - التتار بياكلوا الناس صاحية سنانهم طويلة و عيونهم حمرا -- مش هاتشوف الشمس من اعدادهم --و.....و........
يعنى هزيمتك تمت قبل الحرب --
و اتخذ قطز اذكى قرار وقتها (رغم بشاعته الا انه كان ضرورى )
قتلهم و فرج الناس عليهم و علق رؤوسهم على ابواب القاهرة
دى مش دموية ؟؟ دى مواجهة للاشاعة (الاعلام وقتها ) عشان الناس تعرف انهم بشر عاديين يمكن قتلهم و حربهم
مش قادر انكر كلامك ( لانه واقع ) بس مش قادر برضه اعممه (لانه اكيد مش كل صاحب فكرة او رواية اداة ) لمجرد انه عرض حاجة مختلفة
لكن فى الحالتين يبقى العقل هو الفيصل (اذا اشتغل من غير الحشيش ):b4_237:
و تبقى الحقائق و الوقائع هى الوسيلة الاجدى و الامثل لمواجهة مثل تلك الاشياء
بس معلش سؤال مضايقنى من اول الحلقة
يعنى ايه تنظير ؟؟؟

كلامك سليم و انا متفق معاك , في الحقيقة اللي هايفهم مضمون المقال صح و يدرسه كويس , مفروض ما يفكرش بالطريقة دي خالص
الاصل و الصح ان العقل نفسه بينقد و يقيم كل ما يمر عليه سواء بيشوف او بيقرا , لكن دي مش القاعدة للأسف
و انا معاك ضد التعميم طبعا , و ان كنت من زمان لما باشوف الاعلام الموجه كنت باعرفه خصوصا في افلامنا العربية , و كان اشهرهم بالنسبة لي فعلا رد قلبي و الايدي الناعمة , و حتى (الكرنك) كمان , و القائمة تطول لحد ما توصل للتلاتة يشتغلونها

اما عن التنظير , فهو النظرية المجردة و تفاصيلها , الليبرالية , تقبل الآخر , تقبل المختلف , و كل حاجة من دول لها طبعا تفاصيلها و لها مميزاتها و لها عيوبها

المشاركة الأصلية كتبت بواسطة alexaway

انت عايز تجيب واحد بيكتب بخلفية معينة وينتقد علشان يثبت فكرة فى دماغه وتقلي اقراله بعيد عن ايدلوجيته :) ؟, لا وبتقلي اني مقراش لانه حبقي قفلت دماغي قبل ما اقري , دا الكاتب يا باشا هو اللي قافل دماغه علي فكرة معينة :)
سبحان الله جايب مقالة مليئة بالهجوم علي العلمانية والنصرانية وكل ما هو مخالف لمعتقد الكاتب ويقلي اقراها بعيد عن ايدلوجية الكاتب , لا حلوه :)
علي كدا بقي اروح اقري كتب المستشرقين المتعصبين تجاه الاسلام واللي قالوا عن الاسلام في كتبهم انه دين ارهاب وتطرف وانه انتشر بحد السيف ؟؟؟
هولاء المتعصبين من الكتاب سواء كانوا اسلاميين او مسيحيين حياتهم تدور في فلك واحد وهو التعصب الاعمي ولن تأخذ منهم غير كلام مسموم ولا علاقة له بنقد او تحليل .

كل يبكي على ليلاه , و ردك ده هو بالظبط اللي قلت في اول الموضوع خالص انه هايحصل , ليلاه فقط
رجاء , خليك مع ليلاك و ثق ان الموضوع ده مالوش دعوة بيها في مضمونه , و ان كان في ثناياه اللي مش عاجبك معلش سامحني عليه

المشاركة الأصلية كتبت بواسطة hobiko

المقال ده رقم جودة صياغته اللى أشهدلها بصراحة ..... الا ان سهل ضرب الأفكار اللى بيحملها ببساطة :)))

دوس , بس ما تجيش تقول لي اتوقفت بسببك :))))))))))))))))))))