مطلوب الرأي و المشورة .... ضروري جدا

**speed demon666** · 02-04-2013 12:45 PM

السلام عليكم ورحمة الله وبركاته

يا جماعة انا إشتريت عربية نيفا من كام شهر و صاحبها كان مركب كوتش غير المقاس الأصلي بتاعها

كان مركب 225/55 16 المهم انا غيرت و جبتلها جنوط فيتارا 15 و جبت الكاوتش 205/75 15 كومهو المفاجاة بعد كده اني ألاقي تاريخ الإنتاج سنة 2006 .... انا اتكلمت مع صاحب المعرض و هو بصراحة راجل ذوق فوق الوصف و إداني جميع الإختيارات قاللي لو لقيت المقاس ده بره بإنتاج جديد قوللي هو فين و انا أجيبهولك و أركبهولك ... بس قاللي ان الكوتش اللي عندي مفيهوش مشكله لأن الولاد و هما بيركبو كانت الفرده طريه مش ناشفة .... انا فكرت اني أحط مقاس 205/70 15 ولا أسيبها كده ؟؟؟

أرجو الرد يا جماعة لأني المفروض اني هرد عليه النهاردة

**speed demon666** · 02-04-2013 08:23 PM

هو محدش معبرنا ليه يا جماعة

**Moratoz** · 03-04-2013 11:30 AM

تاريخ الأنتاج منتهي الصلاحيه خلاص والمشكله مش في ان العجله طريه ولا نشفه لأن انتهاء الصلاحيه مش معناها ان العجله بايظه ولكن معدلات الأداء الخاصة بها تغيرت ولذلك عمرها الأفتراضي ومستوي الأداء سوف يتغير بالأضافة الي الخطر الخاص بأستلاكها المفاجئ