الموضوع: عاوز نصيحة لشراء 127 من أهل الخبرة

المشاركة الأصلية كتبت بواسطة dr.hanysamy

لو شبابي مش متجوز وممعكش فلوس كتيير التوب 2 باب تتروش بسهولة وتعمل من 7-9
لو عائلية السوبر فيورا 1985-1987 خمسة غيار وتسافر بيها لو تحب من 10-15حسب الحالة
بس سيبك انت اهم حاجة الحالة يعني موديل82 ال4 غيار البيتي الحالة النضيفة احسن 100مرة من 87محتاجة شغل
واعمل حسابك الحالة النضيفة خلي معاك 2000او3000مصاريف غير تمنها اما الحالة التعبانة ولا 5000هيكفوك علشان تظبطها

أشكرك يا دكتور على ردك المخلص ، وأرجو من الله أن يجزيك أجر النصيحة
وأرجو أن تشرح لي أهمية رقم القايم لأني قراته في المنتدى ولم أفهم المقصود منه
وشكرا جزيلا لك

اعتقد يا دكتور ان اللي بيحافظ على سيارته يستحق يرفع السعر شوية لأنه بيوفر على المشتري البهدلة عند الميكانيكي والكهربائي ، وأنا عن نفسي أفضل أدفع زيادة شوية واريح دماغي
وشكرا على مرورك الكريم

المشاركة الأصلية كتبت بواسطة hilal

وأرجو أن تشرح لي أهمية رقم القايم لأني قراته في المنتدى ولم أفهم المقصود منه
وشكرا جزيلا لك

بس بقى المفروض ان رقم الشاسية بيكون موجود على الكرتير اليمين للسيارة ، ولكن للاسف 90% من 127 بيكون المكان دها فيها بارومة وبيتم قطعوا عند السمكرى.
بعد ما يتم قطعوا تروح للمرور وتثبت الرقم ويتم دق الرقم على قائم الباب الخاص بالسائق.

المشاركة الأصلية كتبت بواسطة abosharbat

بس بقى المفروض ان رقم الشاسية بيكون موجود على الكرتير اليمين للسيارة ، ولكن للاسف 90% من 127 بيكون المكان دها فيها بارومة وبيتم قطعوا عند السمكرى.
بعد ما يتم قطعوا تروح للمرور وتثبت الرقم ويتم دق الرقم على قائم الباب الخاص بالسائق.

جزاك الله كل خير على هذه المعلومة ، وأشكرك على مرورك الكريم ، جعله الله في ميزان حسناتك